فلاشه SAMSUNG 5570 CPU TYPE[68030000] Flash Type[Hyundai] HY27UF081G2AM 132M

[MohamedFarouk]

بسم الله الرحمن الرحيم


اقدم لكم اليوم فلاشة الموديل


SAMSUNG 5570
الجهاز من فئة


mstar


حجم الفلاشة132ميجا


بيانات الجهاز على البوكس


CPU TYPE[68030000] Flash Type[Hyundai] HY27UF081G2AM





اخيرا رابط التحميل

http://www.mediafire.com/?y1ctxau0iqulbyk

[AdReAnO]

اتمني يا محمد
المواضيع تكون منظمة

الاول سمي بسم الله
اسم الجهاز
فئة الجهاز
مساحة الفلاشة
بيانات الفلاشة

واخيرا رابط التحمل

كده هيكون افضل واجمل

[MohamedFarouk]

يا استاذ ادريانو

حاول تفتكر

انى بجيب الجهاز
واسحب الفلاشه
و افلش الجهاز تانى بالفلاشه المسحوبه للتاكد منها
و بعد كدة ارفعها على الميدافير
و اعمل موضوع باسم الفلاشه الاسم المظبوط بتاعها كما يراها البوكس
و انت تيجى تعلق على انى مش منسق الموضوع افتكر كده انت جاى على مجهودى شويه

تانى حاجه هو ايه السبب اللى بيخلينى ارفع الفلاشات ؟؟؟؟؟

الا يكفيك هذا السبب لاحترام الموضوع حتى لو كان شكلو مش عاجبك

ثالثا اجمل شىء ان الاخ ابو كنزى مش مدى شكر على الفلاشة لكنه مدى شكر على نقضك لتنسيق الموضوع

افتكر ان احنا نركز فى افادة باقى الزملاء اولى من اى خلافات لا معنى لها فى هذا المجال

[AdReAnO]

الله ينور عليك يا اسامة هذا هو قصدي

والله يا محمد انا لو مش شايف انك عضو مميز ومجهودك رائع في القسم
انا مكنتش قولتلك كده

اجمل ما في المواضيع هي الردود
والردود تزيد لما يكون الموضوع منسق ومفهوم

كلامي ده اهتمام بيك وبمواضيعك

كنت منتظر منك انك تعدل الموضوع للافضل وليس هذا الرد

واخير كل الشكر ليك علي افادة الاعضاء وربنا يجعله ثواب ليك

[MohamedFarouk]

كمان فى حاجه مهمه

انا بحاول اكتب بيانات كما يراها البوكس لسبب وجيه جدا

ان هو دة هايبقى طريقه البحث بعد كده عن الفلاشه

هو دى الحاجه المشتركه فى جميع انحاء العالم هى قراءه البوكس

يعنى ساعات كنت بواجه مشكله بحث عن فلاشع و الاقيها فى منتدى فارسى او تركى

و لما يكونو كاتبين بلغتهم مش بعرف اوصل بسهوله للى انا عاوزو لكن تخيل كده لو لواحد هندى بحث عن فلاشه معينى و بيانتها واخدها من قراءه البوكس سواء كانت ام تى كى او اسبيرد او ام استار او كوول ساند هايلاقى الجيم فلاش هو الوحيد اللى رافع فلاشات بقراءه البوكس

لكن مستحيل يوصل للفلاشه اللى هو عاوزها لو مكتوبه بطريقه (قنبله من العيار التقيييل فلاشه سامسونج 5630 يروسيسور اسبيرد )
فعلا مستحيل

لكن لو مكتوبه بقراءه البوكس شىء مثالى للمستقبل و الاسبقيه فى تنفيذ الفكره كمان

انا بحبكو كلكو من غير ما اعرفكوا ماتفتكروش انى بتعالى عليكم فى شىء و خصوصا ابو كنزى لان ماشوفتش منه حاجه وحشه ابدا بس فكرو بطريقتى ممكن تشوفوا انا اقصد ايه

ودى ورده ليكو كلكو

علشان تعرفوا انى نيتى سليمه ما فيها اى شىء من التعالى

السلام عليكم

[AdReAnO]

لكن لو مكتوبه بقراءه البوكس شىء مثالى للمستقبل و الاسبقيه فى تنفيذ الفكره كمان



ودى ورده ليكو كلكو

علشان تعرفوا انى نيتى سليمه ما فيها اى شىء من التعالى

السلام عليكم

اكتب عنوان الموضوع زي ما تحب
لكن الموضوع يكون افضل من كده ( علشان العرب مش الاجانب )

وكلنا بنفيد ونستفيد
واحنا كمان بنحبك ونتمني لك التوفيق

[osama nzaar]

شكرا يا باش مهندس محمد علي المجهود الرائع لكن باش مهندس ادريانو لايقصد شئ يقصد انك تعرف الجهاز والفلاشه للفئه التابع ليهاالجهاز لو كانت اسبريد اوكول ساند او ام استار الخ.. بالاضافة لنوع البروسسر وهذه هي المصطلحات البنعرفه في المجال ده في الوطن العربي واضيف ليها قراءة البوكس يعني كده بتكون فكرتك شامله----- تقبل اعتزاري

[esso elkordy]

بقوللك ياكابتن يابتاع حلوان
هتنسق الموضوع ولا اجيللك

لوجتللك هوريك

وبعدين ياعم محدش بيتاعالى على حد احنا كلنا اخوات وادرايانو
لا يقصد شي

والف الف الف يعنى كده 3000شكر على الموضوع الرائع تسلم على الفلاشه الحصريه

[ahmedana]

اولا شكرا على الفلاشة لان الفلاشة حجمها كبير وكتر خيرك انك وفرتها

ودة هايكون في ميزان حسناتك اكيد طالما خالصة لوجة الله


ثانيا لازم تحط في عين الاعتبار ان فية مبتدأ ما يعرفش اصلا بيانات الفلاشة فين في الانفو ولو عرفها ممكن ما يعرفش ياخدها كابي وباست


فبالتالي لو الموضوع مكتوب بالتفصيل هايكون فرصة البحث عنو كبيرة

دة اللي ادريانو يقصدو



بعدين هو انا كل يوم الاقي خناقة اروح الاقي حد من حلوان فيها



لو قدريانو مش عارف انك فاهم وبتدي
مكنش هايقولك الكلام دة المفروض كان بعتهالك في رسالة خاصة

لاكن حصل خير

عايزينك ما تحرمناش من فلاشاتك الحصرية



اخوك ابو عمر
مش من حلوان

[MohamedFarouk]

احرجتونى والله

ماشى هاحاول و امرى لله