اشتاق لذاتي
كلام كتير اوي عايزة اقوله لنفسي
اول حاجة عايزة اقولهالي
اني وحشاني اوووووووووووي
ان حضني وحشني
مش عارفة مالي
بس حاسة اني اتغيرت اوي
ايوووووووووووة هو دة
انا حاسة اني اتغيرت
لا
انا متأكدة اني اتغيرت
برضه لا
انا فعلا اتغيرت كتير
واحشاني يا غادة وانتي بتضحكي من قلبك بجد
انتي بقيتي تعيطي اكتر ما بتضحكي
انا فعلا اتغيرت
انا مش لقياني
مش قادرة اكتب ولا قادرة ارجع زي الاول
وحشاني طفولتي اوي
وحشاني اني اكون عند كل الناس
وحشاني اني ارد علي كل الناس
وحشاني اني ازور كل الناس
واحشاني اني اضحك
وحشاني اني اكون البنوتة اللمضة
ممكن يا غادة ترجعي تاني زي الاول
مش شرط تكوني حزينة يا ماما
مش شرط انك تفتكري اللحظات الوحشة اللي مريتي بيها ولسة بتمرى بيها
بس عايزاكي ترجعي زي الاول
اضحكي وفرفشي
اوعي تبعدي
اتغيرت اوووووي
يا تري عشان العيد مش بقي عيد وفرحته بقت احساسها عادى جوايا
ولا عشان تميت ال 22 سنة وحسيتني كبرت فجأة ولسه بكبر وانا مش واخدة بالى
ومحققتش ولا انجاز ف حياتى ممكن افتخر بيه
محصلتش اى حد من الى اصحابى اللى حواليا والعمر بيجرى
لا علم زاد ولا شغل حلو ولا معارف مهمين وعلاقات مهمة
ولا حتى خطوبة وجواز وتكوين بيت واسرة زى بقيت البنات
حتى دى مش عارفة اخد فيها خطوة وخايفة
من يومين واحد سألني انتي عندك كام سنة
تنحت
وبصيتله كتير اوي
لحد ما قالي يا آنسه انتي معايا؟
مش كنت فاكرة عندي كام سنة
17 ولا انا عديتها بمراحل وتميت ال 22 وقربت كمان ع ال 23
ومفيش اى جديد ف حياتى
اخر حاجة فاكراها اما كنت بنت 17 وناجحة ف الثانوية وبقدم ف الكلية
بعد كدة مفيش اى جديد يذكر
حاسة ان عمرى بيجرى ويضيع من بين ايديا ومعملتش اى انجاز او تقدم ف حياتى
والحياة بقت واقفة وراكدة بيا لوحدى وبتجرى بكل الناس حواليا
وانا لوحدى محلك سر
ولا يمكن عشان السنة الجديدة زي اي سنة عدت مش فارقة
كل ما كنت افتكر ان 2009 خلاص قربت
افتكر فيلم محمد هنيدي والراجل اللي مش عارفة اسمه بيقوله
راس سنة ايه وزفت ايه .... انت عبيط يالا
لا بس انا متغيرة من قبل العيد ومن قبل عيد ميلادي ومن قبل ما 2008 تيجي اصلا
انا حباني اوي
لاني نفس بشرية فلازم احب نفسي
عشان كدة بقولي
ان انتي مش انتي
مش عارفة هتستمري في اللي انتي فيه اد ايه
بس هقولك
انتي وحشاني اوووووي
وواحشني كل اللي حواليا
محتجاني
اتعودت علي احزاني وجراحي
بس انا متعودة عليهم من زمان
ليه بقي مش زي الاول؟؟؟
اقولك زي ما كنت بقولك زمان
تعالي في حضني
اصل انتي وحشاني اوي
المفضلات