طبعاالاسئلة كلها مشروعة
و كل اجابتها تضعف موقف الجيش
او بمعنى اصح المجلس العسكرى
بس مش معنى كدة ان الجيش هو بس الى غلط
و ان الباقى كلة ملائكة
على فكرة انا ساعات بسال نفسى
هو انا لية مؤيد للمجلس العسكرى
لانى من وجهة نظرى مش لاقى بديل
مش لاقى ناس بتحب مصر عشان مصر
مش قادر اضع ثقتى فى البرادعى مثلا
و لا حتى عمرو موسى
و كمان 6 ابريل
و كمان فى حاجة اسمها قانون و ثغرات
و فى محامين كتير زى الديب كدة
مينفعش فى يوم و ليلة نحكم على مبارك
او موقعة الجمل او و او
حتى محمد الشناوى نفسة
ممكن ييجى محامى يقول الصوت متركب على الفيديو
و الظابط كان بيضرب فى الرجل او فى الهواء

يعنى هو صحيح المجلس العسكرى مش ملاك
لكن فى نفس الوقت مش هو المسئول الوحيد
فى كل ما يحدث
الشعب المصرى هو ايضا مسئول
الشعب المصرى الى انا واحد منة
هو الى خلانى افكر و اقول ان الجيش لازم يكون موجود
الشعب الى مرة واحدة بقة بيتعامل بالسلاح
و السلاح الحى
و كمية العنف الغريبة و الكبيرة الموجودة فى الشارع
عدم احساسنا بالامن المسئول عنة المواطن
مش الفلول زى ما عمالين نقول
لان خلاص مفيش كبير
و بقولها تانى مش معنى انى مع المجلس العسكرى
ان المجلس صح
لكنى شايف ان مفيش حد تانى صح
على فكرة ممكن اى حد فينا مثلا
يطرح حلول او شخصيات تقود المرحلة القادمة
و هنلاقى ان الحلول او الشخصيات دية
ناس كتير هاجمتها و اعترضت عليها
و كلمة اخيرة يا شباب
اعتقد ان الامور كانت هتتغير كتير اوى
لو كان التقدم فى الانتخابات
للكتلة المصرية و المصريين الاحرار
لكن التقدم للحرية و العدالة
و حزب النور
اتقد انة مش عاجب ناس كتير
و ناس كتير مش قابلة دة