الى من يريد تطبيق الضريبه ع المغتربين ..!!

**R E M O** · 11-03-2014, 06:39 PM

حضرتك عاوز ضريبه على إيه ..؟

عاوز ضريبه للبعد عن الأب !
عن الأم ! عن الأخ ! عن الصاحب ! عن الحبيبة !

حضرتك عاوز ضريبه للبعد عن أهلي وبلدي وعزوتي وضحكتي ورواقة بالي ..!!

حضرتك عاوز ضريبه على إيه ..؟

على معاملتي في بلدي على إني من السياح ..!
ولا معاملتي في غربتي على إني عابر سبيل ..!

حضرتك عاوز ضريبه على رميتي في اي مستشفى أيام وأسابيع لوحدي ، بدون مايكون جنبي واحد من أهلي ..!

حضرتك عاوز ضريبه على إيه ..؟

عالشقى ..! عالمذلة ..! عالمهانة ..! عالبهدلة ..! عالمرمطة ..!

حضرتك عاوز ضريبة على إيه ..؟

عالمرض اللي لازم يكلبش في جتة كل مغترب مع تأشيرة الدخول .. وميخرجش منه قبل ماتخرج روحه الأول ..!

حضرتك تعرف ممكن كام فرد يقعد في أوضه واحده ..!
وبيقى عايش عيشة الحيوانات .. ومضحي بمعظم متع الدنيا ومعتبرها رفاهية (ومعظمها اساسية زي لقمه نضيفه عالاقل ) ..!
وبيعمل كل ده ومتنازل عن كل ده ..
لمجرد إنه يقدر يوفر قرشين .. يبعتهم لأهله آخر الشهر .. يستروا بيهم نفسهم قدام الناس .. ويكفيهم شر السؤال من اللي يسوى واللي ميسواش ..!!

حضرتك تعرف أي حاجه من دي ..!!!!!!!!

طب حضرتك تعرف إن معظم اللي بيموت في غربته بيتدفن فيها ..!!
بيتدفن غريب في بلد غريبه .. من غير مايفضل لأهله أي حاجه من ريحته ..
ولو حتى تربة تلم عضمه .. لما يوحشهم يزوروه فيها ..!!

عموماً ..

مش لازم حضرتك تكون عارف أي حاجه من دي خالص ...
يكفي إن سيادتك ترضى علينا .. وتتنهد .. وتتنحنح .. وتسبلّنا بعنيك ............ وتحلم

**NOUR*GSM SYRIA** · 11-03-2014, 06:45 PM

حضرتك عاوز ضريبه على إيه ..؟

عالشقى ..! عالمذلة ..! عالمهانة ..! عالبهدلة ..! عالمرمطة

اه على الغربة اسئلني انا على الغربة عا الشقا والتعتير اسئلني انا عن البعد عن الوطن

لك عشر ليرات في الوطن ولا مليون دولار في الغربة

بس النا الله بتهون بدها صبر حبيبي

**R E M O** · 11-03-2014, 06:56 PM

المشاركة الأصلية كتبت بواسطة NUOR_GSM SYRIA

حضرتك عاوز ضريبه على إيه ..؟

عالشقى ..! عالمذلة ..! عالمهانة ..! عالبهدلة ..! عالمرمطة

اه على الغربة اسئلني انا على الغربة عا الشقا والتعتير اسئلني انا عن البعد عن الوطن

لك عشر ليرات في الوطن ولا مليون دولار في الغربة

بس النا الله بتهون بدها صبر حبيبي

ان شاء الله ترجع بلدك ع خير
ربنا قادر يصلح من حال كل العالم العربى

بس هما يحسوا ويقدروا ده
مش لسه كمان يضيفوا ضرايب ع الى مسافر

**ezak** · 11-03-2014, 06:46 PM

بصراحه الواحد مش عارف يقول ايه
ربنا يكون فى عون كل مغترب ويكون فى عونك يابوب

وربنا يصلح الحال , ودوام الحال من المحال

**AhMEd TOhAMY** · 11-03-2014, 06:49 PM

ربنا يهونها عليك حبيبى ريمون

وترجع لنا بخير

**EXplORer_70** · 11-03-2014, 07:02 PM

لا أدرى ماذا أقول لهم أنصفو العمال الاول داخل مصر وخارجها

وهل يوجد فى مصر عدل فى الاجور فى الوقت الذى يجد فية من يقبض بالملاين والعامل البسيط يقبض مالا يزيد عن 300 جينة كما فى شركة الغزل والنسيج

وغيرها وأين العدل والانصاف عندما نفرض الضريبة على فئة معينة من الناس والاخرين لن نلتفت اليهم لماذا لانهم رموز الدولة !!!!!!!ش