.gif)
لــحـظــة غــربـــــه
مره واحد عاش لوحده
قضي عمره بحاله طايش
ربـنـا اهـداله واحـده
فجأة حس بانه عايش
ابتـدأت أيـامــه تحلـي
شاف بعينها الدنيا أحلي
كان ظهورها تاريخ ميلاده
طلعت الشمس في حياته
كات في عينه أحلي واحده
بدلتله في لحظة حاله
أكتشف الكون بحاله
حلت الأيام بحبه
زاد معاها شكر ربه
شاف بنورها أيات جماله
كان بينسي معاها همه
سابها تاهت جوه دمه
رؤيته بقي ليها فتوي
واما كان يمشيلها خطوه
كات بتجري هي يمه
كانت أقربله لنفسه
الشيطان قام قال لنفسه
عنده حور من الجنة أقدم
واما كرر غلطة آدم
سابه غرقان وسط يأسه
هي لحظة غربه أغرب
ضعفه كانله ساعتها أقرب
تن يندم وبسذاجه
كات في ايديه كل حاجه
بس كونه انسان فجرب
عشقه للتفاحه فاني
اما عشقه الباقي تاني
هي تلك البنت يمكن
راح يدور تاني ممكن
ينسي بيها انه يعاني
قال لروحه ياريت ما كان
راح لها بعد الأوان
المشاعر كنز تَركه
عمر ما الشيطان و ملكًه
يلتقوا في نفس المكان
واما روحها منه تاهت
حس نورالدنيا باهت
قرر انه معدتش ينفع
انه تاني لوحده يرجع
نام لحد ما روحه راحت
الشاعر محمد عاطف
رد مع اقتباس
.gif)
المشاركة الأصلية كتبت بواسطة أحمد ضيف الهواري
المفضلات