خطاب المشير اليوم 22/11/2010

**Raul** · 22-11-2011, 08:27 PM

السلام عليكم ورحمة الله وبركاتة

خطاب المشير طنطاوى الأخير

اخبط راسك فى الحيط ياشعب
هى هى نفس السياسه الو.....ه
حسبى الله ونعم الوكيل فى كل من يدمر هذا البلد
حسبى الله ونعم الوكيل فى الظالمين
حسبى الله ونعم الوكيل

**Mohamed ashour** · 22-11-2011, 08:34 PM

وايه الجديد
انا شوفته قبل كده
مع اختلاف الشخص

حسبي الله ونعم الوكيل

**Raul** · 22-11-2011, 08:35 PM

المشاركة الأصلية كتبت بواسطة محمد سرحان

وايه الجديد
انا شوفته قبل كده
مع اختلاف الشخص

الجديد انك لازم تخبط راسك فى الحيط
مره تانيه

**Mohamed ashour** · 22-11-2011, 08:36 PM

المشاركة الأصلية كتبت بواسطة Raul

الجديد انك لازم تخبط راسك فى الحيط
مره تانيه

الناس دي مش فاهمة
ان احنا من كتر ماخبطنا دماغنا
في الحيط (الحيط هو اللي هايتكلم بعد كده)

**ابوكنزى** · 22-11-2011, 10:16 PM

مع كامل احترامى للجميع
الراجل مينفعش يعمل غير كدة فى الوقت الحالى
الراجل قال الانتخابات فى ميعادها
اقالة الحكومة
و لو عايزين حاجة تانى
نعمل استفتاء شعبى
اية الى المفروض يقولو تانى
طبعا انا ضد التصرفات الهمجية ضد المتظاهرين
لكنى شايف انهم اغبياء بتواجدهم فى شارع محمود محمود المؤدى الى وزارة الدخلية
يعنى الناس دية بتقول للحكومة اضربى
و انا مش مقتنع بالكلام الى بيقول
ان الناس دية واقفة بتعمل حائط صد
عشان تحمى الناس الى فى التحرير
من الذكاء انى اغلط الناس الغلط الى هما الحكومة و الدخلية
لكن كدة الناس بتدى الفرصة
محدش يفهم كلامى غلط
الله يرحم شهدائنا
انا مش عايز حد يفهم كلامى غلط
لكن مش كل حاجة هتتاخد بالعافية
لازم الناس تعرف ان العنف يولد العنف
لازم ناخد حقنا بالسياسة
لان فى الاخر احنا شعب واحد
وطن واحد
مش عايزين ييجي يوم
الى الشعب و الجيش
يضربو فى بعض
و نرجع نندم

**&& اشكوزا &&** · 22-11-2011, 11:40 PM

تفتكروا كان ممكن يقول ايه غير كدة
احنا وصلنا لمرحلة ان محدش بيسمع

**SNIPER EGYPT** · 22-11-2011, 11:45 PM

اللى قدامه تليفزيون
يفتح قناه cbc +2
وللتوضيح ده الشعب المصرى مع الداخليه
لحسن حد يفتكر ان التصوير لاحداث فى غزه

حسبى الله ونعم الوكيل فى كل ظالم

**ELMASRY.7000** · 23-11-2011, 12:30 AM

خرج علينا مبارك يوم 1 فبراير ... بخطاب أدى الى انقسام الناس بين :
... يا جماعة سيبوه لسبتمبر و كفاية كدة تمام قوي
... ( رغم وقوع مئات الشهداء فى 28 يناير )

و بين :
لو سبنا مبارك يحكمنا و لو يوم واحد هنشوف أيام اسود من قرن الخروب !

و جاءت موقعة الجمل كي تحسم القرار و توحد الصف

و اليوم خرج علينا خطاب المشير قسم الناس الى :
... يا جماعة سيبوه ليونيو و كفاية كدة تمام قوي
... ( رغم وقوع شهداء فى 19 , 20 , 21 , 22 نوفمبر )

و بين :
لو سبناه يحكمنا - بعد كل اللي حصل ده و لو يوم واحد .. الثورة هتموت !

هل نتنظر موقعة الجمل 2 بشكل أكثر اختلافا ؟

تعريف الغباء :
هو ارتكاب نفس الفعل مرتين بذات الطريقة و انتظار نتيجة مختلفة !

**mr.control** · 23-11-2011, 12:35 AM

انا ضد حكم المشير والعسكر ..........................لكن لحظة تفكر اذا مشى الجيش دلوقتى تفتكروا حال البلد هيكون عامل ازاى ومين يقدر يكون قد المسئوليه دى دلوقتى اهم حاجه انه اكد على الانتخابات فى ميعادها وهيسلم السلطه امتى؟؟؟؟؟؟؟؟؟؟لان دى هى الطريقه الوحيده حاليا للخروج ببلدنا المستهدف من جميع دول العالم الان