قائمة الاعضاء المشار اليهم

النتائج 1 إلى 4 من 4

الموضوع: خليــــكــ صــــايع

  1. #1
    .: جيماوي محترف :.
    الصورة الرمزية !!DRAGON!!

    الحالة
    غير متواجد
    تاريخ التسجيل
    Mar 2008
    الدولة
    EGYPT - ASSIUT
    العمر
    30
    Phone
    N81 8G
    المشاركات
    2,198
    الشَكر (المُعطى)
    1613
    الشَكر (المُستلَم)
    1542
    الإعجاب (المُعطى)
    0
    الإعجاب (المُستلَم)
    0
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    55

    افتراضي خليــــكــ صــــايع

    السلام عليكم ورحمة الله



    هى مش كلمة " صايع " كانت شتيمة زمان .. ؟! "


    حذرنا الكبار _ واحنا لسه عيال _ من خطورة أن

    نصبح " عيال صايعة " old

    فعلى سبيل المثال


    عندما تتأخر فى العودة إلى المنزل بعد المدرسة يتم استقبالك بسؤال " كنت فين ياصايع لحد دلوقتى .. ؟! "



    وعندما يكون الزرار العلوى للقميص مفتوحا " متفتحش صدرك زى العيال الصايعة " .


    وكان هناك ارتباطا وثيقا بين الصياعة والتدخين ، والوقوف ع النواصى ومعاكسة البنات ،


    ووضع الأيدى فى الجيوب أثناء الكلام مع الأب ، وشرب القهوة ، والكلام فى التليفون بالساعات والرد على الكبار بإسلوب غير مهذب ، والتزويغ من المدرسة ، والرسوب فى امتحان نهاية العام وارتداء القميص على اللحم .


    وكان لقب " صايع " لقبا مخيفا نهرب منه " وهو الواحد ايه ياجماعه غير سمعة وشوية حاجات فوق بعض " .



    وكانا نحرص على الإبتعاد عن أى شخص يحمل لقب " صايع " علشان الواحد " ميتشبهش " .


    ولكن بمرور الوقت حدثت طفرة ، لم تعد كلمة صايع شتيمة ، بل أصبحت وساما يضعه الآخرون على

    صدر كل من يحوز إعجابهم ، ولم يعد الصايع هو الشخص " اللى مش متربى قليل الأدب ، اللى بيسقط

    دايما وقاعد طول النهار ع النت ، وبيعلى صوته على أهله وبيسرق فلوس من ورا أهله علشان يجيب

    بيها سجاير " .

    هذا الشخص مبقاش اسمه " صايع " بقى اسمه " مغفل " يااخوانا .


    وأصبح الشخص الصايع هو الشخص الناجح القادر على إثارة إعجاب الناس من حوله ، الشخص القادر


    على انتزاع تصفيقهم ، وأصبح " الصايع " هو النموذج والقدوة والمثل الأعلى أحيانا .


    ولقب " صايع " لم يعد أيضا مقصورا على الأشخاص فقط ، فهناك أشياء كثيرة ممكن نقول عليها صايعة



    مثلا جهاز الموبايل اللى فيه كل الإمكانيات اللى محتاجها واللى بتحلم بيها ... يبقى( موبايل صايع . )


    ممكن تلاقى ( جون صايع ) عبارة عن جملة بين 3 لاعبين سريعة ورشيقة وغير متوقعة .



    ممكن تلاقى بوستر لألبوم لمطرب متصمم بطريقة صايعة ومحطوط فى حته صايعة .



    ممكن تشوف فيلم نهايته غير متوقعة ولما تمر فى خيالك تبقى ( نهاية صايعة ) والسينارسيت اللى كتب الفيلم ( سينارست صايع ) .



    وممكن تلاقى بلد يتقال عليها ( بلد صايعة ) زى الصين اللى قدرت انها تخترق مصر بمنتجاتها


    ويبقالها فى كل بيت مصرى 20 منتجا على الأقل ، وبالتالى يمكنك أن تقول إن ( الصين دول


    صايعين قوى ) .



    لم يعد لقب " صايع " مزعجا مثل لقب " عنده ايدز " ولكن صايع أصبحت وسام وشرف مساو فى


    قوته لوسام الـ " iso 9001 " ولا أعرف ماذا حدث بالضبط وغير سمعة الكلمة 180 درجة ..


    ... غالبا هى دى الصياعة !




    أستطيع الآن _ وأنا ضميرى مستريح _ أن أشجعك على أن تكون " صايع " بالمعنى الجديد للكلمة



    ... للصياعة بمفهومها الجديد آداب يجب الإلتزام بها حتى تستحق اللقب .



    1 – الصايع عمره ما يقول على نفسه صايع ، عمرك شفت واحد ذكى ماشى يقول للناس " أنا

    ذكى ياجماعة ؟ "


    2- الصايع يكره الفهلوة، لأن الفهلوة سرقة ومجرد استغفال للناس ، الصايع يحترم ذكاء الآخرين .



    3 – الصياعة تعتمد على الثقافة العامة فى كل المجالات ، يكفيك أن " تعرف حاجه عن كل حاجه


    4- الحظ قد يقودك إلى القمة ، والصياعة أن تحافظ عليها .


    5 – الصياعة إن بالك يبقى طويل ، وماتبدأش بالغلط ، وماتردش على اللى بيستفزك ، وإنك
    تسامح الشخص اللى تقدر تنتقم منه بسهولة


    6 – الصياعة إنك ماتكررش نفس الغلطة مرتين

    7 – الصياعة إنك تدى كل واحد حقه ، وتعرف قيمة اللى قدامك بالظبط .


    8 – الصياعة إنك تبقى فاهم كويس إنه :-


    - مش مهم إنك تغير الكون ... المهم إنك تخلى الكون ما يغيركش .


    - الحب اللى يجى بسرعة لازم يروح بسرعة .


    - الأحمق هو الشخص اللى لسانه أسرع من عقله .


    - استمتع بالحاجات الصغيرة ، بكره هتعرف إنها كانت كبيرة .


    - اتعلم تضحك على مشاكلك وانت عمرك ما هتبطل ضحك .


    - الخط المستقيم أقصر طريق بين تقطتين ، والإبتسامة أقصر طريق بين شخصين .


    - الصبر ... هو الحاجه الوحيدة اللى لازم تستعجل وانت بتتعلمها .


    - وجودك فى الحياة هدية ماحدش يقدر يقدمهالك غير ربنا ، وفى ناس كتير بتيجى لهم هدايا قيمة


    الشاطر هو اللى يعرف يستفيد من الهدية اللى جت له .


    كل حاجه فى الدنيا فيها شىء جمييل ، بس مش أى حد يقدر يشوفه .


    مش كل مرة تتعب فيها هتوصل للى انت عايزه ، بس عمرك ما هتوصل للى إنت عايزه من غير ما تتعب .


    الفهلوة سرقة ... خد بالك مفيش طريق مختصر للمكان اللى يستحق إن الواحد يروحه


    حياتك فيلم ، واللى حواليك بيلعبوا أدوار الأب والأم والجار والصديق ، بس إنت بطل الفيلم .. حاول دايما تتصرف زى الأبطال .


    أخطر عيب فى البنى آدم إنه مايشوفش فى الناس غير عيوبهم .


    الصديق الجيد هو الهدية الوحيدة اللى الواحد بيقدمها لنفسه بنفسه .


    الصديق الكويس هو اللى بيبقى عارف عيوبك ومع ذلك بيحبك .


    أول خطوة فى النجاح إنك تعرف إنت عايز إيه .


    ابتسامتك فى وش أى حد هتخليه صعب إنه يكرهك .


    مش مهم إن كل الناس تحبك ، المهم إنك تحب كل الناس .


    عمرك ماهتعرف قيمة المية من غير ما تعطش ، وعمرك ما هتعرف الصح من غير ما تغلط .


    مش أى هدية ينفع تقبلها .


    ماتسيبش الريموت كنترول فى إيد أى حد إلا لو كنت بتثق فيه .


    ماتصدقش اللى يقولك " هى كده " أو " هى ماتتعملش غير كده " كل الحاجات ينفع تفكر فيها من أول



    وجديد حتى لو قالولك دى ثوابت ، وخليك فاكر إن السباحة لو كانت بتخسس _ زى ما بيقولوا

    كان الحوت بقى سمكة زينة من زمان .


    مافيش حاجه اسمها حظ ، والمحظوظ هو مجرد شخص عارف هو عايز إيه وبيقدر يستغل كل الحاجات


    اللى بتقابله فى السكة لمصلحة الحاجه اللى هو عايزها.


    أوحش حاجه إنك تكون مابتعملش حاجه ، لإنه هيبقى صعب تعرف هتخلّص إمتى .


    الوقت اللى هتضيعه فى التفكير فى الحاجات الى نقصاك المفروض تديه للتفكير فى الحاجات اللى عندك.


    الخبرة هى الحاجه الوحيدة المفيدة فى الفشل .


    العقل زى الباراشوت ... ما بيشتغلش غير لما يتفتح .






    ها .... إزى الحال .. ؟!


    أقول مبروك على اللقب الجديد ؟؟؟؟




  2. #2
    صديق المنتدى
    الصورة الرمزية khaledrepa

    الحالة
    غير متواجد
    تاريخ التسجيل
    May 2010
    الدولة
    الجزائر الغالية
    Sonork
    0000000000000
    Phone
    e1081
    المشاركات
    6,377
    الشَكر (المُعطى)
    13208
    الشَكر (المُستلَم)
    15226
    الإعجاب (المُعطى)
    0
    الإعجاب (المُستلَم)
    0
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    0 مشاركة
    تمت الاشارة اليه فى
    1 مواضيع
    معدل تقييم المستوى
    360

    افتراضي رد: خليــــكــ صــــايع

    لا تقل مبروك
    الكلمة ستبقى هى هى مهما طال الزمن او تغير هذا بالنسبة الى رائيي.


  3. الشَكر !!DRAGON!! شَكر
  4. #3
    .: جيماوي رائع :.
    الصورة الرمزية TINMO

    الحالة
    غير متواجد
    تاريخ التسجيل
    Sep 2009
    الدولة
    مسلم مصرى
    Phone
    c7
    المشاركات
    733
    الشَكر (المُعطى)
    1375
    الشَكر (المُستلَم)
    943
    الإعجاب (المُعطى)
    1
    الإعجاب (المُستلَم)
    0
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    0 مشاركة
    تمت الاشارة اليه فى
    0 مواضيع
    معدل تقييم المستوى
    37

    افتراضي رد: خليــــكــ صــــايع

    موضوع جامد جدا جدا

  5. #4
    من مؤسسي المنتدى
    الصورة الرمزية Raul

    الحالة
    غير متواجد
    تاريخ التسجيل
    Dec 2008
    الدولة
    مصرى اماراتى
    المشاركات
    13,983
    الشَكر (المُعطى)
    37650
    الشَكر (المُستلَم)
    44672
    الإعجاب (المُعطى)
    0
    الإعجاب (المُستلَم)
    0
    غير معجبون (المُعطى)
    0
    غير معجبون (المُستلَم)
    0
    تم تذكيره فى
    1 مشاركة
    تمت الاشارة اليه فى
    4 مواضيع
    معدل تقييم المستوى
    1312

    افتراضي رد: خليــــكــ صــــايع

    شكرا لك اخى
    لكن الموضوع مكرر
    هنا
    موضوع مغلق

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •