بسم الله الرحمن الرحيم
السلام عليكم ورحمة الله وبركاته
عندى مشكلة غريبة اوى فى تاتش 5800
سعات بيحصل الكلام ده وسعات كتير بيكون شغال زى الفل يعنى بيعلق
الجزء اللى فوق من التاتش شغال كل مانزل تحت شوية التاتش يبدا يضغط على ايقونات تانية والشاشة تفضل تطلع وتنزل
المهم
لما بضغط جنب الكلمة بتاعة نوكيا اللى على الشاشة وافضل ضاغط التاتش بيبقى زى الفل
المهم حطيت حته خشبة صغيرة بين الكفر والتاتش بدل مافضل اضغط بصباعى كل شوية
المهم كان شغال كويس بس شكلة وحش جدا
التاتش اصلا كان مخربش ومش حلو المهم قلت بقى اغيره واخلص من مشكلة الخربشة ومشكلة التعليق لانى قرفت منه جدا
رحت اشتريت تاتش قالولى انه هاى كوبى ب 50 جنية من العطار
ركبته وجربته زى الفل
فوجئت بعد كام يوم ان نفس المشكلة رجعت تانى
شكيت فى السوكت
ورحت لواحد بتاع صيانه قالى المشكلة فى السوكت وملهاش حل
روحت البيت فكيت التليفون وحاولت اشوف لما بضغط على التاتش بضغط على ايه تحتية
هل السوكت ولا سوكت الشاشة ولا ايه
المهم وصلت لحاجة غريبة
ان الضغط ملوش دعوة بأى حاجة من الحاجات دى اصلا
والضغط بيكون على العلب الصفيح بتاعة الايسيهات
يعنى اتاكدت ان كل السوكتات كويسة
قلت كفاية كده علشان مبوظش حاجة
فكرة اغير التاتش بس خايف بعد مااشتريه الاقى نفس المشكلة
فى اخ هنا اسمه lovlydream
لقيتى عارض نفس المشكلة بالضبط
بس معرفش هل حلها ولا لا ومش عارف اساله او اتواصل معاه لانى معرفش اى بيانات عنه
وده رابط موضوعة
https://www.gem-flash.com/vb/showthread.php?t=179652
بالله عليكم افيدونى
وانا فى انتظار ردودكم يا اهل الخبرة
المفضلات