تعالو نشوف واحد خرج مع حبيبتو ايه اللى حاصل

**.:MiNa:.** · 18-08-2008, 12:29 AM

عمال افكر نروج فين فى الاخر روحنا كافيه,,,,,,,,,,

قاعدين في الكافيه
قاعدين على ترابيزة مدورة وهي قدامي
قولتلها أديني جايبك حتت نضيفة اهه ماروحتيهاش قبل كده
طلبنا برتقان و موكاهازلنت.. وبكلمها يا عم وعمّال اقولها الكلام الكبير بتاع المشاعر
و هي غاية في الغباء
عمال المّح لها و اقولها انا بتصل بيكي كتير وبكلمك كتير.. و بسأل عليكي
لكن مش معنى كده اني مهتم بيكي
انا بعمل كده مع الناس كلها.. علشان انا مهتم بالانسان مش بيكي انتي بس
علشان تفهم اني اجتماعي
و هي آخر غباء
اقولها انها تخنت والمفروض تقلل من البيبسي وتبطل أكل شوية بالطفاسة اللي هي فيها دي علشان تفهم اني مهتم بيها وبرشاقتها و خايف عليها من كتر الاكل
و هي آخر حمورية
أقولها حاولي تلبسي لنسيز علشان النظارة دي مبيناكي عجوزة ومش حلوة على وشك وخصوصا انه مش حلو قوي
علشان تفهم اني باخد بالي من التفاصيل

اقولها ان بعض تصرفاتها مش عجباني و انها بترغي كتير في الموبايل
تقولي: ما انا بكلمك برضه
اقولها ماهو ده قصدي.. انتي بترغي وبتكلفيني كتير في الفاتورة
علشان تفهم اني مدبر واقتصادي
و هي آخر جهل
لما جه الشيك علشان ندفع
كانت حاتدفع فأخدت منها الشيك وقولتلها انا اللي حادفع
وضحكتْ وقلتلها مافيهاش حاجة لما أدفع ده كمان.. ما احنا المرتين الي خرجنا فيهم انا اللي صرفت عليكي
علشان تفهم اني جدع معاها
و هي نازل عليها بغباء
قعدت تحكي في القراءة والثقافة
و انت عارف محسوبك تقيل في الحاجات دي
لغاية ماقالتلي على الكاتب اللي بتقراله دلوقتي ومدى حبها ليه وبكتاباته
قولتلها انه حمار واللي بيقروله بهايم
علشان تفهم اني مثقف وداري بما يدور في الساحة الثقافية
ومطلع على جميع الكتاب و الاصدارات
ولا حياة لمن تنادي

دفعنا الشيك و خرجنا
سيبتها عند الباب ولما قالتلي مش حتوصلني
قلتلها لأ طبعا
سيبتها في الشارع و ركبت العربية ومشيت
علشان تفهم اني مش مدلوق عليها
حلو لحد كده يا عم؟

عاطفة و اشواق وحب من الأصلي
هي دي الرومانسية
شوف بقي غباوتها اللي جايه

قلت أكلمها بالليل و انهي الموضوع و اقولها إني معجب بيها والكلام الكبير ده بتاع الارتباط والحب والجواز
و انها هي الكسبانة والموضوع حيقع عليّ بخسارة
كلّمتها وقلتلها الكلمتين

قالتلي اني ظريف وطيب بس هي عايزة واحد رومانسي
ضحكتْ و قلتلها انتي حمارة بقى.. ههههه.. كل ده ومش رومانسي
انتي لازم تعملي اختبار ذكاء.. ههههه.. غباء غريب
دا انا وديتك اماكن ماروحتيهاش وصرفت عليكي
دا احنا مثقفين زي بعض وبلاش كده
و كلمتلك عن وشك وجسمك يا تخينة.. هههههه

عجبتني قوي اخر جملة دي.. رحت عدتها تاني
سكتتْ كتير
و قعدت أقول: الو الو الو.. ومحدش رد
قفلت واتصلت بيها ومحدش رد

وفي الاخر البني آدمة تبعتلي مسج تقولي

انت مدب.. مدب.. ومبتحسش.. انت مدب.. مبتفهمش
شفت اخرتها
انا مدب
بنت .. مبتفهمش.. مبتفكرش

**AhMed FaWzY™** · 18-08-2008, 12:33 AM

ههههههههههههههههههههههه
مش عارف ليه يامينا حاسس ان انت الى فى الموضوع دة

**mohamedmizo** · 18-08-2008, 12:37 AM

عندك حق والله يا بوب شكلة فعلا هو اللى مدبس التدبيسة السودا دى

نيههههههههههههههههههههههههههههههههههههههههههههههههههههههههها

**.:MiNa:.** · 18-08-2008, 12:38 AM

المشاركة الأصلية كتبت بواسطة احمد فوزى

ههههههههههههههههههههههه

مش عارف ليه يامينا حاسس ان انت الى فى الموضوع دة

ايه ده يا احمد ذى ما تكون بتقراء افكرى
هههههههههههههههههههه

**AhMed FaWzY™** · 18-08-2008, 12:44 AM

طلعت انت
ياعينى علينا
ههههههههههههههههههههههههه

**GHOST** · 18-08-2008, 01:24 AM

ههههههههههههههههههههههههههههه

**NOUR*GSM SYRIA** · 18-08-2008, 10:26 AM

ههههههههههههههههههههههههههه

مشكور حبيبي

**وائل النجار** · 18-08-2008, 02:50 PM

ههههههههههههههههههههههههه

ده بعد ده كلوا تبقى مدب ههههههههههههه

البت ديت لازملها محوا أمية ههههههههههههه

**&& اشكوزا &&** · 19-08-2008, 01:06 AM

فكك منها يا معلم وشفلك مزة تكون بتستحمل الطريقة اللي انت بتتكلم بيها وتستحملك
هههههههههههههههههههههههههههههههههههه

**GhArOmA** · 19-08-2008, 02:19 AM

هههههههههههههههه
تصدق مش هقول غير حسبى الله ونعم الوكيل
لا وبتقوله مدب بس
المفروض كانت عدمته ف ميدان عام ضربا بالقباقيب
هههههههههههههههههههههههه
بجد دى مبتفهمش ومبتفكرش زى ماقال

قائمة الاعضاء المشار اليهم

الموضوع: تعالو نشوف واحد خرج مع حبيبتو ايه اللى حاصل

أدوات الموضوع

بحث في الموضوع

عرض

تعالو نشوف واحد خرج مع حبيبتو ايه اللى حاصل

الكلمات الدلالية لهذا الموضوع

المفضلات

المفضلات

ضوابط المشاركة