في الواجهه برنامجي ترفيهي متجدد

[SALIHMOB]

ضيفنا لليوم التاني علي التوالي
حبيبنا كلنا
اسلام السخاوي
اتفضل يا بوب
مفيش اسئله
عاوزنك تتكلم بس عن اي حاجة وخصوصا سببي غيابك عنا اذا امكن

[EXplORer_70]

حبيبى قلبى ياسمسم يامنورنا على الفضائيات

[Raul]

كل سنه وانتم طبيين
وطبعا بداية قويه جدا مع شخص من اهم رجال الجيم
ابوميدو
وان شاء الله بنعود ونرجع احسن من الاول
****

وطبعا سعادة مابعدها سعادة بعوده تؤامى فى الاقسام العامه
السخاوى
فى انتظارك ياسمسم

[SALIHMOB]

وين السخاوي يا جماعه الخير

[SALIHMOB]

السخاوي اضافه للاسئله
طبعا انت جاي بمعنويات جديده
ما هي النظره المستقبليه للاقسام العامه
وبوضوح تام
واعضاء ترغب في اضافاتهم للاقسام العامه
وكلما تغيب عن الاجابات حنزيد في الاسئله

[السخاوى]

كفايا أسئله يابوب الله يباركلك

وانا جاى بعد شويه

[السخاوى]

السلام عليكم ياشباب ورمضان كريم

أسف جدا على التأخير بس أنا عارف انكم ناس زوق زوق صراحه يعنى وهتلتمسولى أى عذر






ندخل على موال الأسئله بقى بتاع عمونا صالح

كل سنه وانت طيب يابو الصلح ورمضا كريم عليك ياحاج



وبما انك محددتش اسئله فأنا طبعا محتار أتكلم فأيه

وبناء على كده يعنى هاقتبس الأسئله بتاع ابو ميدو وأجاوب عليها وبرده ممكن نسرح شويه مع بعض فى اى لام


ما هو تقييمك للقسم العام علي وجه الخصوص والمنتدي بصفه عامه


شوف ياأصلى

بالنسبه ليا أنا شخصيا فأنا بحس ان المنتدى ده عباره عن بيتى والأقسام العامه هي اكتر مكان برتاح فيه وبحبه جوه البيت ده


عشان كده انا زعلان جدا جدا على الحال ونفسى الأقسام العامه ترجع بنفس القوه اللى كانت عليها

ان شاء الله هايحصل




اعضاء لهم لمساتهم الواضحه في مسيره المنتدي



الناس دى كتيره جدا وموجوده فى كل الأقسام

بس فيه ناس كده بيكون ليها طله جميله

يعنى راؤل .ريمون . اسنيبر . الحــــاج ياسر

ومن قبلهم جهاد . وائل النجار ربنا يعديله الأمور على خير وينصر كل الأخوه السوريين

وطبعا واحد زى طــارق اون دا مش ممكن يتنسى دا ليه فى الجبال علامات


اعضاء يجب عليهم مراجعه نشاطهم وفاعليتهم
اعضاء بارزين وجنود مجهولين في قسم الصيانه



بصراحه دول مش هاقدر أحكم عليهم بسبب طول فترة غيابى وقلة متابعتى للمنتدى مؤخرا



ما السبب وراء تدهور المنتدي واحتلاله مراتب متاخرة في اليسكا


الوضع العام للبلد وكل البلاد العربيه

ثانيا تقدر تقول كده بقى فيه حالة احباط

مش احباط من بتاع فيلم النوم فى العسل يابوب أوعى تفهمنى غلط

بس حقيقى المستقبل بقى مش واضح وكذلك الناس

تقدر تقول الطموح بيقل



موقف مضحك مر بك في المنتدي

مره وقت ما كنت لسه عضو مميز

كنت قاعد فى سيبر ونسيت المنتدى مفتوح ومشيت

المهم جه واحد ابن حرام مصفى قعد على الجهاز بعدى وحط موضوع خاص بالديانات

وفى نص ثانيه لقيت نفسى عضو موقوف

ياناس صلو على النبى مش انى مش انى

يهديك يرضيك لحد ما رجعونى

بس دمى اتحرق بمليون جنيه


عاوزنك تفضفض براحتك وقول كل اللي في نفسك يا بوب

انا نفسى المنتدى يبقى كويس والبلد تبقى كويسه

والحال يمشى بقى كفايا كده

وربنا يخلص الشعب السورى من الظلم والطغيان ... اللهم أمين



السخاوي اضافه للاسئله
طبعا انت جاي بمعنويات جديده
ما هي النظره المستقبليه للاقسام العامه
وبوضوح تام
واعضاء ترغب في اضافاتهم للاقسام العامه


النظره المستقبليه للأقسام العامه

الأقسام العامه هى نبض أى منتدى , الملتقى اللى الناس بتتفك مع بعض فيه

نتناقش نهرج نكتب شعر

وللأسف محدش بقى يعمل الكلام ده دلوقتى

يعنى قسم الخواطر مثلا بقالو شهر متكتبش فيه اكتر من 10 مواضيع

والأقسام الرياضيه فى الكنافه

كل الأقسام العامه نايمه بقالها كتير ولازم يبقى فيه وجوه جديده تنشط الدوره الدمويه شويه

وان شاء الله قريب هانقدر نعمل ده كلنا مع بعض كفريق للأقسام العامه




عاوزنك تتكلم بس عن اي حاجة وخصوصا سببي غيابك عنا اذا امكن


ياااااااااااه يابوب

سبب غيابى باختصار شديد

غلطه وقعت فيها وكانت نتيجتها خسارة شغلى ومجهود 8 سنين فاتوا

بس انا مؤمن بقضاء الله وبحاول أشد الهمه من جديد وبقول يااااااااااااااااارب










وفى النهايه شكرا جزيلا على الاستضافه الجميله دى يابو الصلح

وشكرا لكل الناس اللى رحبت بعودتى من تانى

[SALIHMOB]

يا سلام يا اسلامدا اانت وحشت الاقسام العامه لدرجة كبيره

مشكور يا غالي علي ردودك

انتظروا الضيف القادم بعد الفطور



سلام

[Raul]

منور الاقسام من جديد يا سمسم
وان شاء الله ربنا يكتبلك الخير بالمستقبل ويعوضك خير عن كل مافاتك
كل عام وانتم بخير

[SALIHMOB]

طبعا حنختار ضيفين لهذه الامسية الجميله

ضيفنا التالي هو قريب للكل
محبوب للجميع
متفاعل مع كل القضايا المطروحة

اشكوزا الغالي
اتفضل يا (زول) وشرفنا

طبعا حكايه زول دي نعرفها انا وهو فقط

1. رمضان كريم عليك يا غالي وعلي كل الامه الاسلامه
2. سبب غيابك عن المنتدي في الفتره السابقه.
3. ما هي افكارك الجديدة بالنسبة للاقسام العامه بصفه خاصه والمنتدي بصفه عامه.
4. هل تعتقد بان الاحداث السياسيه سبب من اسباب تدهور المنتدي والقسم العام
5. لوتحدثنا عن الاحداث الجارية الان في سوريا ومصر والسودان وغيرهم من الدول العربية
هل تعتقد ان هذه الاحداث اتت ما ذهبت اليه ام لا
6. اشكوزا اسم كبير في عالم السيتول
اعضاء لهم بصمه في هذا القسم
7. ما الجديد عند اشكوزا بعد تغيير الاوضاع السياسيه وهدوء نسب للاوضاع العامه
8. حدثنا بوضوح تام عن المنتدي والاشياء الواجب فعلها للرجوع للسيره الاولي
9. قل كل اللي في نفسك يا بوب

الضيف الثاني هو
حسن مؤمن