.gif)
...::-::... ♥أحلام وردية♥ ...::-::...
بندعى ربنا من قلبنا
نلاقى حد من قلبو يحبنا
ماشين فى الدنيــــــــــا
شايلين همومنا لوحدنا
مش لاقين حد
يشيل معانا همنا
بنحلم بانسان
نعيش معاه عمرنا
نمسح دمعة عنيه
وفى وقت حزننا
يجى يطبب علينا
ويحس بجرحنا
ساعة ما يكون تعبان
يرتاح فى حضننا
وان كان فى يوم محتار
يجي ياخد رأينا
ونشاركو فى افراحو
ونسعده بأننا
فرحانين لفرحو وكأنه فرحنا
نسأل عليه لو غاب
ويمر وقتنا
بنفكر ايه جرالو
ونسأل نفسنا
ازاى نطمن على حالو
ويحتار عقلنا
وبعد ما يفوت غيابه
و نلاقيه جمبنا
نسأل ونزيد فى عتابه
ايه كان شاغلك عننا
ويفضل يقول أعذار
ونسامحو من قلبنا
يكون هو المرايا
نشوف فيه نفسنا
ونبقا اتنين فى واحد
جمعنا ربنا
نعيش مع بعض حياتنا
ولأخر عمرنا
نفضل شاكرين الله
اننا مع بعضنا
فى ناس بتيجى تحكلنا
عن حاجات بتشدنا
بيوصفو أحاسيس
عمرها ما عدت عندنا
بيحكو لينا مواقف
عمرها ما جرت لنا
وبعد ما يسبونا ونبقا لوحدنا
قلوبنا تفضل تبكى
وتشكى غلبنا
ونفضل نحلم بيوم
يقرب حد مننا
الحب مدفون جوانا
ونصيبنا و بختنا
يفضل الطير مستنى
نفتحله عشنا
الحب جوانا طير
بانى عش فى قلبنا
مستنى طير يستاهلو
وفى ملكوت ربنا
يطيرو مع بعض ويرسو
على شجر أرضنا
وطول الوقت بنحلم
وبندعى ربنا
يقرب لينا البعيد
ويتحقق حلمنا
رد مع اقتباس
المفضلات