خطاب الرئيس مرسى

**~~Salah Sharaf~~** · 08-10-2012, 12:49 PM

الاحتفال بنصر اكتوبر كان اشبه
بالمثل الشعبى
مولد وصاحبه غايب !!
مرسى وجماعته لا ناقه لهم ولاجمل فى ذلك النصر
فلا نلوم عليه حينما
لا يذكر اسم السادات صاحب قرار الحرب وقائد هذا النصر
ولم يذكر مبارك وهوا غصب عن اى حد فى البلد احد القاده المهمين فى الحرب
سواء اختلفت معه او تفقت معه كرئيس لكننا لم نختلف معه حينما كان قائد للقوات الجويه
وحينما يتحول الخطاب وكأنه خطبه من خطب الجمعه وبنفس الاسلوب ولساعتين
وحينما لم يحضر احد من قاده الحرب الاحتفال
بالعكس يحضر المتهمين بأغتيال السادات
وحينما يمنع دخول الاستاد اى شخص او صحفى لم يحمل كارنيه الحزب او يكون خارج الجماعه !!
وحينما يكون الاحتفال داخل الاستاد وكأننا هزمنا اسرائيل 3 صفر فى !!
مؤيدى مرسى يرون فى رئيسهم وكأنه المختار ويحاولون دائما ان يصنعوا من خطاباته المتكرره
بطولات وامجاد وكأنه بطل من الابطال
واذكره حينما قال اقود العمليات فى سيناء بنفسى
فأنت بالفعل ياسياده الرئيس قائد ملهم وجنرال عسكرى خبير تقود العمليه الى الفشل !!
فسيناء الان فى عهدك ارض الخراب والارهابيين وليس الفيروز كما كانت
مشكلته هؤلاء انهم يعاملون الشعب وكأنه كله تربى على تقبيل الايدى والسمع والطاعه فى الاخوان
فهناك فارق كبير بين الاخوانى بما له او عليه
وبين الغير اخوانى بولائه للوطن وليس لجماعه غير قانونيه حتى الان
فلا تحدثنا فى احتفال كهذا
عن امورك من سكن وسفر فهذا ليس مكان ذلك
وان كان الاولى ان تحدثنا عن انجازات الــ 100 يوم
او عن مشروع النهضه بتاعكم
اللى فى الاخر طلع مشروع فكرى !!!!!!
قمه السخف والاستهزاء بالعقول
ان يدخل مرشح الانتخابات بمشروع ثم بعد ان يصبح رئيس
يكون مشروع فكرى !!!!!
وكان الشعب يحتاج الى الافكار لا الافعال
عذرا مؤيدى الرئيس فلا تلومونا فى ذلك
بل لوموا رئيسكم على وعوده المتبخره
ولا تنظروا اليه من منظور واحد تريدون ان تشاهدونه منه
فأنظروا اليه من كل اتجاه

**mohamed allam** · 10-10-2012, 01:57 PM

المشاركة الأصلية كتبت بواسطة Salah Sharaf

الاحتفال بنصر اكتوبر كان اشبه
بالمثل الشعبى
مولد وصاحبه غايب !!
مرسى وجماعته لا ناقه لهم ولاجمل فى ذلك النصر
فلا نلوم عليه حينما
لا يذكر اسم السادات صاحب قرار الحرب وقائد هذا النصر
ولم يذكر مبارك وهوا غصب عن اى حد فى البلد احد القاده المهمين فى الحرب
سواء اختلفت معه او تفقت معه كرئيس لكننا لم نختلف معه حينما كان قائد للقوات الجويه
وحينما يتحول الخطاب وكأنه خطبه من خطب الجمعه وبنفس الاسلوب ولساعتين

　

الراجل كرم السادات والشاذلى تسمع عنه ولا ذى مبارك نسب نجاح الحرب لنفسه ده حتى معملوش جنازه عسكريه ياراجل
صاحب الضربه الجويه كان عاطف السادات الله يرحمه ومات شهيد

وحينما لم يحضر احد من قاده الحرب الاحتفال
بالعكس يحضر المتهمين بأغتيال السادات

وانت حضرتك نعرف مين اللى قتل السادات ولا مادرستش تاريخ

وحينما يمنع دخول الاستاد اى شخص او صحفى لم يحمل كارنيه الحزب او يكون خارج الجماعه !!
وحينما يكون الاحتفال داخل الاستاد وكأننا هزمنا اسرائيل 3 صفر فى !!
مؤيدى مرسى يرون فى رئيسهم وكأنه المختار ويحاولون دائما ان يصنعوا من خطاباته المتكرره
بطولات وامجاد وكأنه بطل من الابطال

　
ده على اساس ان حضرتك انت كنت بتشكف على بطايق الناس اللى داخله
الدعوه كانت عامه لكل احزاب مصر لكن لليبرالييتك واليسارين محضروش
مش عايزين يشوفو مرسى فى الموقف ده

واذكره حينما قال اقود العمليات فى سيناء بنفسى
فأنت بالفعل ياسياده الرئيس قائد ملهم وجنرال عسكرى خبير تقود العمليه الى الفشل !!
فسيناء الان فى عهدك ارض الخراب والارهابيين وليس الفيروز كما كانت

والكلام ده زي كلام بيع قناة السويس والحرب مع امريكا اول ما مرسي يمسك الحكم .. كل موعد وليه اشاعاته واكاذيبه

مشكلته هؤلاء انهم يعاملون الشعب وكأنه كله تربى على تقبيل الايدى والسمع والطاعه فى الاخوان
فهناك فارق كبير بين الاخوانى بما له او عليه
وبين الغير اخوانى بولائه للوطن وليس لجماعه غير قانونيه حتى الان
فلا تحدثنا فى احتفال كهذا
عن امورك من سكن وسفر فهذا ليس مكان ذلك

واضح ان الليبراليين منقوعين لسه فى النظام السابق

وان كان الاولى ان تحدثنا عن انجازات الــ 100 يوم
او عن مشروع النهضه بتاعكم
اللى فى الاخر طلع مشروع فكرى !!!!!!
قمه السخف والاستهزاء بالعقول
ان يدخل مرشح الانتخابات بمشروع ثم بعد ان يصبح رئيس
يكون مشروع فكرى !!!!!
وكان الشعب يحتاج الى الافكار لا الافعال
عذرا مؤيدى الرئيس فلا تلومونا فى ذلك
بل لوموا رئيسكم على وعوده المتبخره
ولا تنظروا اليه من منظور واحد تريدون ان تشاهدونه منه
فأنظروا اليه من كل اتجاه

يخادعون الله وما يخدعون الا انفسهم

اخيرا

اخترت مرسى لانه رئيس ذو فكر اسلامى

**احمد مشعل** · 10-10-2012, 02:37 PM

المشاركة الأصلية كتبت بواسطة Salah Sharaf

فسيناء الان فى عهدك ارض الخراب والارهابيين وليس الفيروز كما كانت

ههههههههههههههههههههههههههههههههههههه

هي كانت فيروز ياصالح طب ازاي انا عايز اعرف

انا من 5 سنين كنت فيها وماشوفتش حتي جريده خضرا

عارف ياعني اية جريدة مش صحيفة الجريد اللي في النخل

معلش اصلي انا صعيدي ياصالح ياراجل حرام عليك

انت بتهاجم جماعة او اي شخص او اي حد في الدنيا

بس معلش كمان ياعني ايام مبارك كنا عايشين في فيروز في سيناء علي كدا

ياسبحانك يارب

اخي سواء انت رضيت او مارضيتش او انا رضيت او مرضيتش

السيد الدكتور محمد مرسي

رئيس جمهورية مصر العربية

وبرضو مش معني كدة ان انا اخوان او انتخبتة لألألألألألألألألألأ

انا ابطلت صوتي في مرحلة الاعادة

نصيحة

بلاش تجريح في اي شخص قول رأيك كيفما تشاء

لاكن بدون اتهامات او تهكمات .

**&& اشكوزا &&** · 11-10-2012, 12:57 AM

بالراحة بالراحة يارجالة
الراجل في جزء كبير من كلامه صح

الاحتفال كان في الاستاد بالرغم انه احتفال عسكري ومعروف كان بيتعمل فين قبل كدة
لكن اتعمل في الاستاد وجمعوا كل اعضاء الحرية والعدالة من كل محافظات مصر (والاتوبيسات تشهد)
ليه بقي جمعوهم عشان الرئيس يقول وهما يسقفوا ويهتفوا (تماما مثلما كان يفعل المخلوع)

https://www.youtube.com/watch?featur...&v=XTqlbCtBD8w
-----
بشهادة ناس كتيييييييييييييييييييييير جدا ا اللي كان ماسك امن البوابات هما شباب الاخوان
-------

الشئ الاجمل والالذ والافحت وال وال وال وال(زي ماتقول قول)
هو ان يتم تكريم السادات ودعوة قاتليه للاحتفال في نفس الوقت!!!!!!!!!!!!!!!!!!!!!
عبود الزمر واخوه
ولمن سال عن قاتليه فليشاهد هذا
http://www.shorouknews.com/news/view...0-49225c5b36ad
وهذا ايضا
http://www.youtube.com/watch?v=SbJ-22K2vzo

----------
بأي صفة يحضر الكتاتني الاحتفالات وتسلط عليه الكاميرات؟ في الوقت الذي لم يحضر فيه ابطال الحرب
--------

--------
خطاب طوييييييييييييييييييييييييييييييييل يشبه المسلسلات التركي ولم يقل شيئا بشهادة المحللين السياسيين
ولو كانت خطبة جمعة والله كنت هابقي مبسوط بيها جدا
-------
بالله عليكم يامن صفقتم للخطاب
قولولي اي حاجة مفهومة في الخطاب كرئيس جمهورية وسياسي ويخاطب شعب
قولولي اي هي التوجهات القادمة من ناحية اي شئ
ايه هي الخطط القادمة من ناحية اي شئ
ايه هي الانجازات (غير انه بيلف عشان يشحت علينا)
ايه هي المعوقات غير انه ساكن في شقة ايجار ومعندوش سيارة

اما عن النهضة فسمحولي اقدم لكم برامجنا لهذا اليوم

الساعة السابعة صباحا برنامج (صباح الخير يانهضة)
الساعة التاسعة صباحا مع الفيلم العربي (صراع في النهضة)
الساعة الحادية عشر صباحا مع الحلقة التانية من مسسل (خرم نهضة)
الساعة الثانية عشر ظهرا مع البرنامج الاخباري(اخبار النهضة)
الساعة الواحدة ظهرا مع اغنية (حكايتي مع النهضة)
الساعة الثالثة عصرا ننتقل الي اذاعة خارجية لنقل مباراة الاهلي والنهضة السكندري
الساعة السادسة مساءا مع البرنامج الحواري (النهضة الجديدة) برعاية (نهضة كولا)
الساعة التاسعة مع البرنامج الكوميدي (النهضة الخفية)
الساعة الحادية عشر مساءا مع برنامج المنوعات (تاكسي النهضة)
الساعة الواحدة بعد منتصف الليل مع الفيلم الكوميدي (اسماعيل ياسين في النهضة)
ومسك الختام
مع الحلقة ال 630
من الجزء ال70
من خطاب الريس
--------

كل خطاب وانتم بخير
كل تسفيه للناس وانتم بخير
كل اخونة وانتم بخير
كل اتهام بالكفر وانتم بخير
كل تخوين وانتم بخير
كل فقعة مرارة وانتم بخير
كل حزب وطني اخواني وانتم بخير
----
---
--
--
-
--
كان معكم
احمد جاد
مسلم بس مش اخواني ولايشرفني ان اكون اخواني
واشهد ان لا اله الا الله وان محمد رسول الله (احسن يكفروني ولا حاجة)