ندمانه إني عرفتك ندمانه إني شفتك
ندمانه على كلمة بحبك
مش عارفة إزاي كدة أخدع نفسي برضا
مش عارفة إزاي قدرت أصدق كل كدبك
أنا كنت عارفة كدبك أيوة أنا كنت عارفة
أنا كنت حاسة غدرك أيوة أنا كنت حاسة
لكن مقدرتش أعمل غير إني أحبك
تقدر تقولي ليه
تقدر تقولي ليه قلبي انجرح منك كتير
تقدر تقولي ليه لما خدعتني كدبت نفسي
تقدر تقولي ليه قلبي لحبك كان أسير
وليه لما عاتبتني غلطت نفسي
ماهو أنت حاجه من الاتنين
ياإما عليك قلبي هان
ياإما كسبت بيا الرهان
وأنا كنت فاهمة إنك مشتاق وحبي ليك يفرق كتير
علشان أنا قبل حبي ليك عمر قلبي ما كان أسير
وأول حبك ما دخل قلبي حبك ليا أصبح سراب
حسيت ساعتها إني مجرد صفحة قلبتها من كتاب
وعرفت إن شوقي ليك مكنش شوق دا كان عذاب
دا مكنش حب أو حنين
دا كان ألم وعذاب وأنين
وندم ودموع بتسيل م العين
أيوة أنا رخصت قلبي لما حبك
أيوة قويتك أنت و صدقت كدبك
كنت كل لحظة بجرح كرامتي لما برجع
كان في كل مرة يزيد جرحي وأنت تخدع
حبيتك حب جنون والحب ضيعني
حسيت إن العالم كله بجرحي مش هيسعني
بس برده كنت برجع أدورلك علي عذر
وبرغم حبي ده كنت دايما أحس بغدر
كل حاجه كنت بتعملها معايا
دلوقتي بتتعكسلي من مراية
شفت فيها حقيقه حبك من البداية
شفت إن قلبك خاني وجرحي كان عندك هواية
هيه دي حقيقة الحكاية
مكنتش تستاهل ولا تسوى هوايا
بس الحب عماني عشان حبيتك
وجرحك فيا قواني و خلاني نسيتك
ومني ليك كلمة عشان مسك الختام
إنساني زي مانسيتك وخليني ذكرى من الأحلام
ذكري لقلب بجد حبك بس ده كان في المنام
ولما رجعت وفقت فرحت انى صحيت
نسيت وهعيش واعوض كل اللى قاسيت
واعيش مع حب حقيقى بجد مش مجرد سراب