انا ومن موقعى هذا
اعلن ان الأمل
خايب
وان الجراح عفنت
من سيوة لحلايب
وانى كرهت الليل
وكرهت اكون دايب
..........................
اعلن
انك بريئة يامصر
من كل شئ كافر
وانك بريئة يامصر
من كل شئ سافر
وانك بريئة يامصر
م الواد اللى متغرب
وطول العمر بيسافر
وانك بريئة يامصر
من دمى اللى بيعافر
انك بريئة يامصر
من دمعى
ودمع الرجال واعر
ففيكى شئ لله
وفيكى شئ داعر
...............................
واعلن انى سئمت الحياة
وانى قتلت الامانى الصغار
وان حنينى اليكى انتهى
وان العمر فى منتهاه
.........................
وانى بدمى اليكى اتيت
وانى جئت اليكى شكوت
وانى بظلمك قلبى اغتوى
..........................
raouf
egyptnabd.blogspot.com
المفضلات