نوكيا c1-01عليه عفريت

**ELF@N@N** · 25-10-2013, 08:05 PM

السلام عليكم ورحمه الله وبركاته
معلش يا جماعه تستحملوني شويه . جالي المحل جهاز c1-01ادخل البطاقه جريت عالطول علي بيت الكارت وقيسته بالافو ميتر لقيت كل القياسات تمام . قلت لما انضف قاعده الخط بفرشه تنر واحاول اضبط رجولها يمكن تكون رجل منهم مش واصله الشريحه.وجربت الجهاز علي الخط الشخصي بتاعي لقيته اشتغل (خط اتصالات) قلت تمام كده.. قلت للزبون تمام كده واخدت خط الراجل الطيب وقلت اجربله الجهاز فوجئت بالجهاز مكتوب علي الشاشه بدء تشغيل الجهاز بدون سيم قولت لما اجرب خطي تاني لقيته اشتغل تمام وعملت منه مكالمه للتأكيد..المهم نزلت للجهاز سوفت وير مع ملف pmشغال بيه من فتره ومجربه كذا مره لقيت نفس القصه ولا جديد ..قولت لما اغير الكريستاله غيرتها وبرضه نفس الحاله ..رفعت الكريستاله وعمله القفله بتاعتها وبرضه نفس الحكايه.. رفعت قفله الكريستاله وعملت تعويضات جديده علي بدايل رجول الكريستاله وبرضه مفيش فايده سخنت علي البروسيسور مع هزه خفيفه وبرضه مفيش فايده دفيت علي الفلاش وبرضه لا جديد .. انا عايز اعرف المشكله فين بالظبط
ملحوظه( انا سألت صاحب التليفون قبل ما اعمل اي حاجه ان كان الجهاز اخد صدمه او وقع في سائل قالي انا كنت حاطط الجهاز جنب مني ونايم قمت لقيته مش قاري الخط .)
واللي غايظني انه ما بيقراش غير خطي وبس

**خدمات سيرفر الجيم فلاش** · 25-10-2013 08:05 PM

**Ahmed_Rezk** · 25-10-2013, 08:59 PM

هل جربت خطك انت بس ولا كذا خط ممكن يكون عيب الشريحة بتاع الزبون لاني حصل معايا قبل كدة في جهاز 101 وبعد ماعملت سوفت لقيت نفس المشكلة جربت خط تاني اشتغل كويس فكانت المشكلة في شريحة الزبون من الاول

**mustafa0940759** · 26-10-2013, 01:05 AM

اخي جرب خط اخر للتوصل لحل المشكلة وانا بانتظارك للرد

**a@h@m@a@d** · 26-10-2013, 06:12 PM

يا أخي مشكلتك بخط الرجل الطيب امسك الخط بايدك واحني الخط بلطف من الطرفين وان شاء الله بيشتغل الجهاز

**ELF@N@N** · 26-10-2013, 07:22 PM

بيقرا شريحه اتصالات بتاعتي وبس وعلي اي خط اتصالات تاني مبيشتغلش عليه ويا جماعه الجهاز علي السلف تيست لم يقرأ ايرور واحد ومن غير ما حد يشكك في شغل الهارد انا متمرس ولما بركب حاجه ببقي عارف الشغل اللي عملته فيه غلطه ولا تمام ومع الجهاز ده انا عملت معاه جميع الحركات والاشتغلات اللي ممكن تتعمل

**amh111515** · 05-11-2013, 12:09 AM

غير بيت الخط نفسه يا غالى وان شاء الله ستحل المشكله ...........

**mustafa0940759** · 05-11-2013, 12:35 PM

غير بيت الخط كما قال الاخ احمد او اشتري الجهاز من الرجل وريح راسك هههههه بالتوفيق

**kohlr2002** · 05-11-2013, 04:28 PM

الله ينور متابعه جيده يا شباب

**اسامه النجم** · 08-11-2013, 10:48 PM

طيب ازاي عايز حل وكاتب C1 عليه عفريت الاول تطلع العفريت اللى في بيت الخط

بص يا اخي ارفع الكرستالة من البوردة وقيس الرجول اللى جاية من ايسي الباور ربما يكون فيه نقطة غير واصلة جيدا

وعيد لحام اسفل رجول بيت الخط وشوف النتيجة ولو نفس المشكلة غير البيت وبرضوا عيد لحام جيدا اسفل رجول بيت الخط