وفـ براح حلمك تطوف

[GhArOmA]

قطار الحب

يوم ما تِلقى الغُصن الأخضر
طارِح الأشواق فـ جُوفك
وأما تِبقى الشمس طالعة
تِطرح الفرحة فى كفوفك
يبقى قطار الحب جالك
إنسى هَمك إنسى حُزنك
إنسى تعذيبك و خوفك
إفتح البيبان لقلبك وأحضنه
وإعزف الألحان لحلمك وإرسمه
وإفتكر لحظة ميلادك
وإحيي قلبك طَمنه
يوم ما ترمى بذرة الحب فـ ضلوعك
وتراعيها
تبتدى الأزهار تفتّح
فـ إبتسامة تعيش عليها
وتتولد قصة ما كانت فى الحساب
تحكى غنوة عاشقين
تملى مية مليون كتاب
يومها تلقى نبض قلبك
صوته بيسمّع ألوف
وأما تِنده ع النجوم
ينزلولك على الكفوف
يبقى تتحدّى الليالى
يبقى مايهمش ظروف
المهم تعيش حياتك
بالحروف وأمّا تتعب
ترسم الحلم إللى عاوزه
وفـ بَراح حلمك تطوف

[sasa_sasa]

تمام تمام

كلمات جميله غرام

[Tarek On]

توووووووت توووووووت اطر صغنطوط
هههههههههههههه

جميلة جدا جدا تسلم ايدك

[&& اشكوزا &&]

بصراحة مش لاقي كلام أقوله

[Jine]

السلام عليكم

الله ينور عليكي يا خيتي موضوع جميل جداً والله
\

إنسى هَمك إنسى حُزنك
إنسى تعذيبك و خوفك
إفتح البيبان لقلبك وأحضنه
وإعزف الألحان لحلمك وإرسمه
وإفتكر لحظة ميلادك
وإحيي قلبك طَمنه
يوم ما ترمى بذرة الحب فـ ضلوعك

/
كلمات روعة والله

لكي مني أحلى تقييم

دمتي بود

[Elbetar]

نيس توبيك غاده

[GhArOmA]

ميرسى يا شباااااااااااب نورتونى
ميرسى يا جهودة على التقيم الجميل زيك دة
ميرسى يا طروق على القطر الهدية اللى جبتهولنا نلعب بيه كلنا هههههههههههههههه
ميرسى ياجماعة على كلامكوا الجميل دة