بسم الله الرحمن الرحيم

المجلس العسكري هو رئيس مصر

لا ....

هو الرئيس الذي لا يمكن ان ينقلب عليه الجيش هو من بيده القوه والاوامر المطاعه هو من لديه الغلبه

طيب الجيش قدر يأمن الانتخابات على أكمل وجه بطريقه عجيبه

ايقنت في وقتها ان الجيش يقدر يعمل اي حاجه وفي اي وقت وخصوصا ان الجميع كانت توقعاتهم بمجزره في الانتخابات

طيب المعتصمين اعتبر ان فيهم اجندات وناس شغاله للخارج وفيهم ناس مش عارف قاعده ليه وفي بنات مش عارف مالهاش اهل اللي بقالها 15 يوم بره البيت مش عارف دي تربيتها ازاي

كلام جميل ميقدرش الجيش كان حل مشكله المعتصمين بدون المهذله دي

انا عارف ان نتيجه الانتخابات مش عاجبه ناس كتير وعايزين يخربوها بس فين حامي الوطن

طيب ليه افعال العساكر اللي فعلا تحزن وما تلاقي لها مبرر
واحنا كلنا عارفين ان العسكري مش بيتحرك غير بأمر يعني اللي واقف وبيتبول على الناس ازااااي دي تحصل

طيب لو المعتصمين ولاد ستين في سابعين اعتقلهم يا أما تتناقش معاهم يا أما تشوف لك حل قانوني مش انت رئيس البلاد

يعني القانون بيقول ان حق الاعتصام مكفول اوك طيب ولما تقفل المدخل الرئيسي لمجلس الوزراء يبقى يتعمل فيك ايه

يا جماعه والله الجيش قادر على عمل النهايه المحترمه نفسي اعرف مش عايز ينهيها بالطريه الصح ليه
ولا الامور خارج السيطره ودا احساسي !!!

بس ارجع واقول لا بدليل قوات الصاعقه اللي نزلت الانتخابات وخلتها ماشيه على الصراط المستقيم

سامحوني على الاطاله ولكني احترت والله مش عارف ليه بيحصل ده

انا اقول يارب فأن لنا اله عظيم قادر على حمايتنا ممن يتلاعبوا بشعب مصر سواء من الجيش أو من المعتصمين الله يهديهم جميعا ويفهموا ان الموضوع أكبر من المهازل اللي بيعملوها