فكره مطروحه للنقاش ( اعادة تدوير البطاريات ) !!!

[ashraf77160]

السلام عليكم و رحمه الله و بركاته

أخواني و زملائي الاعزاء


فكره في رأسي منذ عدة سنوات حاولت أبدأ بتنفيذها عن طريق اعلام وزارة البيئه عن طريق موقعهم علي الانترنت

كنت لسه راجع من السفر 2008 و دماغي سخنه ساعتها و أنتظرت الرد أسبوع اتنين سنه سنتين و مفيش رد

نأمل أن الاحوال اتغيرت و الحمد لله و في مشروع لانشاء نقابه و متحدث رسمي كمان فقلت لعل الوقت مناسب الآن

كلنا تقريبا بنتعامل مع البطاريات عن طريق بيعها و بيرجع لينا في أوقات كتير بطاريات مرتجع أو بطاريات تالفه أو الزبون بيسيب البطاريه القديمه الخ....

المحصله مع الوقت بيتجمع عندنا بطاريات كتير و غالبا للاسف الشديد بيكون مصيرها سلة القمامه


الموضوع ده ليه أضرار

1 تلوث بيئي مع الوقت لكثرة أنتشار المحمول

2 فيه خطر خاصة علي الاطفال لا قدر الله و قام طفل صغير بفتحها و وضعها في فمه و كما هو معروف مسممه

الموضوع بفضل الله ممكن ينقلب لمنفعه

أعادة تدوير البطاريات

المنفعه

1 حفاظ علي البيئه

2 حفاظ علي الصحه و الارواح التي لا تقدر بثمن

3 ايجاد فرص عمل ( حتي و لو كانت قليله )

4 ممكن تكون أحدي مصادر دخل للنقابه

الفكره تتلخص في صنع علبه معدنيه طويله ( مطليه باللون الاخضر الفاتح ) بها فتحه علويه لوضع البطاريات و بالاسفل تفتح بواسطه مفتاح خاص للشخص المسئول عن تجميعها من نوع ( البص ) مفتاح بيفتح كل العلب

تثبت في أي زاويه ظاهرة للزبون من محل بيع الاكسيسوار أو سنترال أو مكتبه بتبيع حجاره قلم عاديه و ان شاء الله تكون تحت رعاية نقابتنا و وزراة البيئه ( كما أمل )

و يكون التوزيع الجغرافي طبعا طبقا لعدد السكان القاطنين لاي منطقه و طبيعة المنطقه

بنقوم بتجميعها في مكان و أعادة تدويرها مره آخري و ممكن نستعين ببعض المتخصصين في هذا المجال لاكتساب الخبره اللازمه قبل البدء في المشروع سواء محليا أو حتي دوليا في حالة عدم وجود متخصصين داخل مصر

الفكره دي موجوده في بعض الدول الاوروبيه و لكن علي نطاق ضيق جدا و صراحة رأيتها في كرفور باريس فأعجبتني جدا و أتمني تطبيقها

بانتظار تفاعلكم و اقتراحاتكم


دي صوره من الشكوي لما ارسلتها



ودي صورة المتابعه



ودي صوره متابعه الشكوي بالامس بتقول أن الشكاوي قبل 1.1.2011 راحت مع الي راحوا

[3llam]

وهو دا حال البلد


فكره ممتازه لكن محتاجه الدعم