على حد علمى ان كتير من الناس بتواجه المشكلة دى ولكن محدش فكر فى ايجاد حلى جزرى ليها .
انا هاحاول اقدم لكم تجربتى فى المشكلة دى واللى نجحت معايا فى 3 اجهزة حتى الان .
اولا : المشكلة الاساسية بيسببها تلف البطارية وبالتالى بيحدث تهنيج فى السوفت وير يعنى مهما تغير البطارية هايعطى نفس النتيجة وهى (يرجى استعمال بطارية اصلية من سونى اريكسون ) فبالتالى المهندس اللى بيصلح التليفون هايعتقد ان البطارية سليمة لانو جرب اكتر من بطارية . وان المشكلة فى الجهاز لا صلة لها بالبطارية . انا كنت فاكر كدا برضو .

ثانيا : فى ناس كتير بتقول ان المشكلة دى سوفت وير ونيجى نغير السوفت وير ونجرب برضو نفس الكلام .
لكن الحل النهائى كان انة يتم تغيير السوفت وير بجانب النقطة الاساسية وهى تغيير البطارية ببطارية اخرى تكون سليمة مجربة فى جهاز او بطارية اصلية جديدة . وانا مجرب الموضوع دا بنفسى فى 3 اجهزة لحد دلوقتى وكانت النتيجة جيدة والجهاز بعدها بيشحن وزى الفل مفيش اى مشكلة .
ارجو انى اكون قدمت موضوع مفيد ... وارجو منكم ايضا عدم التسرع فى الرد بدون ان يتم التجربة ..