ده شرح لشوية مصطلحات و حاجات انا شايف ان اى مستخدم للسونى ممكن يحتاجها
وان شاء الله تكون مرجع للجميع
معلومات مهمة قبل تنزيل السوفتوير:
========================================
CID
ده رقم الاصدار بتاع الحماية اللى موجوده عالتليفون .. طبعا مبرمجيين السونى حاطين الحماية عشان يمنعوا اى حد غير مراكز الخدمه انه بيلعب السوفتوير - واللى بيعتبر ملكية للشركة - و المقصود باللعب هو تنزيل سوفت او فك شفرة الخ ...
CDA:
ده رقم بيوضح نوع السوفتوير بتاع انى منطقة... يعنى الشرق الاوسط ليه CDA .. اوروبا ليها CDA مختلف .. و بيساعد برنامج التحديث انه يختار اللغة الصحيحة للموبايل المراد تحديثة ... عشان كده اللى تليفونه عربى قبل التحديث هيفضل عربى بعد التحديث ...
BLUE/BROWN/RED :
دى غالبا محدش خد باله منها لما يوصل برنامج ال XS .. اللون ده لون رمزى لل erom .. كل لون بيرمز لحاجة
BLUE =دى تليفونات تم تجميعها فى المصنع و لم يتم برمجتها .. و دى نادر اوى تلاقيها
BROWN هى التليفونات اللى بتنزل قبل الاصدار الرسمى .. واللى بتروح لمواقع زى GSMARENA عشان يجربوا التليفون و يقولوا رأيهم فيها ... و عادة بتكون التليفونات دى " متكروتة " او مش متقفله كويس.. السوفت مش مظبوط كده يعنى ... لأنها لغرض الاختبار فقط
RED :هو التليفونات اللى احنا بنشتريها
gdfS :
ده المكان اللى التيفون بيحتفظ فيه بحجات معينه مستحيل تتمسح .. زى السيريال نمبر... تردد الراديو..اللوك كود .. الناس اللى اتعمل معاهم PAIRING بالبلوتوث .. و شوية حاجات خاصة بالهاردوير
ُُE-rom
اختصار ل Extended Rom .. ده الجزء الاساسى فى السوفتوير .. مهما نزلت سوفتوير عمرك ما بتغير الجزء ده .. و ده المسؤول عن عملية تنزيل السوفت للتليفون .. و هو برضه اللى بيتولى عمليه فتح التليفون لما تدوس عالباور ...
EMMA
هو اسم السوفتوير المستخدم فى مراكز خدمة السونى اريكسون ... وده طبعا بيعمل اى حاجة وكل حاجة فى التليفون .. بداية من البرمجه الى تغيير السوفت و فك القفل و فك التشفير تغيير رقم ال CID و فعلا كل حاجة ..
و طبعا البرنامج مش بيشتغل غير عن طريق بطاقة زكية- زى بتاعت ميناتل - بتبعتها الشركة لمراكز الخدمة .. عشان البرنامج ميتسربش .. وفعلا لغاية دلوقت البرنامج غير ممكن استخدامه الا فى مركز الخدمة
SEUS
اختصار ل Sony Ericsson Update Service
وهو برنامج تحديث السوفت وير عن طريق الموقع الرسمى للسونى اريكسون
FIRMAWARE
طبعا هو السوفتوير اللى احنا بننزلة عالتليفون .. كلمة FIRMWARE بتتقال على ملفى ال MAIN و FS
ملف ال FS يحتوى على اللغات.. الاصوات.. الصور .. الاعدادات ..الكونتاكتس
ملف ال MAIN هو السوفت الاساسى ..
ملف ال MAIN بيكون اسمه زى كده
K800_R8BF003_MAIN_GENERIC_WI_RED53.mbn
K800 :::هو موديل الموبايل
R8BF003 :::هو رقم اصدار السوفت
MAIN :::ان ده ملف ال MAIN مش ال FS عشان محدش يخلط بينهم
GENERIC ::: معناها الاصلى ...و هى ان السوفت ده مش محدد لشبكة معينة .. بمعنى ان الموبايل بينزل فى معظم دول العالم بال GENERIC فى حين ان السوفت اللى بينزل للصين بيبقة اسمه CHINA
RED ::: طبعا مفهوم ..
WI ::: دى بقى اختصار للاسم الكودى للتليفون .. لأن شركة السونى اريكسون بتدى كل موبايل جديد فى مرحلة التصنيع والتطوير اسم كودى لمنع تسريب الامكانيات والاسم الاصلى للموبايل ...
زى ال IDOU وال HIKARU
الاسم الكودى بيكون اسم انثى ( اسم بنت يعنى )
ال k800 اسمه wilma فطبعا اختصارها WI
ال w810 اسمه helen واختصارها HN
53: هو رقم ال CID و طبعا بيختلف ..
و تأكد دايما انك تنزل السوفت المناسب لموبايلك .. يعنى نفس ال CID و نفس الموديل
ملف ال FS بيكون اسمه زى كده
k800_r8bf003_fs_m_east_n_afr_red52.fbn
K800 ::: هو موديل الموبايل
R8BF003 ::: هو رقم اصدار السوفت
FS ::: ان ده ملف ال FS مش ال MAIN
:::M_EAST_N_AFR او الشرق الاوسط وشمال افريقيا
ده بيوضح اللغات اللى هتنزل عالتليفون ( عربى ,انجليزى ,فرنساوى ,فارسى ) وهى اللغات المستخدمة فى الشرق الاوسط وشمال افريقيا
ممكن تبقى مثلا C_asia ودى بيبقى فيها لغات انجليزى ,عربى ,روسى ,تركى ,اوكرانى
ممكن تبقى S_asia_levan وفيها لغات انجليزى ,عربى ,روسى ,عبرى , فارسى ,فرنساوى
للامانه منقو من احدي المنتديات
ابو مصعب
المفضلات