قائمة الاعضاء المشار اليهم

النتائج 1 إلى 3 من 3

الموضوع: قصيده دين ابوهم اسمه ايه

  1. #1
    .: جيماوي متالق :.
    الصورة الرمزية اللتر

    الحالة
    غير متواجد
    تاريخ التسجيل
    Aug 2007
    الدولة
    الاردن
    Phone
    6310
    المشاركات
    1,406
    الشَكر (المُعطى)
    53
    الشَكر (المُستلَم)
    2501
    الإعجاب (المُعطى)
    0
    الإعجاب (المُستلَم)
    0
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    47

    افتراضي قصيده دين ابوهم اسمه ايه

    السلام عليكم ورحمه الله وبركاته




    قصيده دين ابوهم اسمه ايه


    الشاعر جمال بخيت



    دين أبونا يا مسلمين
    في يقيني
    أعز دين
    كلمة النور الأمين
    كلمة الحق المبين
    حكمة يكتبها الإله
    فوق جبين الطيبين
    دين أبونا يا محمد
    انت سره
    ومبتداه
    انت إحساسه ومداه
    دقة عارفينها في قلوبنا
    لما نخشع للإله
    لما نطلب يوم رضاه
    لما نركع
    لما نسجد
    لما نفرح بالحياة





    دين أبونا إبراهيم
    رش جمر النار حنين
    ع الخرايط والأماكن
    اتولدنا طوافين
    ذاكرين



    دين أبويا لو مسيحي


    رحمة لاجل العالمين

    نصرة لاجل المظلومين
    كلمة الحب اللي بايس
    الصليب جوه الكنايس
    ندهة الأجراس لمريم
    والأمان للمجدلية
    رحمة ليكو
    ورحمة ليا
    المسيح شايل آلامنا






    لاجل يهدينا السلامة

    خد أيمن
    خد أيسر
    العبادة مهيش كلام
    عيش بإسم الإنسانية
    وانسى نية
    تدفعك للانتقام









    دين أبويا دين إلهي

    أينما كان اتجاهي
    حتى لو كان دين يهودي
    احنا مش ضد اليهود
    موسى في القرآن وليد
    يحضنه نيل الخلود
    بين إيديه
    تسعى عصاته
    حية
    وجدودنا شهود
    سحرة آمنوا برب موسى
    انقسم له بحر عاتي والجبل عرف السجود
    رجعت الحية عصاية
    حضنت التوراة وصايا
    إوعى تقتل
    إوعى تسرق
    إوعى تزني
    إوعى تقبل بالخضوع
    بحر خير االكون يواتي
    لما نفرد له القلوع
    والجحيم ياكل سنينكم
    لو فقير فيكم يجوع
    الوصايا هي هي
    أرتضيها زي ما هي
    في ضميري وفوق شفاهي









    دين أبويا دين إلهي

    أينما كان اتجاهي
    حتى لو كان مش إلهي
    المجوسي يترعب من النار ويعبد
    الإله اللي في خياله
    ليه حرامه وليه حلاله
    تسمعه في معبد دعاء
    تلهمة رعشة رجاء
    للبقر ناس يعبدوه
    ويدينوله بالولاء
    مش غباء
    تعرفوا في البقرة إيه بيقدسوه ؟
    العطاء








    دين أبويا

    أي دين
    فيه عصاة أو مخطئين
    بس في نهاية المطاف
    فيه ملايكة ومؤمنين
    ولرضا للصالحين
    والهنا للصابرين
    فيه مالاذ للعابدين الشاكرين
    المشتاقين رغم الضياع
    لليقين









    دين أبويا

    أي دين









    اللي انا بقى معرفوش

    الوحوش
    الكروش
    اللي لو طالوا رقابينا
    بينهشوا مبيرحموش
    دين أبوهم إسمه إيه ؟
    اللي داسوا فوق رؤوسنا بالبيادة
    اللي مشيوا بالبلاد للبلادة
    اللي فتاويهم فساد للعقل
    يقضى على العبادة
    اللي مسحوا من الآيات معنى الشهادة
    دين أبوهم اسمه إيه؟








    لوثوا الدم في عروقنا

    سدوا عين الشمس فوقنا
    سرقوا ضوئنا
    صادروا نيلنا
    ودفعونا تمن وضؤنا
    دين أبوهم اسمه إيه؟
    اللي باع وطن بحاله
    خضرته وصفرة رماله
    نسوته وشهوة رجاله
    بهجته ودمه وعياله
    خطوته وسنين نضاله
    ثورته ضد احتلاله
    دين أبوهم اسمه إيه؟








    مين إلهه ؟

    مين رسوله؟
    فين كتابه؟
    فيه ملايكة وللا غابوا؟
    فيه شياطين وللا تابوا ؟
    لما شافوا التابعين
    شرهم زاد عن جهنم شر لا يمكن حسابه
    دين أبوهم اسمه إيه؟








    حتى فرعون اللي صدق

    انه من نسل الإله
    واللي قال انه الإله
    كان بيبني الأهرامات للممات قبل الحياة
    كان له بعث ويوم حساب
    كان له دولة
    حضور
    إدارة
    كان منارة ترشد الكون للحضارة
    كان له جيش فارض وجوده
    كان محارب بين جنود
    واما يتجاوز حدوده
    كان له رب يغرقه وينقذ يهوده
    حتى فرعون اللي صدق
    انه من نسل الإله
    واللي قال انه الإله
    كان له كهنة في العلوم
    يقروا في كتاب الكواكب
    يرصدوا سير النجوم
    يفتحوا له سكك بيبان
    في سراديب الزمان
    ويقولولو ازاي يدوم
    حنطوه
    خلدوه
    بالمعاني والمباني والرسوم
    كانوا كهنة مؤمنين
    خلوا كلمة مصر دين
    حاضرة في العهد القديم
    حاضرة في العهد الجديد
    حاضرة في القرآن حضور
    الآيات فيها تدور
    مفردة عز وجلال
    معلنة وبين السطور
    تخترع
    ثانية وشهور
    تخترع شعر وبحور
    حتى فلاحها الفصيح
    شكوته بتشع نور









    إيه يا مصر

    إيه يا أرض الطبيبين
    اللي حكموا في الزمان ده يبقوا مين ؟
    دين أبوهم اسمه إيه؟
    حد يعرف فيكوا دين
    كل أتباعه لصوص أو قوادين ؟
    في المعاصي مولودين
    في الكراسي مأبدين
    في التفاهة معدودين
    في السفاهة مفرودين
    ع البلاهة مسنودين
    للشراهة مجندين
    ع القرف متعودين
    ع الشرف متمردين
    ع الوطن متنمردين
    بالخيانة موحدين
    اللي يعرف دين كده يقوللي عليه
    دين أبوهم اسمه إيه؟





  2. #2
    صديق المنتدى
    اسم المحل
    الهواري
    الصورة الرمزية أحمد ضيف الهواري

    الحالة
    غير متواجد
    تاريخ التسجيل
    Apr 2011
    الدولة
    مـــــــALEX ـــــــــــر
    العمر
    30
    Sonork
    100.1638529
    Phone
    IPHONE 6S
    المشاركات
    2,889
    الشَكر (المُعطى)
    17306
    الشَكر (المُستلَم)
    6493
    الإعجاب (المُعطى)
    20
    الإعجاب (المُستلَم)
    10
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    0 مشاركة
    تمت الاشارة اليه فى
    25 مواضيع
    معدل تقييم المستوى
    113

    افتراضي رد: قصيده دين ابوهم اسمه ايه

    جزاك الله خيرا

  3. الشَكر Mohamed ashour شَكر
  4. #3
    .:VIP Moderator:.
    الصورة الرمزية 3llam

    الحالة
    غير متواجد
    تاريخ التسجيل
    Sep 2007
    الدولة
    Alexandria, Egypt, Egypt
    العمر
    33
    Sonork
    1654541
    Phone
    IPHONE 4S
    المشاركات
    14,159
    الشَكر (المُعطى)
    28403
    الشَكر (المُستلَم)
    36758
    الإعجاب (المُعطى)
    2
    الإعجاب (المُستلَم)
    106
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    2 مشاركة
    تمت الاشارة اليه فى
    84 مواضيع
    معدل تقييم المستوى
    758

    افتراضي رد: قصيده دين ابوهم اسمه ايه

    تم النقل الى
    الشعر والخواطر
    اللهم إني ظلمت نفسي ظلماً كثيراً، ولا يغفر الذنوب إلا أنت. فاغفر لي مغفرةً من عندك، وارحمني إنك أنت الغفور الرحيم

    جيم فلاش
    = هوستينج العرب


  5. الشَكر Mohamed ashour شَكر

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •