.gif)
دة حرام والله
اولا ازيكم يارب تكونوا بخير انا هنا عضوة جديدة وحبيت يكون اول لموضوع ليا يكون هنا ف القسم الجميل دة
من غير مااطول دى حاجه كدة انا عملتها وعايزة رايكوا بصراحه شديدة
اليكم الحوار
فى يوم بعد ماوعدت حبيبى اعدت وسرحت وسألت الزمان وقولتله
سألت الزمان وقولته:
ليه
ليه يازمان
ليه يا زمان قاسى عليا ليه بتحطم كل حاجه حوليا
ليه يازمان مش عايز يكون ليا حبيب امشى معاه ف الطريق
ليه ديما معذبنى وبحبيبى وحياتى بتهددنى ليه
رد وقال لى
متسألى قدرك
سألت قدرى وقولته
ليه
ليه يا قدر بتاخد اغلى الحبايب منى،ليه لما اتعلقت بحبيبى اخدته منى ليه؟
ليه ياقدر بتاخد منى كل حاجه حلوة ف حياتى حتى ماضيه وذكرياتى كلها ملينه جراح
ليه بتعمل كدة فيا ليه؟
ليه خليتنى اسيب حبيبى وافترق عنه واضيع حلمى وحلمه ليه؟
رد وقال لى
ملكيش انك تسألنى دة لابأيدى ولا بأيدك بس ممكن اساعدك
قولتله ازاى
قالى: اسألى الفراق يمكن يجاوبك
سألت الفراق وقولتله
ليه
ليه يافراق
ليه يافراق عايزنى اعيش ف دنيتك؟ليه مش عايز تخرجنى من ديرتك ليه؟
ليه عايز تعودنى على وضعك وتعيشنى بطبعك ليه؟
ليه مش عايز تسبنى ف حالى وترجع ليا اجمل ليالى ليه؟
ليه بتعذبنى انا وحبيبى ده هو الوحيد اللى كان داربى ليه؟
رد وقالى
لا انا فرقتكم عن بعض اه لكن معذبتش حد
لحد هنا مهمتى وقفت
اسألى العذاب انا ماليش ف العذاب
قولتله ازاى قالى اسأليه انا مليش فيه؟
سألت العذاب وقولتله
ليه
ليه ياعذاب ديما مستحوز عليا وكل مايجيلى فرح بداريه عليا ليه؟
ليه يا عذاب على طول ملازمنى وكل حب بضيعه منى ليه؟
انت وعدتنى انت هترحل من قلبى رجعت ليه تانى تاخد حبيب قلبى؟
مش دة كان وعدك ليا قولتلى حسيبك مع حبيبك؟
رد وقالى
لا انا مش بوعد حد ولحد هنا انا وقفت انا مبوعدتش اسألى الوعد؟
سألت والوعد وقولتله
ليه
ليه ياوعد عملتها فيا،ليه وعدتنى وبعديها خليت بيا ليه؟
ليه وعدتنى ان حبيبى هيكون معايا طول العمر وانك عمرك ماهدونى تانى المر؟
ليه بعديها خليتك بوعدك ليا واهوه حبيبى راح وخليته سيبنى للجراح ليه؟
رد وقالى
اديكى قولتيها الجراح يعنى تسألى الجراح.
قولتله طب ووعدك
قالى كان سراب بس اسألى الجراح
سألت الجراح وقولتلها
ليه
ليه يا جراح كنتى السبب ف كل اللى راح ليه؟
ليه سلطى عليا الزمان والعذاب الوعد والقدر ليه؟
ليه ليه مش عايزانى اعيش واحب؟
ليه تملى عايزانى اعيش معاكى وسنينى كلها وياكى ليه ردى عليا ليه ليه؟
ودى كان ردها فى كل المفيد
ردت وقالت
انتى بتحسبى كل واحد فينا ليه هو احنا كان ذنبنا ايه؟
احنا كنا مجرد ممثلين ف مسلسل اسمه الحياه
ااحنا كنا مجرد ابطال
اسألى المخرج
قولتلها المخرج
قالتلى اه
دنيتك
دنيتك كانت المخرج هى اللى امرتنا وكلمتنا وشاورت عليكى تبقى ضحيتنا
اسأليها ولاانتى خايفه منها
قولتلها وخاف منها ليه هى هتعمل اكتر من كدة ايه؟
سألتها
قولتها ليه يادنيا بتعملى فيا كدة
ليه كل يوم بتدينى ألم اصعب من اللى قبله
ليه عايزانى اقضيها وبالطول والعرض امشيها ليه
مش بصعب عليكى ما باجى انديكى واقولك خليكى حنينه معايا شوية؟
ليه بتحولى تدوسى عليا وتشيلى من قلبى كل الحب والحنيه؟
ليه حرمتينى من حبيبى ليه؟
ليه خليتى الزمان والفراق القدر والعذاب الوعد والجراح
تمثل عليا ليه انا بالذات ابقى الضحيه
قالتلى
كل اللى انتى قولتيه مأسرش فيا واستنى منى كمان ف الايام اللى جايه
قولتها ليه كدة ليه حرام عليكى
قالتلى انتى اللى مش عايزة تمشى على هوايا مصممه تعيشى
مع احلامك الورديه مع الدنيا التانيه الخياليه
انا عايزاكى تعيشى ف هنا معايا انا مش مع الخيال والوهم والمحال
شيلى قلبك دمرى حبك دوسى على حبايبك
اخدعى واكدبى زيفى ودمرى عيشى وبرطعى
بلاش اللى انتى فيه
قولتها مستحيل لايمكن
اسمعى اما اقولك انا هدور على حبيبى وهقف ادمك انا وهو وهنعمل قوة تشيلك وترجع دنيتنا الحلوة الورديه
قالتلى انتى بتحلمى حبيبك بقى ف ايديا وهتشوفيه حاجه تانيه
قولتلها
انتى قاسيه قاسيه اووووووى
ياترى انت فين دلوقتى يا حبيبى
ياترى معاها ولا بتحلم بيا
اعدت تضحك وتترىء عليا
وللحديث بقيه
يارب تكون عجبتكم وعايزة رايكوا بصراحه يايا
كتير بنعشق
رد مع اقتباس
المشاركة الأصلية كتبت بواسطة omarfone
I do NOT answer technical questions via PM. Post in a thread
المفضلات