طبعا كل انسان مننا بيمر بمواقف كتير واحساسيس اكتر
وبيبقى عايز كلام يعبر عن تلك الاحساسيس التى يشعر بيها
واحب ابدا موضوعى بسؤال وهو
خرج ابن ادم من العدم قلت...يااااااة
رجع ابن ادم للعدم قلت...يااااااة
تراب بيحيا...وحى بيصير تراب...
والاصل هوالموت...ولا...الحياة؟؟؟
ودة احساس انسان نادم على حاجات صاحب او حبيب
او فرصة استغلها غلط او مش استغلها اساسا
ياما صادفت صحاب وما صاحبتهمش........
وكاسات خمور وشراب وماشربتهمش.
اندم على الفرص الى انا سبتهم ..........
ولا على الفرص الى ما سبتهمش.
ودة انسان بيدور على اسئلة ولكن هى اسئلة
بلا اجابات
الكون دة كيف موجود من غير حدود......
وفية عقارب لية.وتعابيبن.ودود.
عالم مجرب فات وقال سلامات......
دة ياما فية سؤالات من غير ردود.
ودة انسان خايف من نفسة ومش قادر ينقذ
نفسة من الخوف الذى يسيطر علية
انا شاب لكن عمرى الف عام......
وحيد لكن.... بين ضلوعى زحام.
خايف ولكن خوفى منى انا.....
اخرس ولكن.....القلب مليان كلام.
ودة انسان يريد ان يعيش الحياة بكل ما فيها
على طبيعة الدنيا كما هى
احب اعيش ولو فى الغابات.......
اصحى كما ولدتنى امى وابات.
طائر...حيوان...حشرة...بشر...بس اعيش
محلا الحياة......حتى فى هنية نبات.
ودة انسان خايف من الدنيا ولا يقدر
على مواجهة ذلك الخوف
سهير ليالى وياما لقيت وطفت.....
وفى ليلة راجع فى الظلام قمت شفت.
الخوف.....كأنة كلب سد الطريق....
وكنت عايز اقتلة ...... بس خفت.
ودة انسان جميل ولكن الدموع والحزن يملا عينة
ويخفى مدى جمال عينة بذلك الخوف
اعرف عيون هى الجمال والحسن......
واعرف عيون تأخد القلوب بالحضن
وعيون مخيفة وقاسية وعيون كتيرر....
وبحس فيهم كلهم بالحزن.
ودة انسان حزين الحزن يسيطر علية يفتكر
الحزن زى المرض بس الفرق ان الحزن مالهوش
علاج
يا حزين يا قمقم تحت بحر الضياع.....
حزين انا زيك واية المستطاع.
الحزن مابقالهوش جلال يا جدع.....
الحزن زى البرد.....زى الصداع.
ودة انسان مش هامة الدنيا ولا نفسة
ولا فارقة معاة عذاب من فرح
على بعد ميلون ميل من ارضنا.....
من الفراغ الكونى بصيت انا.
لا شفت فرق بين جبال وبحور.....
ولا شفت فرق ما بين عذاب او هنا.
ودة انسان انانى حاسس ان الدنيا لية وبس
ولكن الحقيقة اصعب انها مش ملك حد
انسان ايا انسان ما اجهلك......
ما اتفهمك فى الكون وما اضألك.
شمس ..وقمر..وسدود..وملايين النجوم...
وفاكرها وموهوم انها مخلوقة لك.
ودة انسان بنطر الى العالى فقط ولا يأخد بالعبر
وعندما عثر فى ضخر اخد بكل العبر وليس بواحدة
نظرت فوق النجوم وانا ساير.....
رجليا عثر فى الحفر والحجاير.
بقيت اقول وانا على التراب:-ياسلام
مش بس عبرة اخدت لكن عبابير
ودة انسان حيرانفين الصح من الغلط
فين الخير من الشر
وقفت بين شطين على قنطرة.....
الكدب فين والصدق فين !!!ياترى!!!!
محتاج اموت.....الحوت خرج لى وقالى..
هو الكلام بيتقاس بالمسطرة.
ودة انسان صبور على المرض ولكن الملل غلبة
ايوب رماة البين بكل العلل.....
سبع سنين مرضان وعندة شلل.
الصبر طيب....صبر ايوب شفاة
بس الاكادة مات بفعل الملل.
ودة انسان جريح اتجرح من قلب
لا يتوقع منة الجرح ابدا
كروان جريح مضروب شعاع من القمر...
سقط من السموات فؤادة انكسر.
جريت علية الحياة عشان تبلعة....
اتارية خيال شعراء ومالهوش اثر.
ودة انسان قلبة مليان حب
فى لحظة احتياج لضوء الحبيب
كيف شفت قلبى والنبى يا طبيب...
همد ومات ولا سامع لة دبيب
قاللى لقيتة مختنق بالدموع....
ومالوش دوا غير لمسة من ايد الحبيب.
ودة انسان عمر ما قلبة دق بالحب
وحس بية
تسلم يا غصن الخوخ ياعود حطب...
بيجى الريبع.....تطلع زهورك عجب
وانا لية بيمضى ربيع وبيجى ربيع...
ولسة برضة قلبى حتة خشب.
وعجبى !!!!!!!!!!
ودية من بعض مقولات صلاح جاهين
وياريت الموضوع يعجبكوا
المفضلات