ألبسوني السود وكنت أظن أني ألبس الفستان
يا أخوي خذك الموت مني في لحظات وثواني

كنت لي بالحياة مثل الصديق وكنت أغلى إنسان
ووعدتني بثوب الفرح يوم عرسك يا خير أخواني

وما كنت أظن ابدا أن وعد الفرح يتحول أحزان
ولكن مشيئة الرب أني أبكي وتموت كل افراحي

أرجع يا أخوي عشان أتأسف يوم تركتك زعلان
وأرتب لك كل الاغراض وأجهز لك كل الاواعي

لكن يا حسرتــــي طاف الوقت وفات الآوان
وجاءت ساعة القدر لتأخذك يا كل روحي وغلاتي

أبكي وأصرخ لكن يا خسارة لقد أصبحت جثمان
وكأني أتخيلك الحين بلباس العرس تبتسم أمامي

أخوي كلمني أنا أختك ما غريبة عنك يعني أخوان
ليش ما راضي ترد عليا يا ضناي يا بعد كل خلاني

بكرة الفرح وأنت وعدتني بثوب الفرح حلو الالوان
لكن أعذرك يمكن شغلك ترتيب الفرح أو شيء ثاني

يا اخوي مالك لابس الابيض وهذا ما لبس العرسان
يا أخوي مال الناس تبكي والفرح للبهجة والاغاني

جاوبني يا أخوي وجاوبني يا أبوي وجاوبني يا فلان
ليش أحضرتوا النعش والمعرس يحتاج خنجر عماني

أخوي لا تفارقني قبل ما تسامحني عن زلات اللسان
أخوي إرجع خلني بس أقبل رأسك وتقبل إعتذاري

صعب أنسى ضحكتك وأنسى جلسة البيت بكل مكان
كنت بذرة طيبة زرعت وحصدت قبل وقت الحصادي

وكنت صافي النية ومصلي الفرائض وقوي الايمان
وربي حفضك وشالك من الدنيا ومن شر الملذاتي

زفافك يا أخوي بجنة الفردوس على الحور الحسان
والموت نهاية كل حي لو عسى عاش كل الزماني

يا رب إغفر لأخوي وإدخله الجنة يا حافظ القرآن
وفي الختام يا أخوي هذه هي ترثيك اليوم ابياتي

_______________
اللهم ارحمنا وادخلنا الجنه دار السلام

منقــــول