.gif)
شوية أسئلة ذكاء....ملهاش حل
أول لما تدخل البيت بيسألك أخوك..انت جيت؟..................أومال يعني عفريتي
لما صاحبك يشوف عربيتك مخبوطة يسألك...انت عملت حادثة؟.............لأ,العربية عملة نيو لوك
وانت واقف مستني الاسانسير تلاقي واحد جه داس على الزرار تاني.........بتستعجله سيادتك؟؟!!
وانت قايم من على الأكل....خلصت؟...............لأا معاد تمرين السويدي!!
قاعد بتذاكر,يدخل عليك أخوك : بتذاكر؟...............لا بحب في الكتاب
و انت بتأكل طفل...همممممممم بتفتح بؤك...............هو مين بياكل حضرتك؟!
أنت على السرير و مغمض عينك....يسألك أخوك,حتنام؟............ومال بحاول أموت مثلا؟
و أنت بتكلم في التليفون تيجي أختك..بتكلمي؟...............لأا بشوف حرارة السماعة!!
لابس و رايح ناحية الباب ,يسأل أخوك..خارج؟.........لا بشوف الباب ماله
ليه المذيع في التلفزيون بيسأل طفل : بتحب باب و ماما؟..............لا بيموت في حضرتك انت
ليه في برنامج مسابقات في التلفزيون,يتصل واحد,ممكن أشترك؟....ومال حضرتك وحشك المذيع يعني؟
ليه لما صاحبك بيؤلك تعالى البيت عندي عيد ميلاد بتروح؟...ولما ربنا يناديك تروح بيت الله المسجد ويدخلك الجنة مبتروحش؟
ليه دايما زحمة على القهاوي في وقت ماتشات الكورة؟....والمسجد فاضي وقت الفرض؟
ليه دايما النوادي ملايانة شباب؟......والمساجد أكترها شيوخ؟
ليه قناة الاغاني و الافلام والبرامج بتعض عندك على التلفزيون ساعات؟...وقناة القرآن دقايق؟
ليه بدأت تزهق لما سألتك أسئلة في الدين؟...مع أنك كنت بتضحك من دقيقة؟!
ليه ممكن تشرب حاجة في الشارع بجنيه و أنت مش عطشان؟....بس لما يجيلك فقير تقوله اتكل على الله؟ مين أولى؟
ليه بتضحك مع زميلتك في الكلية؟....بس أختك ممنوع مع زمايلها؟؟..مش زميلتك دي أخت واحد برضه؟!
ليه سهلة أوي الذنوب؟.........و تقيلة عليك الحسنات و الصلاة؟
ليه بتركز مع الأغاني.......... و بتسرح من القر آن؟
ليه تبقى عارف الصلاة أمتى....وتدي فيه معاد لزمايلك؟
ليه بتعصي ربنا عمد....مع أنك متأكد 100% انه شايفك دلوقتي؟
مولاى صلى وسلم ودائما ابدا على حبيبك خير الخلق كلهم
يارب صلى عليه صلوات الله عليك
رد مع اقتباس
المفضلات