.gif)
ومحدش حاسس بيك ... برضه فضفضة ع الماشى
ومحدش حاسس بيك
معلش سامحونى على حنفية فضفضاتى اللى اتفتحت عليكو من غير اى انزار مسبق
بس بجد برتاح هنا عن اى مكان تانى وسط اصحابى
انا عارفة انه محدش ليه ذنب يسيل همومى ولا بستحمل
لو مش عايزين تقروا كمان بلاش
بس كفايه عليا انى حسيت انى اتكلمت مع حد
**
محدش حاسس بيا بجد
محدش عارف انا بفكر في ايه
واللي بفكر فيه مينفعش حد يعرفه غيري
محتاجة اغير كتير قوي قوي قوي
مينفعش اعيش حياتي قبل لما التغيير ده يحصل
لانه لو محصلش يبقي حياتي ملهاش اي معني
والمشكله ان الكل عليك وفاكرين انك بكده بتدوس علي ناس و انك بتدفن نفسك و بتظلم ناس
لكن انا لوحدي اللي عارفة انا فيا ايه و محتاجة ايه وبحاول اعمل عليه و علي تصحيح وضع كنت عايشة فيه
فتره كبيره
بحاول ارجع انسانة بحق وحقيقي
كل اللي حصل السنتين دول بقي بيمر قدامي في شريط ذكريات من الماضي وانتهي
بحاول ابدا من جديد واحده واحده
صحيح بخسر لسه بس في سبيل ان الاقي نفسي بكره
بحاول فعلا الاقي نفسي
بجد
نفسي اللي حاوليا يفهموا ده انا عمري م اتخليت عن صديق ولا قصرت في حق اى انسان ولا عمرى هعمل كدة
عمري م جرحت ولا قسيت ولا كسرت
بس الظروف دلوقتي بتفرض عليا اني الحق نفسي
لازم الحق نفسي واقف وقفه مع نفسي
بحاول احقق حاجة
نفسي تتحقق و ساعتها فعلا هتبقي عزائي عن السنين اللي راحت دى
نفسي اللي حاوليا يفهموا ده
انا في مرحله عدم توازن وخوف من بكرة هتستمر كتييييييييييييييييييييييييييييييييييييييييييييير
و مش بطلب من اي حد حاجة
بس يمكن محتاجة امشي في طريقي لوحدي لحد لما الاقي نفسي
ياترى دة صح ولا لسه برضه الناس بيشوفونى غلط
رد مع اقتباس
المفضلات