تذكرتى
طعم البعاد صبار
والغربة ليل بهتان
ياقلبى يا موجوع
اياك تكون قلقان
لو طالت المسافات
انا والأمل اخوات
وتالتنا كان الليل
دانا ليا فيها النيل
وليها فيا الروح
ما اخترتش انى اروح
مانا جوعى كان كفران
ملعون ابوك يا طموح
اخرك تشوفلى كفيل
لكنى مش قلقان
تذكرتى رايح جى
انا مش فى بلدى عويل
لكنى مش بتشاف
زهرة سنينى عجاف
مع انى ليا عزيز
إفتونى فى رؤياى
لمو الامانى ازاى
حطوها ع الباسبور
احلامى صبحت بور
ممنوع عليها الضى
لكنى مش قلقان
تذكرتى رايح جى
البعد عنك خوف
وانا ع الرجوع ملهوف
لكن هعود ازاى
ومكانى كله ضيوف
ياقلبى يا موجوع
يا آهه حاضنة دموع
حب البلد بيعيش
لما يموت الجوع
ياحضن بيساعنى
واحتجت له باعنى
ساعة ما مد ايديه
شاور وودعنى
لكنى مش قلقان
تذكرتى رايح جى
اغنية (للمتألق ) حمزة نمرة
رد مع اقتباس
.gif)
المفضلات