بسم الله الرحمن الرحيم

موضوع كدا الحقيقه جه في بالي يمكن بقاله يومين في بالي

بس قولت النهارجه و انا قاعد فاضي كدا لا شغله ولا مشغله و انا في اجازه و في عز الصيف دا الي يخنق ..

نخش في صلب الموضوع و اعتقد الجواب باين من عنوانه

( حب الانتر نت )

حب الانتر نت ولو لاحظتوا اني فرقت بين كلمه انتر و كلمه نت inter net فدا عشان ابين لكم ان او حاجه و اول شئ بيميز الشبكه العنكبوتيه دي انه بيقرب البعييييييييييييييييييييييييييد ( يعني ممكن تكلم حد في الصين و انت هنا قاعد علي الكرسي و لابس الشورت و التيشرت و بتشرب كوبايه شاي بالنعناع و معاها سيجاره او انت سيادتك قاعده كدا علي الجهاز و حاطه رجل علي رجل و انت قاعده علي الكرسي و شعرك منعكش و لابسه النضاره النظره الي سمكها 5 سم ( قعر كبايه )

طبعا الحالتين الي ذكرناهم فوق دول اهم حالتين كدا من وسط الكثير و الكثير و الكثير من الحالات التي هي وراء شاشات الكمبيوتر و ما خفيا كان اعظم

طبعا الاخ الي فوق دا بيتكلم مع البنت دي و يبدا في ذكر ما حسن منه و ما فضل منه و ما هنا و ما هناك و انا و انا و انا و يبدا في ذكر محاسنه و افضل ما عنده و انا ابن كذا و انا كذا و ابن كذا و انا اعمل كذا و لا اعمل كذا

و بالتوازي او بالتوالي هي الاخري تبدا في ذكر محاسنها و معالمها و ما خفيا منها سواء كان من ما تذكره له النصيب من الحقيقه او عدمها

فنري هنا ان كله بيتكلم مع كله ( بيتكلم ) بمعني اصح انك سيادتك او سيادتك يا استاذه بتتكلموا مع شاشه و مايك و سماعات و كي بورد ( و ليس دم و لحم و عقل و ملامح من امام نظرك )

فهنا حضرتكم بتشوفوا ان الانسان الي انت قاعد تشيت معاه علي النت دا انسان عايز يوريك الي هو عاوزك تشوفه وبس ( يعني هو بيورك افضل ما عنده ) و هنا يكمن الخطأ حيث انه يذكر كل محاسنه و كل ما هو افضل عنده ( بالعربي كدا بيوريك النص الحلو فيه او الوش الحلو بمعني اصح ) و يبدا في انه يخفي عنك الوجه المظلم من حياته و يا سلام بقي يقولك لا دا انا معرفش اكدب .. لاو والله دا انا الي في قلبي علي لساني .. لا والله دا انا معرفش غيرك .. انت عمري .. انت حياتي .. انت انت انت

طيب ازاي تصدق و تعيش في قصه حياه انت اصلا مش شايفها في حياتك و بعينك و مش قادر تقدرها وهي قصادك و قدام عينك كدا و تشوف و تقرر الانسان دا بيكدب ولا ايه ظروفه

يعني مثلا مثلا ممكن اخترعلكم حديث كدا ممكن يدور بين اتنين علي الانتر

هو : هاي
هي : هاي
هو : ازيك ( قال يعني الولا تقيل قوي عليها بيقولها ازيك بقرف )
هي ولا واخده بالها : كويسه الحمد لله .. وانت ؟؟
هو : اهو ماشيه
هي : ايه مالك ؟؟
هو : مفيش اهو شويه مخنوق
هي : من ايه يا حبيبي ( قال يعني واقعه في دباديبه .. مع انها ولا تكون طايقه اهله )
هو : مفيش يا قمري بس شويه مشاكل كدا في الشغل ( و تلاقيه لسه بياخد المصروف من ابوه )
هي : يا خبر من ايه بس في ايه الي حصل ؟؟
هو : ولا حاجه يا حياتي بس شديت مع واحد زميلي في الشغل كدا
هي : طيب و ليه كدا ايه السبب
هو : ابدا بس انا طبعا بما اني اقدم واحد في الشغل و لازم يكون ليا كلمه علي الي شغلاين معايا فبدي لواحد امر شغل عشان يعمله فشدينا مع بعض ( و بدا يعملها من البحر طحينه )
هي : يا خبر طب و بعدين ؟؟
هو : ولا قبلين .. اهو انا اديت أمر لمدير الشركه الي انا شغال فيها عشان يرفد الراجل دا ( هههههه )
هي : واااااااااو انت يا حبيبي بقيت واصل قوي كدا ( البت بقت منبهره بيه مع بعض الغل من داخلها )
هو : طبعا يا حياتي دا انا الي ماسك الشركه كلها و مفيش حاجه بتخرج من تحت ايدي ( طبعا يقصد انه ماسك الشركه كلها قهوه و شاي ( اوفيس بوي ) و علي فكره انا مش بقلل من الاوفيس بوي تماما بالعكس اهو برده عمل شريف بس الاخ متكبر قوي علي الشغلانه قال ايه مش من مستواه .. يا عم الحج ارضي بالي ربنا قسمهولك )
هي : وااااو انت شكلك بقيت واد جامد قوي يا حياتي في الشركه
هو : طبعا امال انت فاكره ايه
هو : سمايل سمايل ههههههه
هي : علي فكره يا حياتي انا ماما مش مخبيه عليها اي حاجه عننا
هو : ( بدأ يبلع ريقه )
هي: ايه مالك يا حبيبي سكت ليه
هو : ابدا يا حياتي بس كنت بدور علي برنامج كدا في النت
هي : طيب يا حبيبي ها مقولتليش ايه اخبار ماما و بابا و اخواتك ( سيادتها بدأت ترسم و تخطط لبعيد )
هو : كويسين الحمد لله يا حياتي
هي : بجد يا حبيبي كويسين بخير الحمد لله ؟؟ ( عاوزه تتقرب منه زياده قال ايه بتبين له الحنيه و قال خايفه عليه و علي اهله )
هو : ايوه يا حياتي
هو : و ماما و بابا عندك عاملين ايه ( طبعا من جواه مكنش نفسه يسال السؤال دا و هقولكم ليه بعد كدا بس هو للاسف البت حطته في موقف انه لازم يرد السؤال الي هي سالته عن اهلها انه كمان يسالها عن احوال اهلها )
هي : كويسين الحمد لله يا حبيبي ربنا يخليك ليا ( و هي من جواها بتقول بقي روح تنت انت لسه جاي تسال دلوقت بعد ما اتكلمنا بقالنا ساعتين و تلت تربع ساعه و كمان انا الي لازم اسالك علي اهلك الاول )
هو : موووووووووووووووووز ( دي كانت كلمه دراجه كدا في فتره معينه هههههه )
هي : لووووووووووووووز ( هي طبعا لازم تخش معاه في المود و توريله انها بنت مقطعه القرش من ديله و بنت كول قوي و ستاف مع انها ممكن تكون بتشرب الشاي بالملعقه )
هو : واحشتيني قوي ( بقالهم حوالي 3 ساعات بيتكلموا مكنتش وحشاه وهم بيتكلموا جم يقولها وحشتيني دلوقت )
هي : طيب ( قال بتتقل عليه و هي مدلوقه اصلا )
هو : ايه طيب دي
هي : ههههههههه ( قال يعني بتوريله انها مبتسمه و هتتجن و تقولها و انت كمان يا حبيب عمري وحشتيني قوي و هتجنن و افضل معاك .. و انت املي و انت حياتي و انت عمري .. ام كلثوم هتغني )
هي : و انت كمان وحشتيني يا حبيبي ( مضطره طبعا تقوله عشان ميتقمصش )
هو : صحيح يا بيبي امال انت كنت فين امبارح مدخلتيش ليه علي الايميل الساعه 3 و نص الفجر انا فضلت مستنيكي لحد 3 و نص و خمسه
هي : معلش يا حبيبي بس كنت خرجت عشان اشتري هدوم انا و بنت خالتي و بعد كدا روح عند خالتي انا و ماما قعدنا شويه و رجعنا متاخر و كنت تعبانه مقدرتش ادخل ( قال يعني خطيبها و بتديله التقرير اليومي )
هو : نعم .. خرجتي من غير ما تقوليلي ( بدأ يسوق فيها و يحسسها انه راجل البيت هههههههه هو فين البيت دا )
هي : سوري يا حبيبي بجد سوري مكنش معايا كريدت ( البت تعليم عالي قوي لسه جايه من افغانستان طازه و بتقول كريدت )
هو : يعين ايه مكنش معاكي كريدت ( اهو بدأ يتلكك عشان يتقمص عشان هي تصالحه باي طريقه و هنذكر الطرق دي بعدين )
هي : يوه ما قولنا سوري بقي مكنش معايا كريدت ( اصلها و فصلها بدأ يظهر اهو و هتزعق بقي و تشلق و هتبقي حاجه عجب )
هو : انا مش لسه شاحنلك اول امبارح رصيد بـ 5 جنيه و 40 قرش لما انت طلبتي مني راحوا فين ( هههههههه الدغف بدأ ينفذ طلبات الهانم وهو ولا يعرف عنها حاجه ولا حتي شفاها في حياته و بدأ يتدلق و ينفذ طلباتها و يقول نعم و حاضر ههههه )
هي : معلش بقي يا حياتي بس صحبتي مكنش معاها كريدت و انا اتصلت بيها عشان نظبط و نخرج سوا
هو : ( سيادته هيسكت و هيفضل ساكت لحد لما هي تبدأ تتكلم عشان يكسر مناخيرها قال يعني مقموص وعايزه تصالحه)
هي: انت روحت فين ؟؟؟ ( ولازم الـ 3 علامات استفهام قال يعني مستغربه قوي سكوته مع انها عارفه انه بيمثل عليها و بيعمل نفسه مقموص بس هي بتوهه في الموضوع ههههه .......... يارب ارحمني )
هو : ملكيش دعوه سمايل مقموص الي هو بتاع الياهو دا
هي : ايه مالك يا بيضا مالك يا نانوستي زعلانه ليه بس ( بتدلع ابن اختها هههه )
هو : ماهو اعمل ايه بس و انت مش معبراني كدا ( بدأ يرسم علي كبيييير قوي اهو )

.........