استرجل ... اشرب بيريل ..!! (والله استهتار)

[محمد السيد.]

طبعا عارفين اعلان استرجل واشرب بيريل
اول ماشوفته ضحكت جامد اوى
وتانى مرا شوفته وطبعا لانه بيتعاد كتير جدا
استغربت يعنى الرجاله اللى على الارض دول مش رجاله
ولا هما لو شربوا بيريل هيبقوا رجاله
عارف ان دى كلها اعلانات
وهيافات
بس الاعلان ده بالاخص اثر اوى على الشباب اوى





طيب ده بيخلى الشباب
تقول اذا كان مشروب شعير يمدنا بكل هذا الثقه
فيقينا الخمره ستمدنا بثقه اكثر او الاعشاب المخدره مثل الحشيش و الاقراص المجدوله فى الصيدليات


معرفش ليه ميبقاش فيه


استرجل بثقتك فى نفسك
استرجل بعدم معاكسه البنات
استرجل باعمالك المشرفه
استرجل بالتقرب لله
استرجل باصرارك لوقوف الغلط
معرفش ..........

رأيكم ايه لدرجه الاعلان ده وصل بيه الانحطاط والمهزله لهذه الدرجة ..

[محمد السيد.]

في كل بلاد الدنيا الرجولة لا تأتي من مشروب الشعير. وإنما يتعلمها الأولاد في البيوت والمدارس. في كل بلاد الدنيا من يريد أن يسترجل ينزل من بيتهم يشتغل ويتعب ويعرق ويروح بيته آخر النهار يشرب كوب من الماء وليس مسحوق الاسترجال بطعم الشعير، في كل بلاد الدنيا الرجولة أدب مش شرب بيريل، في كل بلاد الدنيا -الأولى والمحترمة والمتقدمة فقط- لا تمييز بين رجل وامرأة إلا بالعمل والجد والتفوق وليس بشوية شعير مضروبين في الخلاط وعليهم كام رغوة، يشربها شباب "مأنتخ" يجلس أمام التليفزيون وكرشه من فرط الرحرحة والأنتخة يكاد يغطي على الشاشة، على اعتبار أن هكذا تكون الرجولة..
طب والبنات يعني مالهومش نفس يشربوا بيريل؟ وهل لو تشجعت واحدة منهن وفعلتها سيظهر لها شنب وتنبت لها عضلات ويتم اختيارها للعمل كبودي جارد لأحد الوزراء -طب والله فرصة شغل لا تعوض- وهل يمكن أن يصدر مجلس الشعب تشريعا جديدا يجرم فيه شرب السيدات للبيريل على أن يصبح الفيروز -بطعم الأناناس فقط وليس بطعم التفاح الرجولي- هو المشروب البناتي الأول في مصر على أن تصاحبه حملة إعلانية موازية تؤكد بأنه "عاوزة "تتبنتي" اشربي فيروز أناناس"؟!

[MisrGSM]

ماهى بلد مافيهاش حكومة تراقب الاعلانات الهايفة اللى كانوا بيسمموا بيها البلد ايام صفوت اللا شريف اللى خرب الاعلام وخلاه اعلام دعارة من أيام ما كان موافى
والاعلام مش عارف يطهر نفسه لانه حيكسب ازاى من غير التفاهات اللى بتكسب شركات النهب والنصب ومن ثم بيعود عليهم ربح من الاعلانات دى
أكتر من 40 ألف عامل فى ماسبيروا وماسبيروا مديونة ب 13 --- 15 مليار ج
داعيكم من الاعلام الفضائى اللى زمته بقت أستك وضميره بقى زبالة
ومش الاعلانات بس
دا كل حاجة بقت على الشاشات والاذاعات والصحف زبالة

أقول لكم على حاجة تضحك
لو قام زلزال فى البلد كلها أو بوادر القيامة بدأت حتلاقوا كل ال .......... دى على سجادة الصلاة قال ايه ( نتوب بقى )

أحسن حل
مقاطعة وسائل الاعلام القديمة اللهم الا البرامج المفيدة ودى قليلة
وكفاية وسيلة الاعلام العصرية
الانترنت
اللى اثبتت انهم مش اعلام له جمهور بالمرة بدليل ان كل محطة واذاعة وصحيفة بقى ليها صفحة على الفيس بوك وتويتر
هههههههه مش خيبة ان الاذاعات يبقى ليها صفحات على الانترنت مايقفلوا احسن ويعملوا ماسبيروا فندق او مستشفى
حاجات تجيب الضغط الواطى والعالى

[beautiful-mind]

استرجل وقاطع بيريل


"اللهم اهدي قومي فانهم لا يعلمون"


صلى الله عليك يا حبيبي يا رسول الله

[ahmed_gsmr]

عليه افضل الصلاه والسلام

[kohlr2002]

عندك حق بس ده مجرد اعلان مش اكثر يعني

و عموما اللي بيشرب خمره او غيره بيكون عنده الاستعداد للكلام ده

من غير اعلانات

[anim]

هههههههههههههه


اصبحت الرجولة تباع في قارورة

[hossam_elwani]

عارفين ليه استرجل واشرب بيريل

لانه مشروب مر الطعم مقرف الى ابعد الحدود والى يكسر على نفسه غصبن عنها ويشربه يبقى استرجل واتحمل ما لا يطاق

اعلان غبى

[محمددار]

قمة التفاهة والبرود

[king of Royal]

تسلم حبيبى على الطرح الجميل