جهاز محمول من نوع Sony Ericsson T 700 كان شغال زي الفل والحمد لله وكان بيقع مني كتير (بصراحة) عادي جدا والمرة دي وقع منطقش
حاولت أشغله أكتر من مرة كل مرة بيحاول يقوم ويظهر اللوجو بتاع السوني إريكسون وبعدين يفصل ويحاول يقوم تاني بس مافيش حاجة تظهر وتفضل الشاشة سوداء ( أو بلون كحلي أظن : يعني واصلها باور)
المهم مشكلتي مش في الجهاز وتصليحه أهم حاجة عندي أخد الأرقام والرسائل اللي عليه بأي ثمن لأن معنديش باك أب ليها و هي مهمة جدا جدا جدا بالنسبة ليا .
رحت شارع العطار وعبد العزيز ولا واحد عرف يصلحه وكله بيقوللي لازم نحطله سوفت وير ومعنى كده إن كل ال DATA هتطير من عليه .
واحد فكه وقاللي كل حاجة فيه سليمة بس محتاج سوفت
والتاني قاللي ال IC soft بايظة
والثالث قاللي نحط سوفت ونجرب
وهلم جرا ..... أنا مش عارف بجد أعمل إيه أروح للتوكيل ولا إيه ؟؟؟
أنا معرفش في الموبايلات حاجة بصراحة
أفيدوني أكرمكم الله وأأسف للإطالة........