اقتباس المشاركة الأصلية كتبت بواسطة Zabado*GSM مشاهدة المشاركة
مع احترامى للجميع

كل اللى بيقول موافق على تعديل الدستور وهيروح يصوت بنعم

حاجه من الثلاثه
1- من الاخوان
2- من الحزب الوطنى
3- مش فاهم حاجه وسلبى فاكر ان مصر كده هتبقى كويسه
لكن مش عارف ان بسلبيته ده هيدمر نفسه وبلده معاه ( ياريت محدش يقولى انى كلامى غلط لانه هرد عليه وقوله يقنعنى ان صح )

لان بمختصر شديد فى حاله قبول الأستفتاء على التعديلات الدستوريه ماذا ستكون النتيجة ؟
1- إنتخابات بدون شرطه فى وجود بلطجيه
2- إنتخابات مجلس شعب وشورى غير جاهزين لها ( الجاهزين له هم الأخوان وبقايا الحزب الوطنى )
3- المواد المعدله معيبه ( وياريت محدش يقولى انها هتبقى مؤقتا لحد ما الاموار تتعدل ) علشان هقولك انسى انك تفكر انك هيبقى ليك صوت ,
4- لو صوت بنعم يبقى ضيعت دم شهداء الثوره الا اسقطوا النظام

مثال بسيط على تعديل الدستور
مثلا روحت اشتريت قطعة قمشه علشان تعدل بيها البدله بتاعتك اللى بقالها 7سنين معاك
تخيل ايه هيكون منظر البدله من القماشه الجديده مع القديمه

اتفرجوا على الفيديو ده
http://www.youtube.com/watch?v=8NuqtlyHLnY

اولا بحترم راْيك الشخصى بالنسبه للاستفتاء للدستور
ثانيا انت بتحدد الاشخاص اللى بيقولو نعم لتعديل الدستور يا اما اخوان او حزب وطنى او شخص سلبى ....
انا شخص (مواطن مصرى) ليس تبع اى احزاب وبقول نعم للتعديل
ومين قال ان الانتخابات او الاستفتاء ليس عليها رقابه بالعكس رقابه شديده وبدون تزوير
وبعدين انتخابات مجلس الشعب جاهزين لها وفى ناس كتييير قد المسئوليه وعلى علم بالقانون لكن فى الوضع القديم كان فى تزوير وطبعا كلنا عارفيين الكلام ده فكان ليس لهم مقاعد داخل المجلس

ثالثا الكل بيقول ان دم الشهداء بيضيع بسبب موافقتك للتعديلات
اذا كان الثورة قامت بمطالبه تعديل بعض مواد فى الدستور وهى اللى اتعدلت وبعدين فى ماده 189 بتاكد انشاءاو لتعديل الدستور



المادة 189 مكرراً:

النص قبل التعديل:

النص مضاف و لم يكن موجودا قبل التعديل.

النص بعد التعديل:

يجتمع الأعضاء غير المعينين لأول مجلسي شعب و شورى تاليين لإعلان نتيجة الاستفتاء على تعديل الدستور لاختيار الجمعية التأسيسية المنوط بها إعداد مشروع الدستور الجديد خلال ستة اشهر

من انتخابهم

ذلك كله وفقا لأحكام الفقرة الأخيرة من المادة 189.


ودى الفقرة الاخيرة من النص لماده 189
و لكل من رئيس الجمهورية و بعد موافقة مجلس الوزراء و انصف أعضاء مجلسي الشعب و الشورى طلب إصدار دستور جديد و تتولى جمعية تأسيسية من مائة عضو ينتخبهم أغلبية أعضاء المجلسين غير المعينين في اجتماع مشترك إعداد مشروع الدستور في موعد غايته ستة أشهر من تاريخ تشكيلها و يعرض رئيس الجمهورية المشروع خلال خمس عشرة يوما من إعداده على الشعب لاستفتائه في شانه و يعمل بالدستور من تاريخ إعلان موافقة الشعب عليه في الاستفتاء.



 وبعدين بصراحه هى دى المواد اللى كان بنطالب بتغيرها
ما دام هنختار رئيس جمهوريه صح(خير من يمثلنا) ومجلس شعب بدون تزوير (اعضاء برغبه الشعب)

انا هروح وهقول نعم لتعديل مواد الدستور وموافق عليه

وارضى بالنتيجه اذا كانت بالموافقه او الرفض
ما دام فى مصلحة البلد

والله ولى التوفيق