.gif)
حد عرف الست دى!!!!!!!!
مر مجموعة من الناس بامرأة تغرق في البحر
اشترط شاب من6إبريل موافقة 130ائتلاف من ائتلافات شباب الثورة على الأقل قبل إنقاذها
ونصحها الليبرالى أن تخلع كل هدومها عشان تبقى خفيفة وتقب علي وش الميه
وطالب أحد ثوار التحرير بعمل مليونية الجمعة المقبل باسم"جمعة إنقاذ الفتاه التي تغرق"
فيما أكد كل من في العباسية أنها لو ماتت تبقى غريقة مش شهيدة و تسألوها هي إيه إللي نزلها المية أصلاً بلا قلة ادب؟؟
وأكد تامر بتاع غمرة إن سمعها بتنادي بانجلش لانجويدج عشان حد ينقذها
وقال عمرو مصطفى ان هذه الفتاه فوتوشوب اصلا
وبكى الجنزورى وهو يعتذر لأن أبو العربى لسه مابعتش العوامة
وقالت نواره نجم وأسماء محفوظ أن المجلس العسكري هو من قام بإغراق السيدة وهو المسئول عن إنقاذها
وقال مرتضى منصور أنه يمتلك سي دي لهذه السيدة المنحلة وأنها على علاقة
بممدوح عباس وأحمد شوبير
وأكد توفيق عكاشة أن نزولها للبحر هو أحد طقوس الماسونية العالمية وطالب من زملائه البط التواجد فى العباسية للتصدي للمؤامرة المدبرة من هذه السيدة
وأكد وزير الداخلية إن احنا معندناش بحر أصلاً
أماالمجلس العسكرى فشكل لجنة تقصى حقائق لمعرفة الطرف الثالث إللي زقها فى الميه
اما مبارك واعوانه أأعدين يضحكوا ويقولولها خليكى مش احنا كنا حطينك ف القاع وقفلين عليكى ايه اللى طلعك على وش البحر ايه عايزة تاخدى نفسك اشربى بقى
عرفتوا اسم الست دي إيه
. الست دي هي مصر
رد مع اقتباس
المفضلات