انا معاك يا اخ عماد وانا ضد الاعتصام اصلا وخصوصا ان فيه انتخابات شغاله وفيه اعضاء مجلس شعب هينوب عننا وانا معاك ان فيه مندسين وبلطجية وسط المعتصمين

لكن المشكله ان الامن والمخابرات عارفه مين البلطجية ومين المندسين وسايبين البلد تولع وللاسف معظم من قتلو فى كليات عليا كطب وهندسة وليسو بلطجية

طب فيه كاميرات مراقبه وفيه امن سرى وفيه افراد مخابرات ليه مفيش اعتقال لاى حد بلطجى واعدامه حتى فى ميدان عام علشان الكل يتعظ

يعنى مثلا عاجبك المناظر اللى بنشوفها من افعال جنود القوات المسلحه
اذا كان المعتصمين خرجوا على القانون فلا يجب من يطبق القانون ان يخرج عليه ويجب عليه القبض عليهم ويحاكمهم محاكمه عاجلة وسريعه

كلنا سمعنا تصريحات افراد المجلس العسكرى عن مندسين وعن اجندات خارجية وعن تمويل اجنبى لحركة 6 ابريل ,,,, طب فين الدليل ولا هى تصريحات وخلاص طب لو فيه دليل ليه لم يحاكمو هذه الحركة ولا هى تصريحات استهلاكيه وخلاص
طب لما فيه مندسين ليه لم يعتقلهم

والف سؤال وسؤال ومش عارفين اللى جاى هيكون شكله ايه

ربنا يستر