انا نفسى الدنيا كلها تشوف الفيديو دا علشان تعرفو ايه الى حصل فى مصر وايه الى هيحصل

[mohamed183]

الفيديو هنا بيعبر عن الى حصل فى مصر بصوره فنيه وكمان القادم ياريت كل الناس تشوفو ويحطو رأيهم
http://www.youtube.com/watch?feature...&v=HV4jONCnpRA

[mansour]

عندك حق والتحدي لازم يحصل عشان البلد حالها ينصلح ربنا يصلح احولنا جميعا

[jevara8451]

جامد والله يا محمد اللى عمل الفديو ده برنس فعلا

[ahmedhessin2]

عندك حق والتحدي لازم يحصل عشان البلد حالها ينصلح

[Salah Sharaf]

يا عزيزى كلنا لصوص فلماذا نعتب على العسكرى فقط !!

تغيرت مصر بعد ثوره الخامس والعشرين من يناير واحسب ان الذين قاموا بالثوره لم يحسبوا الحسبه جيدا ولم ينتبهوا انهم فى النهايه يقدمونها هديه الى آخرين على طبق من دهب !!!

مصر اتغيرت نعم لكن لاين ؟ بدايه فلنقل ان الانتخابات الحاليه والتى ستسفر بلاجدال عن فوز الاخوان والسلفيون بالاغلبيه المطلقه ومن ثم تولى الحكم فى بلاد المحروسه والتحول من الدوله المدنيه الى الدوله الدينيه

الناس هتقولك وماله ؟ للافضل طبعا هوه فيه احسن من شرع ربنا ؟! ادينا ذقنا شرع مبارك واللى قبله مشفناش خير خلينا نشتغل بالدين ونشوف هنروح على فين

طيب انا بالنسبه لى موافق مفيش اى مشكله لانى راجل وصلت لمرحله الشيخوخه واكبر احلامى هو رضاء ربى عليه واعمل لاخرتى ضعف مابعمل لدنياى لكن المشكله فى الشباب لاسيما الثوريين اللى عنده احلام وامال الثوره ثوره 25 يناير هيحصل معاهم ايه هل ممكن انهم ينزلوا التحرير بعد كده ويطالبوا بسقوط النظام اذا مافشل فى تحقيق احلامهم وامالهم ؟

الاجابه لالالالا مش ممكن لان هناك فرق بين نظام مبارك المدنى والذى طالبنا بسقوطه وبين النظام الجديد الذى يلبس عباءه الدين فلا تستطيع ان تذهب الى الميدان لتنادى بسقوطه لانك سوف ترتكب جريمه الخروج عن الدين وطبعا ستصبح كافرا ...!! اذ انك تنادى بسثقوط دوله الدين اى سقوط الاسلام !!! وبالتالى فأنت تحارب الاسلام وتستحق عقوبه القتل او النفى من الارض اذا لم تتب وتعود الى الجماعه !!!
شفت انت رايح على فين ؟ طيب ليه يا استاذ انت متشائم ليه متقولشى ان النظام الجديد سوف يثمر نظام ليس فيه رشوه ولامحسوبيه ولا سرقه ولانهب لاموال البلد .... الاجابه ببساطه لايوجد على مر التاريخ ان جاء من انهى على الرشوه والمحسوبيه والسرقه والنهب الا فى حالات معدوده ولظروف نادره الحدوث ولكن على العموم التاريخى توجد كل تلك الجرائم ويوجد الفشل القيادى فى الاداره الذى يستتبعه ضروره الاصلاح والمناداه بالاصلاح فهل سيسمح لك النظام الجديد بهذا ..... بالطبع لالالالالالالالالالا
انا لست راغبا فى بث التشائم بين الناس ولكننى انبه الى ضروره ان نأخذ فى الاعتبار ابعاد السياسه القادمه وان نستوعب ماهو قادم وان نعمل على تحجيم الديكتاتوريه القادمه بشكل جديد لم نألفه من قبل وقد تكون ديكتاتوريه اصعب فى مقاومتها من سابقتها لانها ترتدى درع الدين وتحتمى فيه !!!
لهذا اوجه خطابى الى ثوار التحرير يمكنكم الان ان تخرجوا كل مالديكم من كبت ثورى قبل ان يحتل عرش مصر القادمون من الخلف للامام ليقودوا البلاد ولن يسمحوا لكم بان تنزلوا الميدان مره آخرى لاى سبب

ايها الثوار ودعوا ميدان التحرير واكتبوا اساميكم على ترابه مسبقه بلفظ ثورى قبل ان يتغير اللقب الى لفظ خارج مفرد خوارج !!
ايها الخوارج لن يسمح لكم بالخروج عن طاعه الحاكم وعن حكم الجماعه فما يسمى بالديمقراطيه هى رجس من عمل الشيطان يستوجب اجتنابه وفقا لرأى فقيه الامه الشيخ البحبحانى !!!
اللهم انى لا اسألك رد القضاء ولكنى اسألك اللطف فيه

[محمد السيد.]

الفيديو جاااااااامد
فعلا
ويستاهل احلى تحيه اللى عمله

شكرا استاذ محمد

[.:MiNa:.]

عندك حق ولله

[AhMEd TOhAMY]

جامد جدا يابوب
فعلا مؤثر جدا

[saleh84eg]

والله غريب الفيديو
الواحد احتار بين الديموقراطيه وترجعوا تقولوا الاختلاف يؤدي للهلاك
حرية الرأي وبعدها يقال أن ليه يمنعوا حاجات معينه مش احنا في عصر الديموقراطيه
في تناقدات كتير يا جماعه
ولازم الاسلاميين ينتبهوا أن في ناس بتحقد على الاسلام وبتسيء ليه عن طريقكم
حافظوا على الوحده ففي الفرقة ضعف ومهانه
علينا بلاصلاح في انفسنا اولا ولا تلقوا بكل التهم على اي انسان اخر
فنحن مذنبون جميعا
ولو
كل واحد فينا حاسب نفسه هيعرف انه محتاج تغيير جذري
أتمنى عدم التخوين لاحد واذا اردنا ان نلوم الاسلاميين فلنلوم اشخاص بعينهم على فعلا معين وليس على اسلامهم