طيب ماشى
طيب ماشى لأى حاجة
فى الفرح تعكر صفونا
ياما قاسينا و ياما بكينا
و ياما شاقينا لوحدنا
يا كتير م الوقت يعدى
و ناس بتيجى و ناس بتروح
يا كلام فينا إتسجن
وبيصرخ يتمنى البوح
و ساعات الفرح ثوانى
وثوانى الجرح سنين
و تراب الحزن مبانى
مبنية بطوب من لين
واللحظة الحلوة عجيبة
ساعات بتبكى العين
فى الدنيا دى حاجة غريبة
بتأثر فى الصادقين
الفرح بيخطف حزنه
و الفكر ساعات بيعكر
القلب الدافى بفرحه
وقت الأفراح بيفكر
و الجفن فى عز دموعه
بيقول للحرن أنا شاكر
طعمة هيحلى الضحكة
من الماضى حصل وأنا فاكر
والراحة تنادى الطيب
بصوتها المرتعش
إضحك فكك م الدنيا
طنش تعش تنتعش
المفضلات