اخواني اعضاء الجيم فلاش
انهردة ان جيت قسم صيانة الاجهزة الصينية علشان اعمل الموضوع دة بالذات لاني وجدت اسئلة كثير علية ويكون الرد باجابات غير منطقية
اليوم هانتتبع المشكلة الى ان تتحل بإذن الله
لو جالي جهاز شاشة مكسورة وبعد التركيب الجهاز شغال لاكن شاشة سوداء او شاشة بدون اضائة او شاشة بيضاء ايةالحل
اولا لازم نعرف الشاشة
بتكون عبارة عن اية ووظيفتها اية ؟؟؟
طبعا الشاشة بتكون عبارة عن الياف وخلايا مسوؤلة عن نقل البيانات والمعلومات التي يخرجها الهاتف على هيئة مصطلحات ورموز يحددها نوع السوفت وير الموجود على الهاتف وفي بعض الانواع بتكون مسؤلة عن اضائة الكيباد
الشاشة بيكون ليها نقاط توصيل منها الى مكان اخراج الداتا او البيانات من على يوردة الجهاز وفي معظم الحالات بتحتاج النقاط دي الى لحام على البوردة
ودي صورة توضح شاشة من الانواع التي تحتاج الى لحامات
ودي شاشة لا تحتاج الى لحامات لانها على كونفرت
وهناك نوع اخر لا يحتاج الى لحامات وبيكون خارج من الشاشة فلاتة بها تراكات بتركب في مكان على البوردة ويتم القفل عليها بقفل من المعدن او البلاستيك
طريقة تركيب الشاشة
هانجيب الجهاز ونبين نقاط اللحام على البوردة ونقوم بتنظيفها بالفرشة وهانجيب مادة الفلاكس ونضع كمية بسيطة على ارجل الشاشة ونمشي المكواة على كل الرجول حتى يتم ملامسة هذة المادة لكل ارجل الشاشة على البوردة
هانبدأ نمشي سن المكواة على بداية تراكات الشاشة من اي اتجاة ونرفع باليد الثانية الى ان يتم نزع الشاشة القديمة من على البوردة
واليكم طريقة تركيب الشاشة بالفيديو
ملحوظة الفيديو توضيحي لان التجربة كانت على شاشة تالفة
رابط لفيديو
كلمة سر فك الضغط اسم المنتدى
http://www.4shared.com/get/GfclsuW_/___online.html
بعد تركيب الشاشة الشاشة جابت ابيض
هانعمل اية
اولا هانتأكد من تلامس الشاشة مع البورد جيدا والتاكيد على اللحامات جيدا وخصوص بداية الشاشة من الجهتين
تأكدنا ان الشاشة راكبة مظبوط هانعمل اية
طبعا قبل التركيب هانكون متأكدين إن الشاشة الجدييدة نفس خريطة الشاشة الاصلية او نفس ارقام الهارد وير
ودي صورة بتوضع خريطة الشاشة وبينات الهردوير
طيب انا اتأكدت أن الشاشة نفس الخريطة او البيانات والشاشة سودا او مش جايبة بينات خالص هاعمل ية
في الحالة دي هاجيب شاشة تانية او ارفع الشاشة وارجعها تااني والتركيب والنزع يكون بحرص لنها بتكون حساسة شوية
طيب ركبت شاشة تاني وجابت بيانات طيب الشاشة الاولى ما نورتش لية مع انها جديدة
في الحالة دي هانعما اختبار للشاشة عن طريق البور سبلاي
هانجيب الموجب والسالب الخارج من البور ونوصلهم في الموجب والسالب الخاص بإضائة الشاشة
ودة شكل المكان الخاص باضائة الشاشة
مش شرط يكون الموجب يمين و شمال جرب كدة وكدة
ملحوظة فولت البور نفس فولت البطارية 3.8 الى 4.5 فولت
الطريقة
هانوصل الطرف الموجب من البور سبلاي الى الطرف الموجب من النقطة الموجودة على الشاشة والطرف السالب الى السالب الموجود على الشاشة
لو الشاشة جابت اضائة يبقى الخلل كان في التركيب لو الشاشة ما اشتغلتش اضائة اذا العيب في الشاشة
نيجي للمرحلة اللي بعد كدة
بعد تركيب الشاشة الشاشة جابت شاشة مقلوبة او شاشة بيضا مع العلم ان الشاشة سليمة والتركيب سليم
يوجد فلاشات معالجة لهذا العيب موجودة في المنتدى
هاتفلش بفلاشة لعلاج الشاشة المقلوبة ااو البيضاء ودي مش بتكون لكل الانواع
بتكون لبعض الانواع مثل فئة ال k
وال جي تايد g28 والf600
طيب بعد استنفذ كل المحاولات والتليفون لسة شاشة بيضاء او سودا مع ان التركيب صح والشاشة موثوق منها اذا لعيب هارد وير والعيب هينحصر في جزئين هم
أي سي البور ودة بيكون اي سي اصغر حجم من البروسيسور وبيكون مكتوب علية حرف ال M
والمكان التاني المسبب لعطل البينات او الاضائة هو اليو ام (
البروسيسور) ودة بيكون في فئة ال mtk مكتوب علية M ARM
وفي فئة الاسبريد بيكون الايسي الاكبر حجم
قم بالتسخين مع التحريك الخفيف
لو لسة المشكلة هانقوم بالتغيير بواحد نفس البيانات
في النهاية اتمنى لكم التوفيق
اخوكم
ابو عمر
AHMEDANA
المفضلات