.gif)
...::-::... بعـــــــــــــــد الصبــــــــــــــر ...::-::...
بعد الصبر الدور صاب مصر
اللي شبابه معصور عصر
علشان مافي ولاء للقصر
تبقي دماغ لازم ليها كسر
قالوا نتجمع بعد الفجر
يقف الخير قدام الشر
لأنها ثوره عزة وفخر
لوهنبات في الشارع شهر
من غير قلب قمع وقهر
وشباب من وسطنا علي القبر
والله معاكم ماعاد فيها صبر
ولا هنفكر نرجع شبر
كلنا واحد مافي طوائف بيض أو سمر
ولا أجريه يحيوا رئسهم طبل وزمر
قوم واتكلم لاتكون صخر
مش متعود حد يقولك قوم بالأمر
ولا تحبها ذى طريقتك شخط ونطر
قلبك ما استحمل من الذعر
عامل زى الفليم اياه لما قالولوه تروح بالقطر
قال مبحبش اما التوك توك او هنقضيها عوم في النهر
ليه مش قادر تصلب طولك وبرجليلك ماشي بتجر
عايز تلعب فيها بطوله قائد قاعد كر وفر
ليه تخدعنا هو بقيلك كم مالعمر
شوف تعابينك ليه بتلون خضر وصفر
كرسيك نزل السوس فيه نخر
من أعوانك حفر ونشر
الله يسامحك هي بطانه وكلها غدر
لازم نحرقها من الجدر
كلها كرفتات مربوطه في رقاب حلها النحر
أو حتي تخدهم كده شوطه او عباره تروح في البحر
هتفات ولا كرابيج علي الظهر
ونادينا حتي أذان الظهر
قولنا نصلي قالوا حنصلي جمع وقصر
ليه يااخونا هو احنا أغراب عن مصر
شوفوا ازاى بقة ردوا عليه
كله يحط ايديه في ايديه
نتعاهد وبخالص النيه
ماهنرجع من غير حريه
لو هنموت كلنا تضحيه
عنوان للايام الجيه
دى مطالبنا وهي قضية
كلنا واحد في الوطنية
قوم يارئيسنا رد عليه
دى وزارة وكلها حرامية
طيب هي بمحض الصدفه
ولا السرقة عندها غيه
عايزين يله اجابه نقية
مفيهاش كوسه ولا ملوخية
كان بمزاجك ولا عنيك بقي متغميه
أسئلة صعبة مافيهاش غش او توصيه
شوف ياحببنا لازم تسمع بقي لنصايح
جيب كده ودنك ولا عيزنا كمان نتصايح
دقة زار والعفريت يطلع لو من كل محافظة مشايخ
اضحك يله لا تكون بايخ
ياما عملت وشعبك سامح
كده فرجت علينا الدنيا
انزل يله كفاية فضايح
ولا عملت المثل البايخ
كتر منها لأن أنا رايح
رد مع اقتباس
المفضلات