جامعة من جامعات امريكا فكرت تسأل يعنى ايه حب فكرت لما تسأل تسأل الاطفال من 4 سنين ل 11 سنة لأن الاطفال دول كان لسة حاجة بكر ونضيفة.


قالوا ايه عن الحب ؟


ولد منهم قال : الحب لما ماما تعمل لبابا كوباية نسكافيه وتاخد منها شافطه عشان تعرف طعمه مظبوط ولا لآ .



ولد تاني قال : الحب ع الغدا لما ماما بتدي لبابا أحلى حته فـي الفرخه .
بنت قالت : الحب لما بنت تقول لولد ان التيشرت دي جميله عليه فيفضل يلبسها كل يووم .



بنت قالت : الحب لما حد ينهدلك بأسمك .. وتحب اسمك منه .



بنت تانيه قالت : الحب لما اختي الكبيره تديني كل هدومها وتنزل تدور علي هدوم جديده تلبسها.



ولد قال : الحب لما نخرج ناكل بره واللي معاك يديلك من البطاطس بتاعه
من غير مايكون عايز قصادها حاجه .



ولد قال : الحب لما الواحد يكون بينام خلاص ويزوره حد بيحبه
فيصحي ويبقي فايق جدآ .


أجمد اجابه بنت منهم قالت : الحب لما بشوف تيتا لما بتحاول تلمع ازاز النضاره ومش قادره عشان الرعشه اللي فـ إيديها ، الحب لما بلاقي جدو مسكلها النضاره بيلمعهالها رغم الرعشه اللي فـ إيديه .



الحب موجود في كل حته المشكلة بس إننا ساعات مابنعرفش نشوفه