احتراف الايفون Iphone 3 G

[MR.HaNy]

أعضـائنــا الكرام
طاقمنـا الموقــر
إدارتنــا الكـريمــه

حيــاكم الله بالخيــــــر جميـعا وجعل اوقاتـكم كلها سعيدة

موضوع اليوم هو تكلمه لسلسه مواضيع سوف اقوم رطرحها ان شاء الله يكـون حصــرى لعيون الجيم

الموضوع اهداء منــى لحبيبــى حسن هنرى


المــوضوع عباره عن إحتــراف كـامـل ل
IPHONE 3G

وهو عبــــاره عـن مـعـلـومــات عن الموديل
صور للموديل

ودى أول مرحله

تـانــى مـرحــلـه

إزاى اقدر اعرف معلومـات الأيفون
إيه الاداه المستخدمه لمعرفه الاصدار او الفيرجن الموجود على الايفون
بعد ما اعرف الاصدار ايه اللى المفروض اعمله
إمتــى احتاج انزل سوفت وير او اعمل ريستور للايفون
يعنى إيـه سوفت وير أو ريستـور
لينكات لتحميل جميــع إصدرات الأيفون
افضل اصدار موجود لموديلات معينه بمعنى
ان فى موديلات اما بنحب نعمل ابديت او تحديث بنبقى مضطرين اننا نعمل تحديث بأخر إصدار موجود على السيرفير وده إن شاء الله هنقابله فى موضوعنــا

أخـــر خطــوة بقـى بعد ما عرفت الموديل
وعفت ازاى افرق بين موديل وموديل تانى
وعرفت الاصدار اللى عليه
وعرفت ليه انا هعمل سوفت وير او ريستور
وحملت السوفت وير او ملف الريستور
هبتدى بقى اعمل سوفت وير او ريستور
وفى النهايه
عمــل جلبــريك
إضافه السورســات فى السيديا

وبكــده يكــون إنتهـى الموضوع بتاعنا
اتمنى التوفيق من الله فى الموضوع عشان يطلع باكبر كم من الافاده ان شاء الله

[MR.HaNy]

قبل ما نبتدى فى الموضوع بتاعنا انهارده فى شويه معلومات عامله هتتكرر معانا فى المواضيع او الاجزاء او الموديلات المتبقيه زى

س : ما هو الجلبريك وما فائدتــه ؟

ج :
كلمة جيلبريك بالانجليزي مقسومة لجزئين وهي Jail وتعني سجن، وكلمة break وتعني كسر اذا دمجنا الكلمتين

اصبحت Jailbreak وتعني كسر القيود والحماية لنظام iOS لإتاحة امكانية التعديل على النظام واضافة تطبيقات مرفوضه

في متجر App Store او تركيب أدوات تقوم بالتعديل على النظام واتاحة مميزات تمنعها Apple

مثل ارسال الملفات من خلال Bluetooth، تصفح ملفات النظام، تنزيل الملفات بشتى انواعها

عدم امكانية اضافة مرفقات للبريد الالكتروني غير الصور، والعديد من المميزات التي يحرم منها مستخدم نظام iOS.

يعنى بالمعنى البسيط الجلبريك هو عباره عن كسر الحمايه اللى بتفرضها ابل على منتجاتها لإجبار مستخدميها لشراء التطبيقات وخلافه من متجر ابل بفلوس او بفيزا
يعنى لا غنى عنه لكل مستخدمين ابل

س : فائدة عمل الجيلبريك:

ج : بمجرد عمل جيلبريك لجهازك سيضاف لجهازك متجر جديد بأسم Cydia هذا المتجر هو متجر من خلاله

يمكنك تنزيل أدوات او تطبيقات من خلالها تستطيع التغيير في نظام iOS بشكل كامل، وهو الهدف من عمل الجيلبريك

ملاحظة:

الكثير يخلط مابين عمل الجيلبريك و تركيب البرامج المكركة

وهذا مفهوم خاطئ، فعمل الجيلبريك على جهازك لايمكنك من اضافة برامج موجوده على AppStore ويتيحها لك بشكل مجاني

بحكم ان متجر Cydia يمكنك من خلاله اضافة مصادر لتنزيل الادوات، فأحد المطورين انشئ مصدر خاص به

واضاف اداة يمكنها تنزيلها التطبيقات والالعاب مكركة ولا يمكنك تنزيلها الا بتركيب هذا السورس

فعملك للجيلبريك مبدئيا لا يكون من ضمن المصادر هذا المصدر، فهو اختياري في تنزيله من عدمه.



. نجى بقه هنا لسؤال مهم جدا ولازم ناخد بالنا منه
هل الجلبريك قانونى ومصرح بيه ولا غير قانونى ولا ينصح بعمله ؟؟

س : عمل الجيلبريك لأجهزتك قانوني 100% في الولايات المتحدة الأمريكية لكنه قد يلغي ضمان جهازك

في حال اكشفت Apple ان جهازك معمول عليه جيلبريك.





س : ما أنواع الجلبريك

ج : انواع الجيلبريك:
1- جيلبريك مقيد (Tethered): عند إغلاق جهازك لا يمكنك تشغيله من جديد الى في حال استخدام جهاز حاسب آلي

ليمكنك إعادة تمهيد الجيلبريك وتشغيل جهازك.

دى صورة لكيفيه استخدام برنامج Redsn0w لاعاده تشغيل الايفون بالجلبريك المقيد احنا






2- جيلبريك شبه مقيد (SemiTethered): هذا النوع يتيح لك تشغيل الجهاز لكن لن تعمل اي اداة من ادوات Cydia
الى بعد إعادة تمهيد الجيلبريك من جديد، لن يعمل ايضا بعض التطبيقات الاساسية في نظام iOS مثل متصفح Safari وغيره.

شرح semi restore الجديد وما هى وظيفته



3- جيلبريك غير مقيد (Untethered): لا يوجد قيود مع هذا النوع بحيث يمكنك إعادة تشغيل جهازك في كل مره دون الحاجة
للجوء لإعادة تمهيد الجيلبريك من جديد، هذا النوع من الجيلبريك هو الاساسي والذي يقوم بتركيبه 99% من مستخدمي الجيلبريك.

ده كده ببوصلنا لمسمى جديد أو اسم جديد وهو السيديا Cydia


س : ما هى السيديا ؟
ج : تم تطوير برنامج السيديا بواسطة شخص يدعى جي فريمان Jay Freeman والمشهور بـ Saurik، وفي الحقيقة برنامج السيديا هو برنامج شبيه ببرنامج آب ستور الخاص بأبل (app store ) إلا أن السيديا يسمح لك بتحميل مئات الأدوات والتطبيقات التي تجعل جهازك يقوم بأفضل أداء وتقوم بتغييرات كبيرة في طريقة عمل الآيفون ، الآيباد أو الآيبود ، وأيضاً هنالك الكثير من الأدوات في السيديا مجانية والبعض غير مجاني ولكنه ستجده بمبلغ زهيد .




س : الفرق بين الآب ستور والسيديا؟
ج : بما اننا نعلم أن السيديا هو شبيه بتطبيق آب ستور ولكن لا بد ان هنالك فرق بين الاثنان ، من المعروف أن أي تطبيق لأجهزة أبل يجب أن تتم الموافقة عليه من قبل أبل ولكن في السيديا ستجد آلاف التطبيقات والأدوات المفيدة والمهمة لجهازك ولم يتم اعتمادها من أبل ولذلك لن تجدها في متجر أبل الرسمي آب ستور.



س : لماذا السيديا ؟
ج : ببساطة لأن السيديا يقدم لك ما لم يقدمه آب ستور ، فعلى سبيل المثال أبل لا تعطيك حرية تغيير الثيمات لكن مع السيديا هناك برنامج يدعى ” Winterboard” يقوم بذلك ، أيضاً البلوتوث… ففي أجهزة أبل لا يمكنك استخدام البلوتوث الا للربط بين جهازك وسماعة البلوتوث فقط ولا يمكنك ارسال او استقبال الملفات مع أجهزة الجوال الآخرى عبر البلوتوث لكن مع برنامج Celeset الموجود في السيديا يمكنك مشاركة ملفاتك عبر البلوتوث وهناك الكثير و الكثير من الأمثلة الأخرى لإضافات ومزايا يقدمها السيديا ولا تقدمها أبل .

[MR.HaNy]

أول مرحله
وهى عبــــاره عـن مـعـلـومــات عن الموديل
صور للموديل


نبتـــدى على بــركه الله

ثانــى موديل ايفون نزل هو ايفون

IPHone 3 G
ودى صورة الموديل


الفرق بين ال 3G & 3GS









يعنى نستخلص من الكلام ده


الذاكرة و سجل المكالمات و الرام
- سجل أسماء بعدد لانهائى و سجل مكالمات حتى 100 مكالمة .
-رام 128 ميجابايت .
-ذاكرة داخلية 8 أو 16 جيجا (حسب اختيارك|).


وسائل نقل البيانات -يدعم GPRS,3G,EDGE و ايضاً وايفاى .
-البلوتوث يدعم السماعة فقط و لا يمكن نقل ملفات من او الى جهاز آخر عن طريقه .
-وصلة USB المعروفة .


نظام التشغيل
-iOS (مأخوذ من الماك )و هو خاص بالأيفون فقط .


الملاحة
-تدعيم GPS بشريحة داخلية و جهاز مساعد .


البطارية
-بطارية قياسية (أيونات الليثيوم ) لا يمكن نزعها من الجهاز إلا بعد فك الجهاز بواسطة المتخصصين .
-تكفى ل 300 ساعة فى وضع الاستعداد و 12 ساعة مكالمات متصلة على شبكة 2G و 5 ساعات مكالمات متصلة على شبكة 3G .
-تكفى لتشغيل الموسيقى لمدة 30 ساعة متواصلة .


الألوان
اسود


إمكانات و وظائف أخرى-بوصلة رقمية مدمجة .+ خرائط جوجل .
-مخرج تلفزيون للتوصيل و التشغيل .


إصـدار السوفت وير
أحدث إصدار
4.1.2





وبكده يكون أول جزء من الموضوع خلص

MR.HaNy

[MR.HaNy]

ندخل بقه على تــانى مرحلــه اللى هيا

إزاى اقدر اعرف معلومـات الأيفون
إيه الاداه المستخدمه لمعرفه الاصدار او الفيرجن الموجود على الايفون

فى اكتر من داه او برنامج نقدر نعرف بيها معلومات الايفون والاصدار بس انا شخصيا بستخدم برنامجين

وهما

iTools

وده برنامج غنى عن التعريف ودى صورة للبرنامج



ثــانـى برنامج

f0recast

برده برنامج شهير كل ما علينا اننا نوصل الايفون من غير باسورد وهو هيقرا كل بيانات الايفون زى الصورة دى



ودى لينكات من رفعى للبرنامجين على ميديا فاير

iTools

f0recast



وبـكـده نكــون خلصنا تــانى جزء من الموضوع

MR.HaNy

[MR.HaNy]

بسم الله الرحمن الرحيم
الجزء الثانى من الموضوع


إمتــى احتاج انزل سوفت وير او اعمل ريستور للايفون
يعنى إيـه سوفت وير أو ريستـور
لينكات لتحميل جميــع إصدرات الأيفون
افضل اصدار موجود لموديلات معينه بمعنى
ان فى موديلات اما بنحب نعمل ابديت او تحديث بنبقى مضطرين اننا نعمل تحديث بأخر إصدار موجود على السيرفير وده إن شاء الله هنقابله فى موضوعنــا



نبتدى باول خطوة واللى هيا

س : امتى احتاج انزل سوفت وير او اعمل ريستور ؟

ج : بحتاج اعمل ريستور او سوفت وير للايفون فى اكتر من حاله وابسطهم . لما يكون الايفون استعماله بقل تقيل او بقى يهنج او بياخد وقت فى تنفيذ الأوامر

.لما يكون الأيفون علق أو هنج على الشكل ده اللى هو التفاحه وده بينتج عن عمل استعاده ظبط مصنع للأيفون من الظبط





. وممكن يكون الايفون بالشكل ده برده




: او ممكن نعمل سوفت وير للايفون او ريستور من أجل التحديث اصدار جديد نزل وعاوز اعمل تحديث

: لعبه معينه او برنامج بعينه عاوز أثبته وبيطلب اصدار حديث او جديد

فى الأخر بتتعدد سبب اننا ننزل سوفت وير او نعمل ريستور وبتوصلنا لنتيجه وحده تغيير السوفت وير او نظام تشغيل الايفون

: وجود رمز على الايفون او وصل لمرحله تم ايقاف الايفون
iphone disabled







* نجـى بقى لنقطه ثانيه مختلفة من موضوعنا وهيا لينكات للإصدارات السوفت وير

اللينكات كلها لينكات مباشرة فى قسم خاص بملفات الريستور فقط




ده لينك لقسم ال iPHONE 3 G


موضوع خاص بملفات ريستور ايفون 3G



هندخل على الموضوع الخاص بالموديل ده هنلاقى الشكل ده

نجى بقى للخطوه بتاعت افضل اصدار موجود لموديلات معينه بمعنى
ان فى موديلات اما بنحب نعمل ابديت او تحديث بنبقى مضطرين اننا نعمل تحديث بأخر إصدار موجود على السيرفير وده إن شاء الله هنقابله فى موضوعنــا

بالنسبه للموديل ده فضل اصدار ليه هو
4.1

ليه بقى ؟
عشانت 4.1 فى ثغره قويه جدا وهيا ان سواء الايفون ال3 أو ال 3gs
يعتبر الاصدار ده جبرى ليهم
يعنى لو الايفون عليه اى اصدار وحبيت انزل اصدار من غير مشاكل يبقى الاصدار ده
مع العلم ان ال 3G
يقبل اى برنامج من غير اى مشكله بخلاف الموديلات القادمه وهنشرح ليه اما نجى عندهم
باختصار لو معايا ايفون عليه اصدار 4.1.2 اخر اصدار وحبيت انزله اصدار 3.1.2
فى الموديل ده بالتحديد هيقبله عادى جدا بدون مشاكل ان شاء الله


المهم نكمل بقه
فى فلاشات او ملفات جديده معدله او كاستم كما بنسميها نزلت للموديل ده
حد هنا هيسألنى يعنى ايه كاستم وهتفيدنى بإيه
أرد عليه وأقوله إستنى يا حلو عليا
الفلاشه المعدله او الكاستم للإصدار ده بتيح ليا انى اقدر انزل برامج Viber & Whatsapp & facebook
عشان البرامج دى مينفعيش تنزل الا باصدار اعلى من 4.3
وده لينك لموضوع الفلاشه

Firmware !~¤§¦ *عودة الحياة من جديد للـ ( iPhone 2G - iPhone 3G ) وتحديثها الى 7.1*¦§¤~!






نجى لأخر خطوه معانا وهيا تنزيل او تغير الريستور او السوفت وير

كده فاضل اخر خطوة وهيا
الجلبريك وكيفيه عمله

[MR.HaNy]

نجى بقه لأخر مرحله فى الجزء الأخير وهيا

الجلبريك

عمــل جلبــريك
إضافه السورســات فى السيديا

الشفره وكيفيه عملها



الجلبريك
زى ما شرحنا فوق يعنى ايه جلبريك
هنضيف هنا كلمتين صغننين قوى
بيختلف اصدار البرنامج اللى بنستخدمه فى الجلبريك
حسب اصدار الايفون وعشان اسهل عليكم الموضوع خالص جايبلكم برنامج حكايه
ممكن يكون قديم لناس كتير
بس بالنسبه للدروس دى هيكون برنامج حكايه وهنا حد يسال ليه ؟
ارد اقوله ده بيقولك ايه البرنامج المستخدم لجلبريك كل اصدار مع لينك لتحميله ولو صادف واللينك كان واقع
اعتقد ان لو معاك اسم البرنامج وكتبته فى جوجل هتجيب أم........ه

ده إســم البرنامج
iOS Man v2

دى صور للبرنامج






ده لينك تحميل البرنامج من رفعى على ميديا فاير
iOS Man v2


نجى بقه لأخر مرحله فى الجزء الأخير وهيا

الجلبريك
والشفره

عمــل جلبــريك
إضافه السورســات فى السيديا


فى هنا مسمى جديد هيظهر معانا واللى هو Instal Ipad Base Bandيعنى ايه المسمى ده ؟
ايه فائدته ؟
أعمله امـتـى ؟

Baseband يعنـــى

هي شريحة مدمجة بالجهاز تقوم بالتحكم بكل عملية اتصال تتم بين نظام التشغيل وأجزاء الآيفون التي تقوم بالاتصال كال بلوتوث وال لاسلكي وعملية استقبال المكالمات …. فهي تقوم بالتأكد ان الشريحة التي ادخلتها بالهاتف تعمل بشكل صحيح وتقوم باستقبال المكالمات وبارسالها ….

يعنـى ببسـاطـة هيا منطقه خاصه بقراءه الشريحه وما الى ذلك من اتصال ونت وخلافه وهيا منطقه تخص التشفير او الشفره


اضافه بسيطه من حبيبى حسـام

احب اوضح نقطه للناس المبتدأه وهي مصطلح Instal Ipad Base Band والطريقة دي لجأ ليها المبرمجين في نوعين فقط وهم ايفون 3 جي وايفون 3 جي اس فقط وليه بنلجأ ليها وضحها هاني لكن هنا السؤال ايه معني الكلام ده هو تحويل او رفع البيز الباند الخاص بالجهاز لنفس البيز باند الخاص باجهزة الايباد لنفس الاصدار ليه بقي عشان نقدر نفك تشفير الشبكة عن طريق رفعه ل 6.15 وفتح الشبكة عليه وممكن بسهوله جدا بعد رفعه لو عايزين نرجع البيز باند تاني للأصدار القديم 5.13 اللي كان الالتر اسنو بيفكه بردو نقدر عن طريق برنامج الريد اسنو اخر اصدار redsn0w_win_0.9.15b3 عن طريق اختيار Downgread BaseBand وبكده نكون معانا جهاز مفكوك شفرته ومش ملعوب في البيز باند بتاعه


إمتــى بستـخدمــه أو أعملــه امتــى

هنا هقول كلمتين بس كبار شويه
فركز معايا الله يباركلك وحاول متوهيش منــى وربنا يستـر


فالموديل بتاع انهارده والموديلات الاخرى كان البيس بانـد بيبقى 5.13 وده حتــى اصدار 3.1.3
وكان بيبقى بالشكل ده



وكـان الهاكرز او المطورين نزلو برنامج فك الشفره الشهيـر
Ultrasn0w

اللى هو ده وطبعا غنـى عن التعريف




بعد ما شركه ابل عرفت ان ممكن اشترى ايفون من اى بلد ويكون البيس باند 5.13 اللى هو انا اقدر افك شفرته ويشتغل على اى شبكه فى العالم
قامت ابل بتعليه البيس باند اللى هو مكان التشفير
مع اول اصدار نزل بعد كده اللى هو 4.1
بقى 5.15 أو 5.16

زى كده



فاصبح حتى وقتنا هذا صعب فك شفره البيس باند غير فك شفره رسمى
انك تشترى الشفره من الشركه المقفل عليها الايفون

هنا بقى بنعمل instal ipad baseband

بس عشان نبقى عارفيم فى اجهزة بتقبل التركه دى واجهزة بيحصل فيها مشاكل بعد ما نعملها
واحد هنا يسال طب انا اعرف ازاى بقى امتى اعملها وامتى ما اعملهاش
ارد اقوله نزل البرنامج الصغير اللى بالشكل ده



واكتب السيريال واضغط على الكلمه دى

لو الشكل بقى باللون الاخضر بالشكل ده يبقى اتكل على الله وارفع البيس باند على طول



اما بقى لو بقى بالشكل ده باللون الاحمر انا ما اعرفكيش يا معلم



وهنا فى موضوع يفيدك اكتر عن التركه دى

جارى المتابعة -:: تحذير بخصوص البيز باند 6.15 بعد التحديث ::-



كده بقى احنا تقريبا فهمنا ايه لازمه ايباد بيس باند






jailbreak طريقة عمل الدون جريد الخاص با الموديم لكل من 3G - 3Gs من 6.15 الى 5.13

[MR.HaNy]

نبتــدى الجلبريــك على بركــه الله












هيا دى العلامــه بتاعت ايباد بيســـس بـاند




وده فيديو توضيحى لكيفه دخول وضع ال DFU MODE

فيديـــو

وده شكل السيديا بعد الجلبريك








كـــد بقه فاضل جزءواحــد وهو كيفيه فك الشفره
وهنا فى اكتر من طريقه لفك الشفره منها عن طريق الواى فاى
ومنها من غير واى فاى

نذكر طريقه طريقه

الأولــى عن طريق الواى فاى

هنفتح السديا

وبعدين نروح على

Mange
add app

ونكتب السورس ده واللى غالبا بيتحمل لوحده




وبعد كده هيبقى بالشكل ده





وبعد كده هنضغط على Instal



وبكده خلصت اول طريقــه





نجــى للطريقه الثانيــه وهيا فك شفره من غير واى فاى

ودى ليها متطلبات برنامج وكام ملف نحملهم

تم رفعهم على ميديا فاير من طرفى
على اللينك ده

البرامــج

بعد ما نحمل الملفات اللى فى اللينك اللى فات
هنسطب برنامج
IPhone folders
وهنفتح ماى كمبويتر

هنلاقيه بالشكل ده







ده شرح بالصور وده الشرح كتــابى لمن يريد

أولا لابد من عمل جيلبريك للهاتف

بعد عمل الجليبريك نفتح برنامج السيديا من الايفون
اتركه قليلا للتحميل وسوف يغلق اتوماتيك بعد قليل

سنعاود فتحه مرحه اخره
سوف يظهر لك بعض الاخيارات اختار
user
وبعدين done

بعد ذلك سيفتح وبرنامج السيديا ويخبرك بان لا يوجد اتصال بالانترنت(عادى)

سنرجع للكمبيوتر ونقوم بباقى العمل.




بعد فك ضغط الملف المرفوع سنجد برنامج
iPhoneFolders.msi
نقم بتثبيت البرنامج.

بعد تثبيت البرنامج نوصل الايفون بالكمبيوتر ونفتح My Comupter
كما بالصوره




وبعد ذلك ندخل الى هذا المسار وعمل فولدر بأسم
AutoInstall

ونقوم بنقل الملفين بداخله
ultrasn0w 1.2.deb
mobilesubstrate_0.9.3367-1_iphoneos-arm.deb

الموجودين فى الملف المرفوع






موضوع خاص بالسورسات داخل السيديا

السيديا وأهم السورسات بداخلها وأهم البرامج داخل السورسات

عايز تدلع ايفونك من برامج و سورسات السديا IOS7 ادخل هنا










بكده ثـــانــى موديل خلص نتقابل بإذن الله فى موديلات المتبقيه بشرح وافى لها باذن الله
تقبلو تحياتى

هانى سمير

[mohamed183]

شكرا ياهانى موضوع اكثر من رائع وتم ارساله فى التنبيهات لاهميته
واتمنى منك التواصل الدائم

[AdReAnO]

عمل رائع
الله ينور عليك

[عموري الحلبي]

الله ينور ياهاني على المتابعة الجبارة والموضوع العظيم والمفيد بارك الله فيك يا بطل