بطـــــــــــــــون الحوامـــــــــــل
صرخة برئ على الطريق
بتنادى ع اللى تحــرق
ع اللى تقتـل
ع اللى نطـوى تحت التراب
صرخة برئ على الطريق
بتنادى على كل العرب
لبوا الطلب
يمكن ينور فجر يومى اللى أنصلب
صرخة برئ على الطريق
فين العروبة
فين لم كنا كلنا سوا
أخ وصديق
على الطريق
قتيل هناك . . وقتيل هنا
وعيال بتصرخ م الضنى
ورمال كتير متبعثرة
أمى . . خواتى فين طريقهم
. . وفين أنا
فين اللى كان وزمان هنا
بيتنا . . وعلمنا . . وحبنا
فين الصغار
لما كانوا بيلعبوا . . لما كانوا بيكتبوا
لما كانوا بيحضنوا شمس النهار
فين الكبار
فين الأيدين الحره
لما كانت نور . . ونار
نور ع الحبيبة أرضنـا
ونار بتحرق كل كلب . . . مغتصب جاى بيخنق شمسنا
فينك يامصر . . وفين ولادى . . وفين أنا
يا عرب لبوا الطلب
فلسطين
فلسطين م أنتِ الأسيرة
وولادى ماتوا من زمان بإيدين حقيرة
طب وأنا
مستحيل أعيش حياتى كلها
. . من غير دليل
تاه الدليل
ناح العليل
أبكى ياعين
على اللى بيحصل للعراق
بعد مادار عليه الزمان خلاه ذليل
من غير دليل
أبكى ياعين . . قلبكِ عليل حزنك طويل
وعمرك خلاص أنتهى . . باقى القليل
والأمـل . . فين الأمـل
الأمـل فى بطون الحوامـل
بذوره لسه كتير عليها
لما تبقى جذور سنابل
صلبه وقوية
تمسك سلاح
تعرف تقاتل
وتخلص على دود الغيطان
وترجع لنا ريح زمان
وميهمهاش صوت القنابل
بقلمى
رد مع اقتباس.gif)
.gif)
المفضلات