خش وصدقنى هتضحك من قلبك

**mohamedmizo** · 10-08-2008, 01:51 AM

واحد وحش اوى اتجوز واحدة وحشة اوى خلفو عيل رموه فى الزبالة *************
زوجة بتقول لزوجها فاتورة الكهرباء جت 15جنية بس

قالها يارب تفضل تيجى كدة بعد ما يدخلوا الكهرباء

واحدة بتقول لجوزها شفت الراجل اللى قدامنا داخل خارج يبوس ايد مراتة ماتعمل زية

قالها طب واعمل زية ازاى اذا كنت ماعرفش مراتة

واحد بيقول لمراتة

مش قولتلك تصحينى الساعة 6 قالتلة

معلش ياحبيبى اصل جيت اصحيك لقيتك نايم

واحدة بتقول لجوزها بعد ما نجح فى الانتخابات هاتلى هدية غسالة بقى عشان انت مش حتبقى فاضى

السكرتاريه لزميلتها :انا بلغني ان الدير حيستغني عن واحده فينا يا تري حا يستغني عن مين فينا

ردت الثانيه تقولها علي العموم انا مطمئنه علشان كتبت كتابي عليه امبارح

الزوجه انا دلوقتي عرفت من قاري الكف انك حاتسافر اسكندريه مع واحده شقرا

لاوالله دي انا مسافر طنطا و مع واحده سمرا

سواق تاكسى دخل ينام مراتة قفلت علية الباب ندهلها وقالها

افتحى الباب واقفلية تانى

زوج بيتخانيق مع مراته

بيقول لها لما اطلع من تحت السرير حوريكي

قالت له حتوريني ايه ان شاء الله .

قالها حوريكي الدم اللي نازل من وشي

الفتاه :قبل ما اروح معاك الشقه لي عندك شرط .

ايه هو يا حبيبتي؟ما تطفيش النور و تعمل زي الشاب اللي كنت معاه امبارح

الزوجه قوم اتشطف يا اسطي عطيه الميه غليت

الزوج هي كل حاجه غليت في البلد دي حتي الميه

تصوري جوزي اتغير اوي الايام دي

ازاي

كل ما اجي اخرج اسهر بره عايز يخرج معايا

واحده ماشيه وراء جنازه جوزها وبتقول يا جملي
فواحد قالهم قولولها اسكتي احسن يدبحوه

فلاح و زوجته بتقوله شايف يا عويس العربيات ماشيه ازاي من غير حمير

رد قالها يا وليه اسكتي دي فيها شي لله

بائع الاحذيه: اظن مفيش ارفع من نعل الشبشب ده انا جبتلك لحد دلوقتي 20شبشب و مش عاجبك ولا واحد .

الزبون اصل انا عاوزه خفيف اوي علشان انا اللي حضرب بيه

واحده بتقول لزوجها انا عايزه فستان يا حبيبي

يقولها هو انتي كده علي طول طماعه ما انا لسه جايب ليك الفستان ده من 10 سنين بس

واحد بيقول لي صاحبه انتا ليه مهموم و زعلان قوي كده

اصل يا سيدي مراتي مطهقاني

ليه

يا اخي طول اليل من السينما للكباريه و من الكباريه للكازينو قال يا سيدي بدور عليا

قاضي بقول للمتهم اذا كنت صحيح قتلت مراتك لانك لاقيتها في وضع مشين امال ليه ما قتلت عاشقها اللي كان معاها

المتهم من باب القتصاد هو انا كل يوم حقتل واحد قلت اقتلها هي و اوفر رصاص

انا عرفت النهارده سبب زعلك من حافظ صاحبك

لكن ما فيش سبب يزعلني منه

ده بيقول انك بتشخر كتير وانتا نايم

اه يبقي مراتي قالت له كده

وحده بيتقول تصوري كل ما بكبر في السن جوزي بيحبني اكتر عارفه ليه اصله خبير اثار

الطبيب للمجنون ايه اللي تاعبك .

مفيش حاجه تعباني انا مبسوط جدا من يوم ما بقيت نابليون بس اللي تاعبني مراتي يا دكتور

.ليه.اصلها فكره نفسها جوزفين

واحده بتسال الخدامه ايه اخبار سيدك دلوقتي

ردت تقول اطمئني يا سيتي جنبي علي السرير

يا سلام يا حبيبتي بتعيطي لفراقي

فراق ايه انتا راخر ده البصل حامي

امبارح حصوايه دخلت في عين مراتي دفعت جنيه للدكتور فقالة

يا سيدي بسيطه احمد ربنا انا بالطو فرو طرف عين مراتي دفعت خمسمائه جنيه

الحماه لزوج بنتها ليه النعام بيدفن راسه في الرمل

الزوج اصله مش عايز يشوف حماته

الزوج لزوجته اذا ما بطلتيش خناق حاقلع الجزمه

الزوجه و هتعمل ايه ,

الزوج حلبس القباب

مرة راجل قاعد مع واحد فسأله : شغلتك إيه ؟

فقال له: حانوتى فقال الأول:فكرتنى بالمرحومة مراتى

. فردالحانوتى: و ماتت ازاى

فقال الرجل: أبدا كنا بنهزر فى

لشقة فى الدور العشرين زقيتها وقعت فقال الحانوتى: ماتت قتيلة يعنى. فقال الرجل: لا, مهى وقعت على التندة اللى تحتينا فطارت ووقعت فى حمام سباحة

الفيلا إللى جنبنا

فقال الحانوتى: ماتت غريـــــــقة يعنى

فقال الرجل: لا

مهى إتنطتت على المنط بتاع الحمام و طارت على سلك الكهرباء العمومى على الأعمدة

فقال الحانوتى:ماتت متكهربة ؟

فقال الرجل: لا، مهو السلك كان جامد فطارت رجعلتى تانى فوق فى الشقة

فقال الحانوتى: أمال ماتت ازاى بقى ؟ فقال الرجل :زهقت بقى خنقتها

وحده بتقول لزوجها لو ما كنتش رضيت اتزوجك كانت حياتك بقت فاضيه ايوه بس محفظتي كانت حتبقي مليانه

الام لابنها تسيب اول دكان علي باب الشارع وتسيب الفرن اللي بعدها تلاقي جزار تقوله نياو نياو يدي لك حته لحمه و تيجي

واحد مراته كل ما تسمع صوت وهما نايميين تحسب ان في حرامي و تصحيه فقالها

الحراميه مبيعملوش صوت بقت كل ما ماتسمعش صوت تصحيه

مرة واحدة بترغى فى التليفون بالساعات فمرة اتكلمت ساعة واحدة بس فجوزها قالها

خلصتى بسرعة لية قالتلة
اصل النمرة طلعت غلط

يارب تنال اعجابكم