دق جرس الكنيسة وسمعت صوت الأذان

[هشام الرميحي]

دق جرس الكنيسة وسمعت صوت الأذان
ما هى هى دى بلدى حرية للأديان
حسيت بفرحة بكيانى حسيت بمعنى الأمان
ما هو فى السلام والأمان ما تفرق الأديان
ولكل دين قيمته والرك ع الإنسان
كتابه كان إنجيل ولا الكتاب قرآن
مفيش كتاب منهم للعنف كان عنوان
................
واقفين لبعض ليه ع الواحدة نتخاصم
وكل واحد عامل قاضى وبيحاكم
وإشاعة بينا غلط نغضب ونتشاتم
تقيد مابينا النار والشر نتقاسم
مع إننا فى الأصل لينا الله واحد
هو اللى بيحاسب هو اللى بيحاكم
................
ياريتنا بقى نعقل نبقى جسد واحد
لكل واحد دين بس الوطن واحد
ونفوق شوية بقى دا عدونا واحد

[السخاوى]

تسلم ايدك يا أتش الله ينور عليك

[ابوكنزى]

الله عليك يا فنان

[hatim taha]

الله ينور عليك
وربنا مع شعب مصر لتجاوز الازمة والوصول لبر الامان

[Raul]

ياريتنا بقى نعقل نبقى جسد واحد
لكل واحد دين بس الوطن واحد
ونفوق شوية بقى دا عدونا واحد

احسنت انتقاء يا اتش

[Mohamed ashour]

الله عليك ياصاحبي
انتقاء مميز كالعاده ياغالي

[&& اشكوزا &&]

انا شكرت كل من في الموضوع من اعجابي بالقصيدة