العمرعدى والا لسة باقى شوية
قدرت انسى ؟! لا مفيش حاجة منسية ..كل الدنيا ولاتسوى من غير نظرة حنية من عيون أمك أو أبوك أو أخوك.. ايد تاخد بايديك وتصلوا المغربية ..كلنا قلب واحد فى الشدة ..خايفين على بعضنا من اى ايدى خفية
تعبنا يابلدى بجد ..والقسوة علينا من كل اتجاه.. ولانرفع راية التسليم مهما كانت فى امور مستخبية ..احساس بالحياة أقوى وأعمق ودمع خارج من عنيا ..أبكى لكن مانكسرش ..عشان ناوية ومجددة النية ..أعيش فى سلام مهما زادت الهموم عليا ..وجراح القلوب ..والدهر محنى ..من الشيلة التقيلة عليا ..حسيت بغربة يابلدى كانك يامصر غريبة عليا ..كانى معيشتش فيكى ولحظة يأس شدانى لتحت ..وشىء من الامل يرفعنى شوية ..فى غربة لكن حنين الزكريات يرجعنى ليكى وخايفة لكن متطمنة عشان أنا مصرية .. ورحمة الغاليين عليا ..هادافع عن حقى وحقك عليا ..زعلتك شوية ..لكن والله باحبك ..انتى فى قلبى ياأمى وخايفة تضيعى من ايديا..باقولها الحياة صعبة لكن الهمة قوية ..وعشان خاطر عيونك هاستحمل كمان شوية ..بس اوعدينى تعدى بيا الازمة ..دااحنا مالناش الا بعض ..وربى عالم باللى بيا ..
المفضلات