صحصح للنهضة وخد بالك
دى النهضة هتغير حالك
لازم تتمحلس و تنافق
و ضميرك تعملو مرافق
و تبطل تسأل و تشوف
و تكون ف قطيع زى خروف
و تقول ف كلام تعمل عاكسه
و الرافض شمرله و باكسه
و تكفر أصحاب الثورة
و تقول الحرية دى عورة
و إن قالو عليك طماع كرسى
ببجاحة تمجد ف المرسى
و تسب الناس بإسم الدين
و تغش ف صدق الموازين
صحصح و إستنى الترقية
من درج رئيس الألاتية
و إفرح بالطبلة الملعونة
و إعصر على عقلك ليمونة
و كفايا عليا ف توبيخك
إرشادك كتر بطيخك
و بقيت للحاضر متطمن
و إن كان مستقبل متعفن
يكفيك الراضى من الإخوة
و أهى زمة بأستيك مش رخوة
يا جماعة محدش يزعل مني
بس دا رأيي
المفضلات