توحيد اسعار السوفت بدون مبالغه

[ayman soft]

انا شايف ان الكلام ده زى الفل وعشرة على عشرة بس مش هايتنفز ليه؟
ان اكيد اكيد فى ناس مش هاتشو ف الموضوع ده وينتج عنه ان كل شىء
زى ماهو والسعر زى ماهو وخلى بالك من نقطة ان فى اوقات بيبقى فيه السوء نايم
وممكن الزبون يعدى على اى حد هايقوله الحاجة دى بكام هايقوله ب50 هيرد عليه
مش هاينفع هايقوله انت عايز تعمله بكام هايقوله مثلا 30 ومصمم على 30 فيقوله
ماشى هاعملهوك....بس عشان السوق مريح ..........يعنى اصدى ان موضوع المعادلة
الحضرتك بتقول عليه مش هاتت حقق م100%100 ان لو فى خمسين محل بتوع سوفت وير
فيهم المعادلة الحضرتك بتقول عليها اكيد اكيد الزبون هايعدى عليهم كلهم هايلاقى واحد هايقوله 30 فهيقوله اعمله بكدة ان 49 محل خده صابونة...............ومعلش ده راى وياريت الاقى حل زى حضرتك

[hoho]

كل واحد ورزقة سيبها للة

[ahmedqandeel]

كل واحد ورزقة سيبها للة

ياخى ماشى ونعم بالله بس نتفق على حد ادنى

[ahmedqandeel]

ماشى ايه رايكم لو كل واحد بقدر الامكان نشر الموضوع على النت وعلى الفيس بوك
وبعدان نهىء الزباين والمحلات ان السوفت هايغلى ابتاء من الشهر القادم وفى خلاال الشهر ده نروج للفكره بشكل واسع وكل واحد فينا حتى على نطاق منطقته يروج للموضوع حتى لو هايطبع الصوره ويوزعها على زملاءه فنين السوفت وما اظنش انه فى حد مننا هايكره المكسب
بس الفكره انه اللى وصلنا لكده اننا ما كان عندنا مشروع اسعار كان الموضوع بيختلف من شخص للتانى وعلشان كده عمالين ننزل ننزل ننزل لحد ما بقينا فى الحضيض

[Mahmoud fosh]

كلامك مظبوط ميه في المية

[GARELAMAR]

كلام ممتاز وانا معاكم انا زهقت وخلاص جبت أخرى وفى ناس بتزعل منى كتير بسبب الموضوع دة وحاسس انى لو اعدت فى البيت هيرتاحوا الفصاااااااااال ؟ الفصاااااااااال . الفصااااااال مشكلة الشعب المصرى عموما..مدمن فصااال
ونا مع اخى فى هذا الكلام
لازم يبقى فى شئ من المصداقيه فى العمل وان يكون فى صدق بيننا مش نبقى لعبه فى ايدى الزباين وانا بأيدكم ومعاكم

[ahmedqandeel]

الرجاء ياجماعه نساعد بعض على نشر الموضوع وخصوصا على النت لانى تقريبا مفيش فنى صيانه سوفت الا وبيدخل على المنتديات والنت

[ahmedqandeel]

نقول ده الجدول النهائى ولا ايه رايكم

[basem the ghost]

نقول ده الجدول النهائى ولا ايه رايكم

ازاى تكلفة سيم لوك sl3 ب 180 و سعر ال rpl جديد تكلفته فى حدود 260 جنية

[GARELAMAR]

انا هكتب اللى بعملة عندى فى منطقة شارع فيصل
قائمة بالاسعار تقريبا :
نوكيا عادى رمز 5جنية
نوكيا عادى سوفت كامل 10 جنية
نوكيا 5130 وهكذا رمز 10 جنية
نوكيا 3110 وهكذا سوفت كامل 15 جنية
الاجهزة النوكيا الحديثة العوالى من 20 -40 جنية
------------------------
الاجهزة الصينى عموما 15 جنية
------------------------
السامسونج قديم 10 جنية
السامسونج شبة الحديث 25 جنية
السامسونج الحديث جداا من 50 الى 80 جنية
------------------------
السونى اركسون العادى 20 جنية
السونى اركسون المتوسط 25 -30 جنية
السونى اركسون الحديث من 40 -80 جنية
--------------------------
البلاك بيرى رمز حماية 25 جنية
البلاك بيرى سوفت كامل من 40 -80 جنية

وشكرااا تحياتى لكم