السوفت ويير لكل أجهزة البلاك بيرى من الموقع الرسمى
السلام عليكم ورحمة الله وبركاته
كل فترة بينزل سوفت ويير جديد لاجهزة البلاك بيرى لتحسين اداء الجهاز و لاداء افضل
لاستهلاك البطارية و اللى هى المشكلة الاساسية لمعظم اجهزة البلاك بيرى.
طبعا فى اجزة بنزل لها سوفت ويير مدمج اللغة العربية قرائه وكتابة وفى اجهزه محتاجه
ملف التعريب واللى متوفر فى المنتدى هنا
الاجهزة المتوفر لها سوفت ويير مدمج فيه العربى قراءه وكتابه من شركة البلاك بيرى هى :
البولد 9000
البيبى بولد 9700
الكيرف 8900
البيبى كيرف 8520
الاجهزة التى لايدعم السوفت ويير الاصلى لها العربى لا قراءه ولا كتابه حتى الان :
التور 9630
التور الجديد 9650
الستورم بكل موديلاته
والاجهزه القديمه 8xxx و 7xxx
والملاحظ ان شركة البلاك بيرى بتنزل السوفت ويير على مواقع غير رسمية للتجريب
وبيطلق عليه تحديث مسرب و بعدها باقل من اسبوع بتلاقى نفس رقم الاصدار موجود على الموقع الرسمى لشركة البلاك بيرى.
والفرق بين الجهاز اللى السوفت ويير مدمج فيه العربى عن السوفت ويير الغير معرب هو
انك لو عملت فورمات للجهاز الاول اللى عليه سوفت ويير مدمج فيه العربى بعد الفورمات
اللغة العربية ما بتتخذف منه يعنى اعمل فورمات براحتك.
وعلى العكس الجهاز اللى متعرب مع اول فورمات بترجع تحمل ملف التعريب تانى بالاضافة
ان فى ملاحظات على ملف التعريب انه احيانا الحروف مابتبقى مشبوكة بس بيأدى هدفه فى الاخر.
طبعا هنا رابط تحميل اى سوفت ويير رسمى نزلته شركة البلاك بيرى لاجهزتها وبجميع اصدارتها:
الرابط : http://na.blackberry.com/eng/support/downloads/download_sites.jsp
الرابط بيفتح لك صفحة السوفت ويير من الموقع الرسمى للاجهزة كلها كل اللى عليك تحدد
الشركة ( غير ضرورى ) وبعدين موديل الجهاز وبعد كده بيفتح لك صفحة السوفت ويير اللى نزل
للموديل ده بس فى ملاحظات :
ومن الملاحظات و من خلال متابعتى للموقع بلاحظ ان الموقع مابيعلن عن وجود سوفت ويير
جديد فى شركة معينة بالاضافة ان ممكن سوفت ويير فيه لغه عربية ينزل فى شركة مالها اى
علاقة بالشرق الاوسط.
عموما ومن غير اطاله الرابط السابق للى عاوز سوفت ويير من على الموقع الرسمى ويكون
متخوف من انه ينزل سوفت ويير من اى رابط تانى .
.gif)
المشاركة الأصلية كتبت بواسطة amerquest
المفضلات