ياجماعه حد يفهمنى !!!!!!

**محمد السيد.** · 22-11-2011, 11:09 AM

والله العظيم انا مبقتش فاهم حاجه

عايز حد يفهمنى
الناس اللى فى التحرير دى ايه؟

ناس بتحب مصر ؟
ولا
ناس عايزه البلد تخرب؟

ولا هما مين بالظبط
لان خلاص مخى فاضل تكه وهيطير
ناس تطلع فى التليفزيون ويقولو
ان دول شباب فاضى ومش عايز البلد تمشى
ومعاهم اجندات اجنبيه!!

وناس تقول ان الشباب دول خايفين على البلد
وعايزينها تبقى مدنيه
وممعاهمش اجندات خالص

ان بس عاوز افهم ادعى عليهم ولا ادعى لهم
لان بجد والله حالنا واقف
وشايفين البلد بتغرق والكل واقف يتفرج

مفيش دكر ابن راجل تتدخل
لانقاذها من الغرق وانقاذنا معاها

وحتى المسئولين سايبينها تخبط فى بعضها
ومحدش عايز يتحرك

وفى النهايه

حسبى الله ونعم الوكيل
فى كل واحد يتسبب فى خراب البلد

**abkareino** · 22-11-2011, 01:01 PM

للاسف نفس السؤال الى عندى ومش لقى لية اجابة واضحة

وكل واحد لية نظرة غير التانى

هو فعلا انا الى عوز افهم حاجة واحدة

اى كانت الناس دى اية بقا

صح ولا غلط

خير ولا شر

احنا رايحين على فين
؟

**sasa_sasa** · 22-11-2011, 01:21 PM

يا ريت اللى بيسال يكون مش مصرى لانه لو مصرى يكون ميعرفش حاجه عن البلد ولا بيحاول يعرف ايه اللى ما شى فيها غير لما تحصل مصيبه كبيرة زى دى فياريت يفضل مش عارف احسن

واختصار لاى كلام دى انجازات المجلس العسكرى من يوم قيام الثورة

حدث أثناء فترة حُكم المجلس العسكري | تدمير كافة أشرطة تسجيلات قيادات الداخلية المتعلقة بإدارة الأحداث خلال الثورة.. تدمير كافة أشرطة كاميرات المتحف المصري التي رصدت الجرائم وعمليات القتل وموقعة الجمل داخل ميدان التحرير.. هتك عرض مصريات بكشوف عذرية ضد الإنسانية.. إعادة تغذية النظام القديم في أمن الدولة وماسبيرو والداخلية.. محاكمات عسكرية للثوار.. رفع الأسعار.. تراخي الأمن تجاه كل الأعمال الإجرامية وتشديد القبضة فقط على المتظاهرين السلميين.. إعلان تسليم السلطة خلال 6 شهور ثم مدها لأجل غير مسمى.. عدم إتخاذ أى إجراء يكفل الكشف عن الحسابات الحقيقية لقادة النظام القديم في الخارج.. تضييع حقوق مصابي الثورة وشهدائها.. والكثير كان آخره، إستخدام غازات غريبة لتفريق ثوار التحرير والتنكيل بجثامين الشهداء وإلقاءها فى الزباله

**محمد السيد.** · 22-11-2011, 07:25 PM

يادرش بالراحه علينا

احنا كل الحكايه مش عارفين

نقف مع مين ضد مين

المجلس العسكرى والشرطه ضد الجيش والشعب

ولا ايه ؟
ولا نعمل ايه زهقنا من كتر الكلام اللى موجود فى الفضائيات

ناس تقول لنا انهم مجموعه من المخربين
وناس بتقول انهم معاهم حق

وكمان ياباشا انا مش جنب الاحداث قوى

ان بعيد جدا عن القاهره

يعني بتابع الاخبار من خلال وسائل الاعلام
يعني اعذرنا

**sasa_sasa** · 22-11-2011, 08:37 PM

المشاركة الأصلية كتبت بواسطة محمد السيد@

يادرش بالراحه علينا

احنا كل الحكايه مش عارفين

نقف مع مين ضد مين

المجلس العسكرى والشرطه ضد الجيش والشعب

ولا ايه ؟
ولا نعمل ايه زهقنا من كتر الكلام اللى موجود فى الفضائيات

ناس تقول لنا انهم مجموعه من المخربين
وناس بتقول انهم معاهم حق

وكمان ياباشا انا مش جنب الاحداث قوى

ان بعيد جدا عن القاهره

يعني بتابع الاخبار من خلال وسائل الاعلام
يعني اعذرنا

والله العظيم يا محمد انا برة مصر خالص لكن متابع كل حدث وكل همسه بتحصل فى مصر من اسوان الى السلوم ومن كل المواقع والقنوات لاصل للحقيقه ولا اسمع لطرف دون الاخر ويجب علينا ان نشاهد ونحلل حتى نعرف نختار من يمثلنا على الاقل

**Mohamed ashour** · 22-11-2011, 08:40 PM

بعد اذن الجماعة
اللي عارف يقول
لان انا زيك بالظبط
ماتبخلوش علينا بالمعلومة
ربنا يستر

**السخاوى** · 22-11-2011, 09:29 PM

الناس دى هاتفضل فى الميدان

والمسؤلين ولا فى الدماغ

لحد أخر جنيه فى جيب كل مواطن وبعدين شوف المطحنه هاتبقى عامله أزاى

أحنا خلاص بدأنا نقول جاااااااااااااااااااااااااااااااى