تعالوا نتناقش بهدؤ ليه فى ناس اختارت شفيق ؟؟؟

[ashraf77160]

بصراحه يا أبو كنزي انت قلت أسباب كتيره ما شاء الله عليك و عندي اضافه فيه ناس كتير جدا جدا بتتفرج علي القنوات اياها مع انهم عارفين انها قنوات أي كلام باعترافهم و لا بيحبوها و لا بيحبوا المذيعين و لا المذيعات الي فيها بالمره و باعترافهم أيضا و للاسف الشديد دون أن يلحظوا ( و هذا من كثرة حسن الظن بالنفس من وجهة نظري) جعلوا الاعلام يلعب في عقولهم و يوهمهم بأشياء غير صحيحه بالمره و لكن من كثرة المتابعه أصبحت حقيقه بالنسبه لهم و هذا ما يعرف بالخلفيه المسبقه أو الباك جراوند أو بالفرنسي اريار بونصي و للاسف الشديد أتت ثمارها لكن الامل بالله

[احمد مشعل]

انا هقولك علي حاجة يابوكنزي زمان الله واعلم من امتي
سألت جدي لية حسني ماسك البلد علي طول لية مايمسكش حد
غيرة وفي ناس تاني ممكن تمسك البلد غيرة
قالي ياولدي حسني اكل وشبع لاكن اللي هيجي لسة هياكل لغايت
مايشبع دلوقتي فهمت كلامك ياجدي للأسف انتوا فاهمين الوضع
والكلام دة وللأسف فهمتوا للبعدكم علشان كدة الناس انتخبت شفيق
دة غير اللي اتوزع والفلوس من شفيق ومرسي ودة الحمدلله واضح زي عين الشمس
كل اللي اسألة قبل الانتخابات يقولي هنتخب حمدين وبعد الانتخابات انتخبتوا مين
ياجماعة انتخبنا حمدين طب اية النتايج دي اية بالظبط مش عارف
هل الصعيد مهمل بالنسبة لحمدين الله واعلم .

[foxaaa]

ربنا يستر و تفضل الناس ديه متشاركش
لان بجد الناس ديه لو شاركت
النتيجه هتبقى اكتساح لاحمد شفيق
ههههههههههههههههههههههه
نتيجه الانتخابات اثبتت
ان عمر سليمان لو كان نزل
كان هيفوز بدون اعادة
و طبعا دة لنفس الاسباب اللى قولت عليها

اولا يا ابو كنزى احب اشكرك على الموضوع الجميل والمفيد دا

بس انا هاتكلم على حاجه بالنسبه للاقباط اللى قولت معظمهم انتخبوا شفيق

انا معاك

بس مش معظمهم زى ما انتا فاكر

الاقباط كانوا منقسمين نصين

نص هايرشح احمد شفيق والنص التانى حمدين صباحى وعلى فكره انا كنت من النص الثانى

على الرغم من انى ما روحتش الانتخابات اصلا

فيه ناس ممكن تعتبر عدم ذهابى للانتخابات دى سلبيه بس الحقيقه المره ان للاسف انا من الصعيد ومحل اقامتى فى البطاقه القاهره علشان كدا انتخابى كان ف القاهره ومجتش الفرصه انى اسافر

انا كان نفسى اروح علشان انتخب صباحى

ليه ؟؟؟

لانه راجل محترم وباين عليه
مش من الفلول
مش عسكرى يعنى هانجرب الرئاسه المدنيه ونشوف شكلها ايه لاول مره

دا بالاضافه طبعا لان فيه ناس كتير بتقول ان شفيق عبيط ومش هايعرف يحكمنا

بس للاسف الشديد واضح اننا مش ينفع معانا غير الحكم العسكرى والكرباج لان الفوضى والهمجيه والبلطجه اللى انتشرو بعد تنحى الرئيس السابق اثبتوا مما لايدع مجالا للشك ان الاسلوب اللى كان ماشى بيه حبيب العادلى وجهاز الشرطه عموما هو الاسلوب اللى ينفع معانا واننا اتعودنا على اللى يمشينا على العجين مانلخبطوش

بس انا كدا خلاص قررت فى الاعاده بأذن الله هاغير وانتخب شفيق

شفيق مخضرم و تدرج في المستويات الوظيفية
و قد مسؤلية ادارة بلد
مش زي ناس تانية لسة بتتعلم
و ناس تانية عندها نقص و كبت و مصدقت تكوش على كل حاجة
شفيق هيعبر بينا الأزمة
و ده رأيي شخصياً

ممكن يكون كلامك صحيح يا مينا بس برضه للاسف الشديد العقول عندنا متبرمجه على شخص معين ينتخبوه

عارفين المشكله الاساسيه عندنا فى مصر ايه هيا ؟

التعليم

التعليم عندنا فى النازل ومن السيئ للاسوء بالرغم من ان التعليم اساس الفهم الصحيح والادراك والوعى بمن هو احق واجدر وقادر فعلا على قيادة رئاسة الجمهوريه

[ابوكنزى]

بس انا هاتكلم على حاجه بالنسبه للاقباط اللى قولت معظمهم انتخبوا شفيق

انا معاك

بس مش معظمهم زى ما انتا فاكر

مينا انت طبعا عارف انا منين
انا من بولاق ابو العلا
و الاقباط هنا كتير جدا جدا
و انا اكتر من نص زباين المحل اقباط
و كمان الشارع فيه اقباط كتير و على فكرة اخر شارعنا فيه كنيسه
و الكلام اللى قولته مش هجوم على الاقباط
لا طبعا كل واحد بيختار الانسب و الاصلح له
لكنى قولت كل اسباب فوز شفيق بالاصوات من وجهه نظرى المتواضعه

[هشام الرميحي]

أحب اقو لسوزان ان هما هما الخمسه مليون اللي كانوا مستفيدين من ورا جوزك هما هما الحزب الوطني و قرايبه واسر الضباط زي ما قال ابو كنزي اللي انتخبوا شفيق مع شويه عبيد عايشين بينا

احب اقول للاخوان ان عدد الاصوات اللي حصلتم عليها خمسه سته مليون هما دول كل مؤيدينكم من الشعب المصري لانهم كلهم نزلوا

أحب الوم علي كل واحد باع دم شهيد و باع ثوره راح ضحيتها شباب زي الورد

سواء بعدم نزوله الانتخابات أو بتفتيت الاصوات اللي حصل

كل اللي حصل عليه شفيق و مرسي 11 مليون تقريبا من اصل 51 مليون ناخب

زي ما قال الاستا> ياسر اللي نزل فقط 50%

أحب اقول ان مشكلتنا مش في غاز و خبز و سكر و دقيق و ضرب في أقسام شرطه

عندنا مشكله اننا في عايشين في العالم العاشر مش التالت

رئيس مجمع الشعب كله في خمس مساحه مصر علشان يحكم السيطره عليهم

رافض للتطور (مشروع مدينه زويل ...ممر التنميه................و غيره و غيره و غيره

حسبي الله و نعم الوكيل

[ابوكنزى]

احب اقول للاخوان ان عدد الاصوات اللي حصلتم عليها خمسه سته مليون هما دول كل مؤيدينكم من الشعب المصري لانهم كلهم نزلوا

أحب الوم علي كل واحد باع دم شهيد و باع ثوره راح ضحيتها شباب زي الورد

سواء بعدم نزوله الانتخابات أو بتفتيت الاصوات اللي حصل

على فكرة يا اتش
الاخوان و مؤيدين الاخوان اكتر من كدة بكتير
لكن مش موضوعنا
انا عايز اوضح ان الاخوان دوول ناس من الشعب
و الشعب هو اللى قام بالثوره
و محدش ينكر ان الاخوان كانوا من الاركان الاساسيه فى الثورة
مش هما اللى عملو الثورة و لا 6 ابريل و لا اى حد
الكل شارك و عمل الثورة و طالب بالتغيير
يبقى لما جزء من اللى شارك فى الثورة
يفوز بالرئاسه و يفوز بمجلس الشعب
طبعا مش خيانه لدم الشهداء
و لكنه انتصار للثورة
لان لولا الثورة كان زمان لسه الاخوان فى المعتقلات
اما انهم كسبوا و عايزين يكوشوا
دة لانهم ناس منظمه و اكتر تنظيم موجود فى مصر حاليا

[هشام الرميحي]

انا عارف ان كل واحد بيحب مصر بطريقته

لكن اللي حصل خلانا بين ناريين

كنت اتمني يحصل تغير و يكون الرئيس واحد مستقل لا تابع لعسكري ولا جماعه

[foxaaa]

على فكرة يا اتش
الاخوان و مؤيدين الاخوان اكتر من كدة بكتير
لكن مش موضوعنا
انا عايز اوضح ان الاخوان دوول ناس من الشعب
و الشعب هو اللى قام بالثوره
و محدش ينكر ان الاخوان كانوا من الاركان الاساسيه فى الثورة
مش هما اللى عملو الثورة و لا 6 ابريل و لا اى حد
الكل شارك و عمل الثورة و طالب بالتغيير
يبقى لما جزء من اللى شارك فى الثورة
يفوز بالرئاسه و يفوز بمجلس الشعب
طبعا مش خيانه لدم الشهداء
و لكنه انتصار للثورة
لان لولا الثورة كان زمان لسه الاخوان فى المعتقلات
اما انهم كسبوا و عايزين يكوشوا
دة لانهم ناس منظمه و اكتر تنظيم موجود فى مصر حاليا

بس على فكره يا ابو كنزى كتيييييييييييييييييير جدا جدا من الناس وبالاخص من المسلمين مش مأمنين للاخوان مره تانيه بعد اللى حصل فى انتخابات البرلمان

انا بقولك اللى شوفته بعينى وسمعته بنفسى بس الله اعلم بالنيات

انا عن نفسى نفسى حمدين يدخل اعاده مع مرسى وشفيق علشان انتخبه بس لو تقرر ان الاعاده تكون بين شفيق ومرسى فقط هانتخب شفيق طبعا

بس ده مش معناه ان انا خنت دم الشهداء او بعته بالرخيص ولا ان انا علشان قبطى هانتخبه

العمليه عملية ارتياح للشخص اللى انت بتنتخبه دا وانا ارتحت لحمدين صباحى جدا بس للاسف واضح ان صباحى مش هايكون طرف فى الاعاده

[ashraf77160]

انا عارف ان كل واحد بيحب مصر بطريقته

لكن اللي حصل خلانا بين ناريين

كنت اتمني يحصل تغير و يكون الرئيس واحد مستقل لا تابع لعسكري ولا جماعه

عندك حق تماما و ده كان أملي و لكن للاسف و خايف أكون بظلم أحد و صراحة أعتبر نفسي من ضمن المسؤلين عن السبب حالي و حال ناس تانيه يخلينا منستهلش أكتر من كده حاليا و ممكن طبعا باذن الله لما نتغير بجد و يكون الغالب علينا الصلاح نكون ساعتها أهل لرئيس كما نتمني جميعا و أدينا شوفنا الي حصل للاستاذ حازم لانه لم يكن تابع لجماعه أو حزب أو عسكري

[ابوكنزى]

بس على فكره يا ابو كنزى كتيييييييييييييييييير جدا جدا من الناس وبالاخص من المسلمين مش مأمنين للاخوان مره تانيه بعد اللى حصل فى انتخابات البرلمان

انا بقولك اللى شوفته بعينى وسمعته بنفسى بس الله اعلم بالنيات

طيب ممكن تقولى يا مينا
انت كمواطن تطلب ايه من عضو مجلس الشعب ؟؟