.gif)
يا بشر عرفاني وعارفه أنا مين
في حاجات لازم علشان نعرف
درجة قوتها...بنكسرها
وحاجات ف إدينا... عشان نعرف
إننا عايزينها ....بنخسرها
كدّبت ف عمرك كام صاحب
علشان كان نفسك تتطمن ؟
وخسرت أصحابك وأتطمنت
طب كام بالون فرقعوا منك
وإنتا بتنفخهم ع الاخر؟
وعرفت أخرهم بس ندمت
دلوقتي فهمت
أنا عاوز إيه
ونا كنت بفرقع بلالين ليه
أنا عاوز حاجة بدون آخر
أو حتى بآخر ما اوصلّوش
كام حيطة ف ضهري
أضرب وأهري
ف بدنهم بس ما يتهدّوش
شيء مش مغشوش
مضمون دايما
من غير ما أحتاج إني اتأكد
أو حتي أخاف إني أتنّكد
لا يكون ف الأخر برضه فاشوش
يا بشر عرفاني وعارفه أنا مين
بلغوا أسفي لكل البلالين
كلنا كنا ف يوم بالونة
فقعتنا تجارب بني أدمين
بلالين عايشين نفسها تلقي
حد يصدق ويقدرها
متأكد من إنه عاوزها
من غير مايجرب يخسرها
الشاعر
مصطفى ابراهيم
رد مع اقتباس
.gif)
المفضلات