.gif)
ينفع ....... ؟؟؟ لأ ماينفعش خاااااااالص !!!!!
العنوان غريب؟
لأ مش غريب لأنه انا عايز اقول أنه فعلا ماينفعش يا جماعه اللي بيحصل ده
طب نشوف إيه اللي بيحصل كده؟؟
- الاخت حاطه صوره مكتوب عليها محمد - ص - ولما
تدور تلاقي اللي بتحبه اسمه محمد صلاح..ده ينفع؟؟
- واحده عامله متدينه جدا وإيه مافيش كده وهي أصلا
مش حافظه من المصحف سورتين علي بعض .
- واحد كل ماتسئله سؤال يقلك .. مش عارف .. طب ليه
كده؟؟ .. من قال لا اعرف فقد افتي ، وأنا عايز أخد الثواب.
- واحده المصحف دااااااايما في شنطتها وتسئلها ايه
اخر جزء قرتيه ؟؟ تقولك لما ختمت المصحف في رمضان اللي فات
-واحد تاني ماسك السبحه ليل ونهار ..طب انت بتصلي يا
حج؟؟.. اه انا بصلي ع النبي ( علية الصلاة والسلام ).
- واحد رايح يصلي الجمعه نازل يجريـــــــــــيييـــي .. طب
ليه؟؟ .. اصلي ما سمعش الخطبه وعايز يلحق صلاة الجماعه.
- واحد تاني أي وكل سؤال له الف جواب عنده.. ازاي؟؟
هو أنت تعرف كل حاجه؟؟ لاء بس المخطأ له اجر والمصيب له اجرين فامحبتش
احرم نفسي الثواب.
- واحده نازله من البيت ريحتها فايحه .. ايه ده يا ستي؟؟
انتي مش عارفه انه البرفان حرام؟؟ ايوه طبعا عارفه بس أنا اصلي حطيت خفيف
يعني والهوا ح يطيره ومش ح يبان وبعدين هو حد واخد باله من حاجه اليومين دول؟؟
- واحد متدين يركب ميكروباص وست تمدله إيدها يساعدها
عشان تطلع .. يقولك حرام ح تفسد وضوي.. يا سيدي دي من سن جدتك .. ولو
-واحده يطلب منها رجل عجوز توصله الناحيه التانيه من
الشارع تقول لأ .. ده راجل حرااااااام.. طب مهو عجوز يعني يا بنتي .. ساعديه
عشان ربنا يساعدك.
-اتنين من اخونا المدعين -مدعين التدين طبعا- بيغشوا م
ن بعض في الامتحان .. واحد فيهم ضميره فاء وقال حرام .. التاني رد وقله : ربنا
بيقولك وتعاونوا علي البروالتقوي ولا تعاونوا علي الاثم والعدوان.
-بنت زي القمر .. قمر .. قمر والله - بس بالستر بصراحه-
لابسه ميت لون ووشها فيه الف لون وشعرها طالع من الطرحه باحلي لون.. طب ليه
كده؟؟؟ تقول : ان الله جميل يحب الجمال.
-استاذنا العسل معاه ميداليه معتز بها قوي مكتوب عليها اية
الكرسي.. طب حلو... اه اصلها هديه من خطيبتي
- ولد قاعد جنبك في الاتوبيس زي العسل .. عاقل وشكله بيقول
راجل .. ويبقي وقعتك هباب لو بصيت وهو نازل من الاوتوبيس ليه؟؟ اصله لابس احدث
- اقصد اعبط - موضه في البناطيل الساقطه.
رد مع اقتباس
المفضلات